'എന്താ  മോനേ  ദിനേശാ'; മോഹൻലാലിനെ അനുകരിച്ച് നടി കജോൾ, വീഡിയോ വെെറൽ

ബോളിവുഡ് നടി കാജോളിനെ മലയാളം പഠിപ്പിക്കുന്ന നടൻ പൃഥ്വിരാജ് സുകുമാരന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വെെറലാകുന്നത്. 'നരസിംഹം' സിനിമയിലെ മോഹൻലാലിന്റെ ഹിറ്റ് ഡയലോഗായ 'എന്താ മോനേ ദിനേശാ' എന്നതാണ് കജോൾ പറയുന്നത്. പൃഥ്വിരാജിന്റെയും കജോളിന്റെയും പുതിയ ചിത്രമായ 'സർസമീന്റെ' പ്രമോഷനുമായി ബന്ധപ്പെട്ട് ജിയോ ഹോട്ട്സ്റ്റാറിന് നൽകിയ അഭിമുഖത്തിലാണ് കജോൾ മോഹൻലാലിനെ അനുകരിക്കുന്നത്. നിങ്ങളുടെ മാതൃഭാഷയിലെ ഒരു വാക്ക് പഠിപ്പിക്കാൻ കജോൽ പറയുന്നു. മോഹൻലാലിന്റെ ശെെലിയിൽ തോൾ ചരിച്ച് കജോൾ ആ ഡയലോഗ് പറയുന്നതും വീഡിയോയിൽ കാണാം.

'മക്കളേ ഇതാണ് നമ്മുടെ അവസരം. കജോളിനെ മലയാളം പഠിപ്പിക്കാം. ഞാനൊരു വാചകം പഠിപ്പിച്ചുതരാം. പക്ഷേ ഈ വാചകം പഠിക്കുന്നതിന് മുൻപ് ഒരു നിബന്ധനയുണ്ട്. നിങ്ങൾ നിങ്ങളുടെ വലത് തോൾ ചരിക്കണം. ഇടത് തോൾ ഉയർത്തണം. എന്നിട്ട് പറയണം 'എന്താ മോനേ ദിനേശാ?', എല്ലാവർക്കും മനസിലായലോ? ഇത് മലയാളത്തിലെ ഒരു പ്രശസ്തമായ വാചകമാണ്. മോഹൻലാൽ സാർ പറഞ്ഞ വളരെ പ്രശസ്തമായ ഒരു സിനിമാ ഡയലോഗാണിത്. ഇത് പറഞ്ഞതിലൂടെ നിങ്ങൾ ഇപ്പോൾ കേരളത്തിലെ എല്ലാ മോഹൻലാൽ ആരാധകരുടെയും ഇഷ്ടം പിടിച്ചുപറ്റിയിരിക്കുന്നു'- നടൻ പറയുന്നു.