ബ്രസീലിയൻ ചിത്രം മാലുവിന് സുവർണ ചകോരം,​ ഫെമിനിച്ചി ഫാത്തിമയ്ത്ത് നാലു പുരസ്കാരങ്ങൾ

തിരുവനന്തപുരം : കേരളത്തിന്റെ 29-ാമത് രാജ്യാന്തര ചലച്ചിത്ര മേളയ്ക്ക് തിരശ്ശീല വീണു. പെഡ്രോ ഫിയറെ സംവിധാനം ചെയ്ത ബ്രസീലിയൻ ചിത്രം ' മാലു' സുവർണ ചകോരം നേടി. ഫർശദ് ഹാഷ്മി മികച്ച സംവിധായകനുള്ള പുരസ്കാരത്തിനും ക്രിസ്‌ടോബൽ ലിയോൺ മികച്ച നവാഗത സംവിധായകനുള്ള പുരസ്കാരത്തിനും അർഹനായി.

ഫാസിൽ മുഹമ്മദ് സംവിധാനം ചെയ്ത മലയാള ചിത്രം ഫെമിനിച്ചി ഫാത്തിമയ്ക്ക് നാല് പുരസ്കാരങ്ങൾ ലഭിച്ചു. മികച്ച മലയാളം സിനിമ,​ ഫിപ്രസി പുരസ്കാരം,​ ജനപ്രിയ ചിത്രം,​ മികച്ച തിരക്കഥ എന്നീ അവാർഡുകളാണ് ചിത്രത്തിന് ലഭിച്ചത്. അപ്പുറം എന്ന ചിത്രത്തിലൂടെ ഇന്ദുലക്ഷ്മി മികച്ച നവാഗത സംവിധായകയ്ക്കുള്ള പുരസ്കാരം നേടി. നിശാഗന്ധിയിൽ നടന്ന സമാപന ചടങ്ങിൽ മുഖ്യമന്ത്രി പിണറായി വിജയനാണ് പുരസ്കാരങ്ങൾ സമ്മാനിച്ചത്.