ചാറ്റ് ജി.പി.ടി 'പണിമുടക്കി'

തിരുവനന്തപുരം: ഓപ്പൺ എ.ഐയുടെ നിർമ്മിതബുദ്ധി സംവിധാനമായ ചാറ്റ് ജി.പി.ടി ഇന്നലെ വൈകിട്ടു മുതൽ മണിക്കൂറുകളോളം പ്രവർത്തനരഹിതമായി. രാത്രി വൈകിയും തകരാർ പരിഹരിച്ചിട്ടില്ല. ചാറ്റ് ജി.പി.ടി തുറന്നവർക്ക് ' ബാഡ് ഗേറ്റ് വേ എറർ' എന്ന സന്ദേശമാണ് ലഭിച്ചത്. ഐ.ടി കമ്പനികളുടെയും എ.ഐ സ്റ്റാർട്ടപ്പുകളുടെയും പ്രവർത്തനത്തെ ഇത് സാരമായി ബാധിച്ചു. അതേസമയം, പ്രശ്നത്തെപ്പറ്റി ഔദ്യോഗികമായി ഓപ്പൺ എ.ഐ പ്രതികരിച്ചിട്ടില്ല. ചാറ്റ് ജി.പി.ടി പുതിയ സേവനങ്ങൾ കൊണ്ടുവന്ന് ദിവസങ്ങൾക്കകമാണ് തകരാർ സംഭവിച്ചത്.