റിസോഴ്സ് അദ്ധ്യാപക പരിശീലനം തുടങ്ങി

ഉദുമ : എസ്.എസ്.എ കാസർകോടിന്റെ ആഭിമുഖ്യത്തിൽ ജില്ലയിലെ മുഴുവൻ ട്രെയിനർ, സി.ആർ സി സി കോ-ഓഡിനേറ്റർമാർക്കും ത്രിദിന റസിഡൻഷ്യൽ പരിശീലനം 'പര്യാപ്ത 2024' കളനാട് റസിഡൻസിയിൽ ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൻ അഡ്വ.എസ്.എൻ.സരിത ഉദ്ഘാടനം ചെയ്തു. ട്രെയിനർമാരുടെയും സി.ആർ.സി കോ-ഓഡിനേറ്റർമാരുടെയും അക്കാഡമിക മികവ് ഉയർത്തുക, പ്രയോഗ ശേഷിയും നൈപുണിയും വർദ്ധിപ്പിക്കുക എന്നതാണ് പരിശീലനത്തിന്റെ മുഖ്യ ലക്ഷ്യം കാസർകോട് വിദ്യാഭ്യാസ ഉപഡയറക്ടർ ടി.വി.മധുസൂദനൻ അദ്ധ്യക്ഷത വഹിച്ചു. സംസ്ഥാന റിസോഴ്സ് അദ്ധ്യാപകരായ വി.വി.സുബ്രഹ്മണ്യൻ, പി.രാജഗോപാലൻ, പി.സുമാദേവി എന്നിവർ ക്ലാസെടുത്തു.എസ്.എസ്.എ ജില്ല പ്രോഗ്രാം ഓഫീസർ ടി.പ്രകാശൻ സ്വാഗതവും ട്രെയിനർ വി.വി സുബ്രഹ്ണ്യൻ നന്ദിയും പറഞ്ഞു.