ലാപ്ടോപ്പ് നൽകി​

മുഹമ്മ: കെ.പി.മെമ്മോറിയൽ യു.പി സ്കൂളിൽ ജെബി മേത്തർ എം.പി അനുവദിച്ച 13 ലാപ്ടോപ്പുകളുടെ പ്രവർത്തനോദ്ഘാടനം പഞ്ചായത്ത് പ്രസിഡന്റ് സ്വപ്നാ ഷാബു നിർവഹിച്ചു. ലാപ് ടോപ്പുകൾ സ്കൂളിന് ലഭിക്കുന്നതിന് കെ.സി വേണുഗോപാൽ എം.പിയും സ്കൂൾ പി​.ടി​.എയും മുൻകൈ എടുത്തതായി സ്വാഗതം പറഞ്ഞ ഹെഡ്മിസ്ട്രസ് ബിന്ദു ജി.പണിക്കർ ചൂണ്ടി​ക്കാട്ടി​. ലാപ്ടോപ്പുകൾ ലഭിക്കുന്നതിന് ഏറെ ശ്രമിച്ച അധ്യാപിക മായാ ചന്ദ്രനെ പഞ്ചായത്ത് പ്രസിഡന്റ് പൊന്നാട അണിയിച്ചു. വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൻ എം.ചന്ദ്ര അധ്യക്ഷത വഹിച്ചു. ബ്ലോക്ക് പഞ്ചായത്തംഗം സിന്ധുരാജീവ് ,പി ടി എ പ്രസിഡന്റ് വി.ജയരാജ് , ജിഷാ മജൂഷ്, സോമൻകുട്ടി നായർ ,പി.എം കുഞ്ഞുമോൻ എന്നിവർ പ്രസംഗിച്ചു