മോട്ടർ മോഷ്ടിച്ച കേസിൽ ഒരാൾ അറസ്റ്റിൽ

അടൂർ: മോട്ടോർ മോഷ്ടിച്ച കേസിൽ ഒരാൾ അറസ്റ്റിൽ. അടൂർ കരുവാറ്റ പാറയിൽ പ്ലാവിള തെക്കേപുത്തൻ വീട്ടിൽ അനീഷ്(39) നെയാണ് അടൂർ പൊലീസ് അറസ്റ്റുചെയ്തത്. കരുവാറ്റ വടക്ക് ഭാഗത്തുനിന്ന് ജോസഫ് എന്നയാളുടെ പുരയിടത്തിൽ കൃഷി ആവശ്യത്തിനായി വെള്ളമടിക്കാൻ സ്ഥാപിച്ചിരുന്ന മോട്ടോറാണ് 27 ന് രാത്രി മോഷണം പോയത്. തുടർന്ന് നടന്ന പൊലീസ് അന്വേഷണത്തിൽ അനീഷിനെ മോട്ടർ മോഷണം പോയ സ്ഥലത്ത് സംശയാസ്പദമായ നിലയിൽ കണ്ടതായി നാട്ടുകാരിൽ നിന്നും വിവരം ലഭിച്ചു. ഇതോടെയാണ് അനീഷ് പിടിയിലാകുന്നത്. അടൂർ സി.ഐ.ശ്യാം മുരളി,എസ്.ഐ.മാരായ ബാലസുബ്രഹ്മണ്യൻ, രാധാകൃഷ്ണൻ,ജി.സുരേഷ് ബാബു എസ്.സി.പി.ഒ.ബി.മുജീബ് എന്നിവരുടെ നേതൃത്വത്തിലായിരുന്നു അറസ്റ്റ്