അനുസ്മരിച്ചു

കൊല്ലങ്കോട്: കൊടുവായൂർ പഞ്ചായത്ത് ലൈബ്രറി വായനപക്ഷാചരണത്തിന്റെ ഭാഗമായി കെ.ദാമോദരൻ അനുസ്മരണം നടത്തി. പഞ്ചായത്ത് പ്രസിഡന്റ് വി.പ്രേമ ഉദ്ഘാടനം ചെയ്തു. സ്ഥിരം സമിതി അദ്ധ്യക്ഷ പി.ശാന്തകുമാരി അദ്ധ്യക്ഷയായി. ചിറ്റൂർ താലൂക്ക് ലൈബ്രറി കൗൺസിൽ സെക്രട്ടറി വി.ഹരിശങ്കർ അനുസ്മരണ പ്രഭാഷണം നടത്തി. തുടർന്ന് കെ. ദാമോദരൻ നാടകങ്ങളുടെ കഥാപാത്ര അവതരണവും പൊൻകുന്നം വർക്കി കഥാപാത്ര അവതരണവും നടത്തി. പഞ്ചായത്ത് മെമ്പർമാരായ എൻ.അബ്ബാസ്, കെ.രാജൻ, ലൈബ്രറി എക്സിക്യൂട്ടീവ് മെമ്പർ കെ.രജിത, സി.രഘു എന്നിവർ സംസാരിച്ചു. വിവിധ സ്കൂളുകളിലെ വിദ്യാർത്ഥികളും, അദ്ധ്യാപകരും, ലൈബ്രറി പ്രവർത്തകരും പങ്കെടുത്തു.