നായയുടെ കടിയേറ്റാൽ ആദ്യം ഇക്കാര്യം നിർബന്ധമായും ചെയ്യണം; തുടർന്നാണ് ചികിത്സ തേടേണ്ടത്

ആ​ന്റി ​റാ​ബി​സ് ​വാ​ക്‌​സി​ൻ​ ​എ​ടു​ത്ത​വ​ർ​ക്കും​ ​പേ​വി​ഷ​ബാ​ധ​ ​വ​രു​ന്ന​ത് സംസ്ഥാനത്ത് ​ആ​ശ​ങ്ക​ ​പ​ട​ർ​ത്തുകയാണ്.​ കൊ​ല്ല​ത്ത് ​ഏ​ഴു​വ​യ​സു​കാ​രി​ക്ക് ​മൂന്ന് ​ഡോ​സ് ​വാ​ക്സി​നെ​ടു​ത്തി​ട്ടും​ ​പേ​വി​ഷ​ ​ബാ​ധ​ ​സ്ഥി​രീ​ക​രി​ച്ച​താ​ണ് ​ഒ​ടു​വി​ല​ത്തെ​ ​സം​ഭ​വം.​ ​വി​​​ള​ക്കു​ടി​​​ ​ജാ​സ്മി​​​ൻ​ ​മ​ൻ​സി​​​ലി​​​ൽ​ ​ഹ​ബീ​റ​യു​ടെ​ ​മ​ക​ൾ​ ​നി​​​യ​ ​ഫൈ​സ​ലി​ന് ​ഏ​പ്രി​ൽ​ ​എ​ട്ടി​ന് ​രാ​വി​ലെ​യാ​ണ് ​ക​ടി​യേ​റ്റ​ത്.​ കുട്ടി ​ഗു​രു​ത​ര​ ​നി​ല​യി​ൽ​ ​എ​സ്.​എ.​ടി​ ​ആശുപത്രി​ വെ​ന്റി​ലേ​റ്റ​റി​ൽ കഴിയുകയാണ്. ഈ സാഹചര്യത്തിൽ നായയുടെ കടിയേറ്റാൽ സ്വീകരിക്കേണ്ട ചില മുൻകരുതലുകൾ അറിഞ്ഞിരിക്കേണ്ടത് വളരെ പ്രധാനമാണ്.

നായയുടെ കടിയേറ്റാൽ എട്ട് മണിക്കൂറിനുള്ളിൽ ആശുപത്രിയിലെത്തി പ്രതിരോധ കുത്തിവയ്പ്പ് എടുത്തില്ലെങ്കിൽ റാബിസ് വെെറസ് ബാധയുണ്ടാകും. നായയുടെ കടിയേറ്റ് ഉണ്ടാക്കുന്ന അണുബാധ തടയാൻ ഇക്കാര്യങ്ങൾ ചെയ്യാൻ ശ്രദ്ധിക്കണം.

1. മുറിവ് കഴുകുക

കടിയേറ്റാൽ 20 മിനിട്ടോളം ഒഴുകുന്ന വെളളത്തിൽ സോപ്പ് ഉപയോഗിച്ച് മുറിവ് കഴുകണം. ഈ ഘട്ടത്തിൽ 90 ശതമാനം വൈറസും നശിക്കും. തുടർന്നാണ് ചികിത്സ തേടേണ്ടത്.

2. മുറിവ് പൊതിഞ്ഞ് വയ്ക്കുക

മുറിവ് കഴുകി വൃത്തിയാക്കിയ ശേഷം അണുവിമുക്തമായ ബാർഡേജിൽ പൊതിഞ്ഞ് ഉടനടി ഡോക്ടറെ കാണുക.

3. പതിവായി ബാൻഡേജ് മാറ്റുക

നായയുടെ കടിയേറ്റ് മുറിഞ്ഞ ഭാഗത്ത് കെട്ടിയ ബാൻഡേജ് ദിവസവും മാറ്റുക. മുറിവ് അണുവിമുക്തമാക്കി വയ്ക്കുക.

താഴെ പറയുന്ന ലക്ഷണങ്ങൾ ഉണ്ടെങ്കിൽ ഉടൻ ഡോക്ടറെ അറിയിക്കണം

• നായയുടെ കടിയേറ്റ് ഉണ്ടായ മുറിവിൽ രക്തസ്രാവം നിൽക്കുന്നില്ലെങ്കിൽ.
• മുറിവിൽ കഠിനമായ വേദനയും അസ്വസ്ഥതയും തോന്നുക.
• ആഴത്തിലുള്ള മുറിവ്, മുറിവ് ചുവന്നതോ വീർത്തതോ ആയി കാണുക.
• മുറിവിൽ നിന്ന് പഴുപ്പ് അല്ലെങ്കിൽ ദ്രാവകം ഒഴുകുക.

നായയുടെ കടിയേറ്റാൽ ചിലപ്പോൾ നാഡിയ്ക്ക് പോലും ക്ഷതം സംഭവിക്കാം. കൂടാതെ പേശികൾക്കും രക്തക്കുഴലുകൾക്കും കേടുപാടുകളും വരുത്തുന്നു. ചില നായ്ക്കളുടെ കടിയേറ്റ് അസ്ഥികൾ ഒടിഞ്ഞ സംഭവങ്ങളും ഉണ്ടായിട്ടുണ്ട്. നായ്ക്കളിൽ നിന്ന് മാത്രമല്ല മറ്റ് മൃഗങ്ങളിൽ നിന്നും പേവിഷബാധയേൽക്കാം. നായയുടെ നഖങ്ങൾ കൊണ്ട് ഉണ്ടാക്കുന്ന മുറിവുകളും പേവിഷബാധയ്ക്ക് കാരണമാകുന്നു. അതിനാൽ ഇങ്ങനെ സംഭവിച്ചാൽ ഉടനെ വൈദ്യസഹായം തേടുക. ശരിയായ പ്രതിരോധം എടുത്തില്ലെങ്കിൽ ജീവനുതന്നെ ഭീഷണിയാകും.