നാട്ടുമാവ് സംരക്ഷണ പാർക്ക് ഒരുക്കി

തൃശൂർ: വള്ളിവട്ടം യൂണിവേഴ്‌സൽ എൻജിനിയറിംഗ് കോളേജിലെ എൻകോൺ ക്ലബ് തൃശൂർ ആസ്ഥാനമായുള്ള ഇൻഡിജിനിയസ് മാംഗോ പ്രൊട്ടക്‌ഷൻ ആൻഡ് കൺസർവേഷൻ ഗ്രൂപ്പുമായി സഹകരിച്ച് നാട്ടുമാവുകൾക്കായുള്ള പാർക്ക് കോളേജ് കാമ്പസിൽ ഒരുക്കി. പാർക്കിന്റെ ഉദ്ഘാടനം കോളേജ് പ്രിൻസിപ്പൽ ഡോ. ജോസ് കെ. ജേക്കബ്ബ് ഒരു കോമാവിൻ തൈ നട്ട് നിർവഹിച്ചു. വൈസ് പ്രിൻസിപ്പൽ ഡോ. കെ.കെ. നാരായണൻ കോളേജ് ഡീൻ ഡോ. ജോബിൻ. എം.വി. എൻ കോൺക്ലബ് കോ- ഓർഡിനേറ്റർ കെ.കെ. അബ്ദുൾ റസാക്ക്, ഡോ. പ്രേംശങ്കർ , ഡോ. ഹരി നാരായണൻ, പ്രൊഫ. ജൂലി എം.ജെ എന്നിവർ പ്രസംഗിച്ചു. നാട്ടുമാവിനങ്ങളെ സംരക്ഷിക്കുന്നതിനായുളള ദിനം സംസ്ഥാനമൊട്ടാകെ ആചരിച്ചിരുന്നു. ഇതോടനുബന്ധിച്ചായിരുന്നു പരിപാടി.