പതിവ് തെറ്റിച്ചു, ഇത്തവണത്തെ ജന്മദിനത്തിന് ഷാരൂഖ് ഖാൻ മന്നത്തിലെ ബാൽക്കണിയിൽ എത്തിയില്ല; കാരണം

ബോളിവുഡിൽ മാത്രമല്ല, ലോകത്ത് എല്ലായിടത്തും ആരാധകരുള്ള നടനാണ് ഷാരൂഖ് ഖാൻ. നവംബർ രണ്ടിനാണ് അദ്ദേഹത്തിന്റെ ജന്മദിനം. എല്ലാവർഷവും ഈ ദിവസം തന്റെ വസതിയായ മന്നത്തിന്റെ ബാൽക്കണിയിൽ നിന്ന് അദ്ദേഹം ആരാധകരെ കാണാറുണ്ട്. ജന്മദിനത്തിന് മാത്രമല്ല പല വിശേഷ ദിവസങ്ങളിലും ഇത് പതിവാണ്. ജന്മദിനത്തിലും മറ്റ് പല സ്ഥലങ്ങളിൽ നിന്ന് ഷാരൂഖിനെ കാണാൻ ആരാധകർ വീടിന് മുന്നിൽ എത്തും.

എന്നാൽ ഈ വർഷം ആരാധകരെ കാണാൻ ഷാരൂഖ് ബാൽക്കണിയിൽ എത്തിയില്ല. ഈ വർഷം തന്റെ 59-ാമത് ജന്മദിനമാണ് നടൻ ആഘോഷിച്ചത്. എന്നാൽ വീടിന്റെ ബാൽക്കണിയിൽ എത്തുന്ന പതിവ് മാറ്റിയത് വളരെ ആശ്ചര്യത്തോടെയാണ് ആരാധകർ കണ്ടത്. എന്തിനാണ് ആ പതിവ് ഒഴിവാക്കിയതെന്ന് അറിയില്ല. അതിന് പകരം മുംബയിലെ ബാലഗന്ധർവ്വ രംഗ് മന്ദിർ സംഘടിപ്പിച്ച പ്രത്യേക പരിപാടിയിൽ അദ്ദേഹം എത്തി. പരിപാടിക്കിടെ ആരാധകരുടെ ചോദ്യങ്ങൾക്കും ഷാരൂഖ് ഉത്തരം നൽകി. ഈ പരിപാടിയിൽ പങ്കെടുത്ത ചിത്രം പങ്കുവച്ച് താരം അന്ന് വെെകുന്നേരം എക്സിലൂടെ ആരാധകർക്ക് നന്ദി അറിയിച്ചിരുന്നു.

Thank you for coming over and making my evening special… my love to everyone who made it for my birthday. And for those who couldn’t, sending you all my love. pic.twitter.com/7r5YIG4HP0

— Shah Rukh Khan (@iamsrk) November 2, 2024