ഈ നക്ഷത്രക്കാർ ശ്രദ്ധിച്ചോളൂ ഇല്ലെങ്കിൽ തൊഴിൽ നഷ്‌ടം ഉറപ്പ്, അതിമോഹം നന്നല്ല

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ജൂലൈ 2 മിഥുനം 18 ബുധനാഴ്ച

(പുലർന്ന ശേഷം 11 മണി 6 മിനിറ്റ് 54 സെക്കന്റ് വരെ ഉത്രം നക്ഷത്രം ശേഷം അത്തം നക്ഷത്രം)

അശ്വതി: കുടുംബത്തിൽ ഐശ്വര്യം , ഭൂമിലാഭം, കൃഷിയിലൂടെ നേട്ടം, എല്ലാവരും പ്രീതികരമായ രീതിയിൽ പെരുമാറും, പ്രത്യേകമായ ഒരു വശ്യശക്തി നിഴലിച്ചു നിൽക്കും, പൊതു പ്രവർത്തകർക്ക് മാനഹാനിയും പണച്ചിലവും.

ഭരണി: വിവിധ വിഷയങ്ങളിൽ താല്പര്യം തോന്നും, പുതിയ ഗൃഹോപരണങ്ങൾ വാങ്ങിക്കും, പൂർവ്വിക സ്വത്ത് ലഭിക്കാൻ സാദ്ധ്യതയുണ്ട്, കർഷകർക്ക് ലാഭം, സാമ്പത്തിക സഹായം അനുവദിച്ചുകിട്ടും, രോഗങ്ങൾ അലട്ടും, ഉദ്യോഗസ്ഥർക്ക് കർമ്മരംഗത്ത് പ്രതിസന്ധി തരണം ചെയ്യേണ്ടി വരും.

കാർത്തിക: ബിസിനസ്സിൽ നിന്നും മികച്ച നേട്ടം, കുടുംബത്തിൽ ഐശ്വര്യവും സമാധാനവും, വിദേശ യാത്രക്കും മറ്റും തീരുമാനമാകും, ദുർവാശി മൂലം ദുരിതത്തിലാഴ്ത്തുന്ന സാഹചര്യം വന്നു ചേരും, വാക്കുകൾ പ്രയോഗിക്കുന്നത് വളരെ സൂക്ഷിച്ചു വേണം.

രോഹിണി: മുമ്പുണ്ടായിരുന്നതിനേക്കാൾ സമാധാനവും സന്തോഷവും,ജീവിതത്തിൽ പലവിധത്തിലും ഉള്ള പുരോഗതി, ജനപ്രീതിയും അംഗീകാരവും, എല്ലാവരും അനുകൂലമായ രീതിയിൽ പെരുമാറും, എതിർലിംഗത്തിലുള്ളവരോട് താൽപര്യം കൂടും.

മകയിരം: മാതാവിന് രോഗശാന്തി, സമ്മാനങ്ങൾ കിട്ടും, ധനാഭിവൃദ്ധിയുടെ സമയം,ശത്രുവിൻമേൽ വിജയം,ആഡംബര ഭ്രമം, ദാമ്പത്യ സുഖം, സംസാരത്തിലൂടെ മറ്റുള്ളവരെ വശത്താക്കും,ഈശ്വരാധീനം, തൊഴിലിൽ ഉയർച്ചയും പുത്തനുണർവും ഉണ്ടാകും.

തിരുവാതിര: ബുദ്ധിപരമായി കാര്യങ്ങൾ നിർവ്വഹിക്കും, ആനുകൂല്ല്യങ്ങൾ ലഭിക്കും, സ്ത്രീകൾ മൂലം അംഗീകാരം ലഭിക്കും, കാലങ്ങളായി കിട്ടാതിരുന്ന ധനം തിരികെ ലഭിക്കും,ആദ്ധ്യാത്മികതയും ദൈവാധീനവും ഉണ്ടാകും,ആകർഷകത്വം എല്ലായിടത്തും നിഴലിച്ചു നിൽക്കും.

പുണർതം: സാമ്പത്തിക സഹായം അനുവദിച്ചുകിട്ടും, വ്യാപാരികൾക്ക് നല്ലസമയം, ശത്രുക്കൾ ഒഴിഞ്ഞുപോകും,ദാമ്പത്യം സന്തോഷപ്രദം,പ്രണയ കാര്യങ്ങളിൽ അനുകൂല തീരുമാനം, ആചാര മര്യാദകൾ പാലിക്കും.

പൂയം: ഒരേസമയം വിവിധ തരത്തിലുള്ള സംഗതികളിൽ ഏർപ്പെടും, ശത്രുക്കളുടെ ഉപദ്രവം കുറയും, വിവാഹാലോചന പുരോഗമിക്കും,ശത്രുക്കളുടെ മേൽ വിജയം, രാഷ്ട്രീയ രംഗത്ത് നേട്ടം, സുഹൃത്ത് സമാഗമം, അപ്രതീക്ഷിതമായി ധനനേട്ടം.

ആയില്യം: ഇഷ്ടഭക്ഷണ ലബ്ദി, ധനനേട്ടം.സമ്മാനാദി ലാഭം, തൊഴിൽ മേഖലയിൽ മേന്മ. എതിർക്കുന്നവരെ കീഴ്‌പെടുത്തും,സുഹൃദ്ബന്ധങ്ങൾക്ക് പ്രാമുഖ്യം കൊടുക്കും, ധനലാഭം, വസ്ത്രാഭരണാദി ലാഭം, ശത്രുനാശം.

മകം: എല്ലാ കാര്യത്തിലും വിജയം, ഏറ്റെടുത്ത സംഗതികൾ ഉത്തരവാദിതത്തോടെ ചെയ്തു തീർക്കും, കുടുംബകാര്യങ്ങളിൽ മുമ്പില്ലാത്ത കരുതൽ കാണിക്കും. ചെലവിനോടൊപ്പം വരവും വർദ്ധിക്കും,കടബാദ്ധ്യതകൾ കുറയും.

പൂരം: രാഷ്ട്രീയ രംഗങ്ങളിൽ വിജയം, വീടിനോട് പ്രത്യേക താൽപര്യം, അധികാരികളുടെ പ്രീതി,കുടുംബസുഖം, തൊഴിലിൽ മേന്മ, പേരും പെരുമയും ഉണ്ടാകും, നിർമ്മാണ പദ്ധതികൾക്ക് തുടക്കം കുറിക്കും, സ്ത്രീകൾക്ക് സമ്മാനാദിലാഭം.

ഉത്രം: പണമിടപാടുകളിൽ നേട്ടം,അന്യദേശ വാസം ഗുണം ചെയ്യും, രോഗങ്ങൾക്ക് ആശ്വാസം, ജോലിയിൽ അനുകൂലമായ മാറ്റം പ്രതീക്ഷിക്കാം, സന്താനസുഖം, ആഡംബര വസ്തുക്കൾ ശേഖരിക്കും, കുടുംബസുഖം, സമാധാനം.

അത്തം: കള്ളം പറയേണ്ടുന്ന അവസ്ഥ വന്നു ചേരും, കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും,ഭൂമി ലാഭം, കൃഷിയിലൂടെ നേട്ടം, പഴയകാല സുഹൃത്തുകളെ കണ്ടുമുട്ടും, ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും.

ചിത്തിര: സുന്ദരവസ്തുക്കളോടും ആഡംബരത്തിനോടും താൽപ്പര്യം കൂടും, പൊതുജനാനുകൂല്ല്യം, സ്ഥാനമാറ്റം, താഴ്ത്തപ്പെടൽ എന്നിവ അനുഭവത്തിൽ വരും, സ്ത്രീകളെ വിശ്വസിക്കരുത്, കാര്യങ്ങൾ ബുദ്ധിപരമായി വിശകലനം ചെയ്തുനോക്കി മാത്രം തീരുമാനങ്ങൾ എടുക്കുക.

ചോതി:സാമ്പത്തിക പ്രശ്നങ്ങൾക്ക് നിയമ പരിരക്ഷ വേണ്ടിവരും, സർക്കാർ ജോലിയിൽ ഇരിക്കുന്നവർക്ക് ബുദ്ധിമുട്ടുകൾ, ചിട്ടി,ബാങ്ക് എന്നിവ മുഖേനെ പ്രയാസങ്ങൾ,സാമ്പത്തിക പ്രശ്നങ്ങൾ രൂക്ഷമാകും, ആഭരണലാഭം, കൃഷിഗുണം, സ്ത്രീഗുണം, ദാമ്പത്യസുഖം, സർക്കാർ ആനുകൂല്ല്യം.

വിശാഖം: ശാരീരികവും മാനസികവുമായി ഉന്മേഷക്കൂടുതൽ, തൊഴിൽപരമായി ഉയർച്ച, ഇഷ്ടഭക്ഷണ ലബ്ദി ,ശത്രുക്കളെ പരാജയപ്പെടുത്തും, യാത്രയിൽ ബുദ്ധിമുട്ടുകൾ, പലവിധ ക്ലേശങ്ങൾക്കും സാദ്ധ്യത. ധനത്തിനായി അന്യരെ ആശ്രയിക്കേണ്ടി വരും, ഗൃഹത്തിൽ ചില അസ്വസ്ഥതകൾ, വീടുവിട്ട് താമസിക്കേണ്ടി വരും.

അനിഴം:ധനനേട്ടത്തിന് വേണ്ടി ചെയ്യുന്ന സംഗതികൾ പിന്നീട് പ്രയാസങ്ങൾക്ക് കാരണമാകും, യാത്രാഗുണം, താൽക്കാലിക ജോലി സ്ഥിരമാകും, ഉന്നതോദ്യോഗസ്ഥരിൽ നിന്നും ആത്മാർഥമായ സഹകരണം കിട്ടും.

കേട്ട:യാത്രാക്ലേശം,രഹസ്യങ്ങൾ മറ്റുള്ളവരുമായി പങ്കിടുന്ന സ്വഭാവം ഉപേക്ഷിക്കുക. കുടുംബ സുഖം, ബിസിനസ്സിൽ നേട്ടം,അനുകൂലമായ വിവാഹ ബന്ധം, മറ്റുള്ളവരുടെ പ്രീതികരമായ പെരുമാറ്റം ഗുണകരമാകും.

മൂലം: ഇഷ്ടമല്ലാത്തവരുമായി സഹകരിക്കേണ്ടി വരും, തടസ്സങ്ങൾ നേരിടും, സ്വന്തം നേട്ടം ലാക്കാക്കി പലരും അടുത്തുകൂടി ചതിക്കാൻ നോക്കും, ഭാര്യാഗുണം, സ്ത്രീകൾ മുഖേനെ സന്തോഷം കിട്ടും, മതപരമായ കാര്യങ്ങളിൽ താൽപ്പര്യം കാണിക്കും.

പൂരാടം: വാക്ക് പാലിക്കാൻ സാധിക്കില്ല, ബന്ധുക്കളുടെ എതിർപ്പുകൾ, സ്വാർത്ഥത ഒഴിവാക്കുക, ധനലാഭം, മേലധികാരികളുടെ പ്രീതി നേടും, യാത്രയിൽ നേട്ടം, എല്ലാ കാര്യത്തിലും ശാന്തതയും സമാധാനവും പുലർത്തണം.

ഉത്രാടം: അനുകൂലമായ വിവാഹ ബന്ധം കിട്ടും, എല്ലാവരിലിൽ നിന്നും സഹായ സഹകരണങ്ങൾ ലഭിക്കും, ഭാര്യാഗുണം, സ്വധീനശക്തി വർദ്ധിക്കും, മറ്റുള്ളവരെ സഹായിക്കാൻ താൽപര്യം കാണിക്കും, പഠന കാര്യങ്ങളിൽ ജയം.

തിരുവോണം: ആത്മനിയന്ത്രണശേഷി ഉണ്ടാകും, ധനപ്രാപ്തി, അന്യദേശവാസം ഗുണം ചെയ്യും, ഭർതൃസ്‌നേഹം വർദ്ധിക്കും, സ്വന്തം കുടുംബത്തോട് മാത്രമെ കൂറും സ്‌നേഹവും കാണുകയുള്ളു,ആത്മീയപരമായ കാര്യങ്ങളിൽ താൽപ്പര്യം കൂടും.

അവിട്ടം: സാമ്പത്തിക നേട്ടം പ്രതീക്ഷിക്കാം, വിദ്യാഗുണം, പുതിയ അറിവുകൾ സമ്പാദിക്കും, കാര്യശേഷി, ആകർഷകത്വം, സത്യസന്ധത, ഈശ്വരാധീനം, എല്ലാവിധ സുഖ സൗകര്യങ്ങളും അനുഭവിക്കാൻ യോഗം.

ചതയം: ജനപ്രീതിയും അംഗീകാരവും, ശത്രു ജയം, സ്ത്രീകൾ മുഖേനെ സന്തോഷം, പൊതുവേ അനുകൂലമായ സാഹചര്യങ്ങൾ, ശത്രുക്കളെ പരാജയപ്പെടുത്തും,ജീവിതത്തിൽ പലവിധത്തിലുള്ള പുരോഗതി, മോശം കൂട്ടുകെട്ടുകളിൽ നിന്നും കഴിയുന്നതും അകന്നു നിൽക്കുക.

പൂരുരുട്ടാതി: ദൂരയാത്രാക്ലേശം,ഉന്നതരിൽ നിന്നും വിഷമകരമായ സംസാരവും പ്രവർത്തികളും നേരിടും, കോപസ്വഭാവം, ദുരാഗ്രഹം, ബന്ധുക്കളുമായി കലഹം, അപായഭീതി, ധനനഷ്ടം, രഹസ്യ ജീവിതം, പരീക്ഷണങ്ങളെ നേരിടേണ്ടി വരും.

ഉതൃട്ടാതി: അധികാര മോഹം പ്രകടിപ്പിക്കും,കഷ്ടപ്പാട്, ദുരാഗ്രഹം, ബന്ധുക്കളുമായി കലഹം, ഏല്ലാരംഗത്തും പരാജയം, അമിതമായുള്ള ആത്മവിശ്വാസം ദോഷം ചെയ്യും, ശ്രദ്ധാപൂർവ്വം ജോലി നിർവ്വഹിച്ചില്ലെങ്കിൽ തൊഴിൽ നഷ്ടം സംഭവിക്കും, സ്ത്രീകൾ മുഖേനെ കലഹം.

രേവതി: ദാമ്പത്യത്തിൽ അകൽച്ച, മുൻകോപം,വിദേശത്ത് നിന്നും അശുഭ വാർത്തകൾ ശ്രവിക്കും, വികാര വിക്ഷോഭം, അപകടത്തിൽ നിന്നും പാഠം പഠിക്കും, വീടുവിട്ട് നിൽക്കേണ്ടി വരും,കർമ്മ മേഖലയിൽ അനിശ്ചിതത്വം.