മെഡിക്കൽ ക്യാമ്പ്

കൊല്ലങ്കോട്: വടവന്നൂർ ആലമ്പള്ളം യു.പി സ്കൂളിലെ ദുരിതാശ്വാസ ക്യാമ്പിലെത്തിയവർക്കായി വടവന്നൂർ പഞ്ചായത്ത് കമ്മ്യൂണിറ്റി സെന്റർ മെഡിക്കൽ ഓഫീസർ ഡോക്ടർ സുബിൻ സുഭാഷിന്റെ നേതൃത്വത്തിൽ മെഡിക്കൽ ക്യാമ്പ് നടത്തി. എലിപ്പനി പടരാതിരിക്കാനും വയറിളക്കം, പനി, കഫക്കെട്ട്, ഷുഗർ, ബ്ലഡ് പ്രഷർ എന്നിവയ്ക്കുള്ള മരുന്നുകളും നൽകി. ആശ വർക്കറായ മുംതാജ്, റെസിയാബിം പബ്ലിക്ക് ഹെൽത്ത് നേഴ്‌സുമാരായ അനിത, മായ, രാജശ്രീ, പാലിയേറ്റിവ് കെയർ നേഴ്‌സ് ശരണ്യ, ആരോഗ്യ വകുപ്പ് ഹെൽത്ത് ഇൻസ്‌പെക്ടർ കെ.ജി.ഷീജമോൾ, ജൂനിയർ ഹെൽത്ത് ഇൻസ്‌പെക്ടർ പ്രജിത്ത് എന്നിവർ മഴക്കാല സാംക്രമിക രോഗങ്ങളെക്കുറിച്ച് ബോധവത്കരണ ക്ലാസ് എടുത്തു.