എൻ.എസ്.എസ് ഭവന നിർമ്മാണം മാതൃകാപരം

കൊല്ലം: സംസ്ഥാനത്താകെ 315 വീടുകൾ നിർമ്മിച്ചുനൽകിയ നാഷണൽ സർവീസ് സ്‌കീമിന്റെ പ്രവർത്തനം മാതൃകാപരമാണെന്ന് മന്ത്രി കെ.എൻ.ബാലഗോപാൽ. കോയിക്കൽ ഗവ. ഹയർ സെക്കൻഡറി സ്‌കൂളിൽ സ്നേഹഭവനം പദ്ധതിയുടെ താക്കോൽ ദാനം ഉദ്ഘാടനം ചെയ്യുകയായിരുന്നു അദ്ദേഹം. എം.നൗഷാദ് എം.എൽ.എ അദ്ധ്യക്ഷനായി. ടി.കെ.എം ട്രസ്റ്റ് ചെയർമാൻ ടി.കെ.ഷഹാൽ ഹസൻ മുസലിയാരെ ചടങ്ങിൽ ആദരിച്ചു. സ്‌കൂൾ പ്രിൻസിപ്പൽ സി.വി.പ്രദീപ്, അക്കാ‌ഡമിക്ക് ഹയർ സെക്കൻഡറി ജോ. ഡയറക്ടർ ഡോ. ആർ.സുരേഷ് കുമാർ, നാഷണൽ സർവീസ് സ്‌കീം സ്റ്റേറ്റ് നോഡൽ ഓഫീസർ ഡോ. ആർ.എൻ.അൻസാർ, സ്റ്റേറ്റ് കോ ഓർഡിനേറ്റർ ഡോ.ജേക്കബ് ജോൺ, ജില്ലാ കൺവീനർ എസ്.എസ്.അഭിലാഷ്, ജനപ്രതിനിധികൾ, സ്ഥിരം സമിതി അദ്ധ്യക്ഷർ, അദ്ധ്യാപകർ, വിദ്യാർത്ഥികൾ, നാഷണൽ സർവീസ് സ്‌കീം വോളണ്ടിയർമാർ തുടങ്ങിയവർ പങ്കെടുത്തു.