മത്സ്യകർഷകരെ ആദരിച്ചു

കോന്നി: ബ്ലോക്ക് പഞ്ചായത്തിൽ നടന്ന മത്സ്യകർഷക ദിനാചരണം പ്രസിഡന്റ് എം.വി. അമ്പിളി ഉദ്ഘാടനം ചെയ്തു. കോന്നി ഗ്രാമപഞ്ചായത്ത് പ്രസിഡന്റ് അനി സാബു തോമസ് അദ്ധ്യക്ഷത വഹിച്ചു. മത്സ്യകർഷക സംഗമത്തോടനുബന്ധിച്ച് മികച്ച ശുദ്ധജലകർഷകൻ പി.പി.തോമസ് കൈച്ചിറ, മികച്ച നൂതനമത്സ്യ കർഷക ഗായത്രിദേവി, മികച്ച യുവകർഷകൻ വനീത് വിജയൻ, മികച്ച യുവകർഷക പ്രീത ഷിബു എന്നിവരെ ആദരിച്ചു. ബ്ലോക്ക് പഞ്ചായത്ത് ആരോഗ്യ വികസന സ്റ്റാൻഡിംഗ് കമ്മിറ്റി ചെയർപേഴ്സൺ തുളസി മണിയമ്മ, പത്തനംതിട്ട ഫിഷറീസ് ഡെവലപ്‌മെന്റ് ഓഫീസർ തോമസ് പി. ഏബ്രഹാം, പി.പി തോമസ്, പി.സലീം, അക്വാകൾച്ചർ പ്രൊമോട്ടർമാരായ അശ്വതി തങ്കപ്പൻ, സന്ധ്യാസത്യൻ, ഐശ്വര്യ കൃഷ്ണൻ, സാഫ് കോ-ഓർഡിനേറ്റർ മായ എന്നിവർ പങ്കെടുത്തു.