ഒരുലക്ഷം രൂപവരെ വിലക്കിഴിവ്; സൂപ്പർ മോഡൽ കാർ സ്വന്തമാക്കാനുള്ള വമ്പൻ ഓഫറുമായി വാഹനക്കമ്പനി

കൊച്ചി: നിസാന്റെ ഏറ്റവും ജനപ്രീതിയുള്ള കാറായ മാഗ്‌നൈറ്റിന് വമ്പൻ ഓഫർ. നിസാന്റെ ഏറ്റവും കൂടുതൽ വിറ്റഴിക്കപ്പെടുന്ന മാഗ്‌നൈറ്റിന് എല്ലാ പ്രതിരോധ ഉദ്യോഗസ്ഥർക്കും കേന്ദ്ര, സംസ്ഥാന പൊലീസ് വകുപ്പുകൾക്കുമായി പ്രത്യേക വിലക്കിഴിവ് പ്രഖ്യാപിച്ചിരിക്കുകയാണ്. റിപ്പബ്ലിക് ദിനത്തിനോട് അനുബന്ധിച്ചാണ് ഓഫർ.

‘ബോൾഡ് ഫോർ ദി ബ്രേവ്’ റിപ്പബ്ലിക് ബൊണാൻസ ഓഫറിലൂടെ എല്ലാ സായുധ സേനാംഗങ്ങൾക്കും 72,000 മുതൽ ഒരു ലക്ഷം രൂപ വരെയുള്ള പ്രത്യേക വിലക്കിഴിവ് നേടാം. സി.എസ്‌.ഡി എ.എഫ്.ഡി പോർട്ടൽ (www.afd.csdindia.gov.in) വഴി ബുക്ക് ചെയ്യുന്നതിലൂടെ ബോണാൻസയും നികുതി ആനുകൂല്യവും ലഭിക്കും.

ഇന്ത്യയിലുടനീളമുള്ള എല്ലാ കേന്ദ്ര അർദ്ധ സൈനിക, സംസ്ഥാന പൊലീസ് സേനകളിലെ എല്ലാ ഉദ്യോഗസ്ഥർക്കും നിസാൻ ആനുകൂല്യങ്ങൾ ലഭ്യമാണ്. ഓഫർ ലഭിക്കുന്നതിന് രാജ്യത്തുടനീളമുള്ള ഏത് നിസാൻ അംഗീകൃത ഡീലർഷിപ്പും സന്ദർശിക്കാം. ജനുവരി 31 വരെയാണ് ഓഫർ.