ഗവർണർ സ്ഥാനാർഥിത്വം പ്രഖ്യാപിച്ച് വിവേക് ​​രാമസ്വാമി തിരഞ്ഞെടുപ്പ് നവംബറിൽ

ഒഹായോ: ഒഹായോയുടെ അടുത്ത ഗവർണറായി സ്ഥാനാർഥിത്വം പ്രഖ്യാപിച്ച് വിവേക് ​​രാമസ്വാമി. യു.എസിൽ നടന്ന ഒരു റാലിയിലാണ് വിവേക് തന്റെ സ്ഥാനാർഥിത്വം പ്രഖ്യാപിച്ചത്. ഒഹായോയുടെ ഏറ്റവും മികച്ച ദിവസങ്ങൾ വരാനിരിക്കുന്നതേയുള്ളൂ. മികച്ച ഒരു നേതാവിനെ ഇവിടെ ആവശ്യമുണ്ട്. ഒരു നേതാവ് എന്ന നിലയിൽ എല്ലാ മേഖലകളിലും ഒഹായോയെ ഉയർത്തും. മത്സരാധിഷ്‌ഠിതമായ ഈ ലോകത്ത് പൗരന്മാരുടെ ശാക്തീകരണത്തിനായി പ്രവർത്തിക്കുമെന്നും അദ്ദേഹം പറഞ്ഞു. പുതിയ ബിസിനസ് ആരംഭിക്കുന്നതിനും വിജയിക്കുന്നതിനും പറ്റിയ രാജ്യത്തെ ഏറ്റവും മികച്ച സംസ്ഥാനമായി ഒഹായോയെ താൻ മാറ്റുമെന്നും വായന, എഴുത്ത്, വിദ്യാഭ്യാസം എന്നിവയിൽ നമ്മുടെ കുട്ടികൾക്ക് ലോകോത്തര വിദ്യാഭ്യാസം ലഭിക്കുന്നതിനായി പ്രവർത്തിക്കുമെന്നും അദ്ദേഹം പറഞ്ഞു. എയ്‌റോസ്‌പേസ് മുതൽ സെമികണ്ടക്‌ടറുകൾ വരെയുള്ള എല്ലാ മേഖലകളിലും യുഎസിനെ നയിക്കുന്ന ഒരു മികച്ച സംസ്ഥാനമായി ഒഹായോയെ മാറ്റുമെന്നും അദ്ദേഹം കൂട്ടിച്ചേർത്തു.

ടെക്‌സസ്, ഫ്ലോറിഡ പോലുള്ള സംസ്ഥാനങ്ങളിലേക്ക് താമസം മാറിയ ആളുകളെ തിരികെ ആകർഷിക്കുന്ന തരത്തിൽ ഒഹായോയെ മാറ്റിയെടുക്കാൻ പ്രതിജ്ഞാബദ്ധമാണ്. ഭാവിയിലേക്ക് നമ്മെ നയിക്കുന്ന എയ്‌റോസ്‌പേസ് കമ്പനിയായ ബട്‌ലർ കൗണ്ടിയുടെ ഹൃദയഭാഗമാണിത്. ഫ്ലോറിഡയ്‌ക്കും ടെക്‌സാസിനും പകരം അമേരിക്കയിലുടനീളമുള്ള ദേശസ്‌നേഹികൾ ഒഴുകിയെത്തുന്ന രാജ്യത്തെ ഏറ്റവും മികച്ച സംസ്ഥാനമാക്കി ഒഹായോയെ താൻ നയിക്കുമെന്നും വിവേക് പ്രഖ്യാപിച്ചു.