കർഷകരെ ആദരിക്കും

തിരുവല്ല : പെരിങ്ങര ഗ്രാമപഞ്ചായത്തിൽ ചിങ്ങം 1 കർഷക ദിനത്തോടനുബന്ധിച്ച് കർഷകരെ ആദരിക്കുന്നതിന് അപേക്ഷകൾ ക്ഷണിച്ചു. മികച്ച കർഷകൻ, ജൈവ കർഷകൻ, വനിതാകർഷക, വിദ്യാർത്ഥി കർഷകൻ, എസ് സി കർഷകൻ, മുതിർന്ന കർഷകൻ, അംഗ പരിമിതരായ കർഷകർ, മുതിർന്ന കർഷക തൊഴിലാളി എന്നീ വിഭാഗത്തിൽപ്പെട്ടവരെയാണ് ആദരിക്കുന്നത്. അപേക്ഷയോടൊപ്പം കരം അടച്ച രസീതിന്റെ പകർപ്പുമായി ഈമാസം 31ന് വൈകിട്ട് അഞ്ചിന് മുമ്പായി കൃഷിഭവനിൽ എത്തിക്കണം. കഴിഞ്ഞ 5 വർഷക്കാലയളവിൽ ഏതെങ്കിലും വിഭാഗത്തിൽ അവാർഡുകൾ ലഭിച്ചിട്ടുള്ള കർഷകരുടെ അപേക്ഷ പരിഗണിക്കില്ലെന്നും കൃഷി ഓഫീസർ അറിയിച്ചു.