കെ.എസ്.ഇ.ബിയിൽ 4% ഡി.എ.അനുവദിച്ചു

തിരുവനന്തപുരം:കെ.എസ്.ഇ.ബി ജീവനക്കാർക്ക് 4% ഡി.എ.അനുവദിച്ചു. പെൻഷൻകാർക്ക് ഡി.ആർ.ആയും കിട്ടും. ഏപ്രിൽ ഒന്നുമുതലാണ് പ്രാബല്യത്തിൽ വരുന്നത്. 2022ജൂലായ് 1ൽ അനുവദിക്കേണ്ടിയിരുന്ന ഡി.എ.വിഹിതമാണ് വിതരണം ചെയ്യുന്നത്. എന്നാൽ ഇതിന് മുൻകാല പ്രാബല്യമില്ല. 18ന് ചേർന്ന പൂർണ്ണ ഡയറക്ടർ ബോർഡ് യോഗത്തിലാണ് ഡി.എ നൽകുന്നതിന് തീരുമാനമായത്. 2022 ജനുവരി 1മുതലുള്ള 3% ഡി.എ.കഴിഞ്ഞ വർഷം ആഗസ്റ്റിലാണ് അനുവദിച്ചത്. അതിന് മുൻകാല പ്രാബല്യം നൽകിയിരുന്നെങ്കിലും ഇതുവരെ വിതരണം ചെയ്തിട്ടില്ല.ഡി.എ.യ്ക്ക് മുൻകാല പ്രാബല്യം നൽകാത്ത നടപടിയിൽ കേരള ഇലക്ട്രിസിറ്റി കോൺഫെഡറേഷൻ സംസ്ഥാന വർക്കിംഗ് പ്രസിഡന്റ് അഡ്വ.സിബിക്കുട്ടി ഫ്രാൻസിസ് പ്രതിഷേധിച്ചു.