കെമിക്കൽ ഡെെയോട് ഗുഡ് ബെെ പറയാം; നര അകറ്റാൻ ഈ എണ്ണ മാത്രം മതി, എത്ര നരച്ച മുടിയും കട്ടകറുപ്പാക്കാം

ഈ കാലഘട്ടത്തിൽ ഏറ്റവും കൂടുതൽ പേർ നേരിടുന്ന പ്രധാന സൗന്ദര്യപ്രശ്നമാണ് മുടി വേഗം നരയ്ക്കുന്നതും കൊഴിയുന്നതും. ഇത് മറയ്ക്കാൻ പലരും പാർലറിൽ പോയി വലിയ തുക ചെലവാക്കുന്നു. ചിലരാണെങ്കിൽ വില കൂടിയ കെമിക്കൽ നിറഞ്ഞ സാധനങ്ങൾ വാങ്ങി തലയിൽ തേയ്ക്കുന്നു. എന്നാൽ ഇവയൊന്നും മുടിയുടെ പ്രശ്നത്തിന് ഒരു പരിഹാരമാർഗമല്ല. മാത്രമല്ല കാലക്രമേണ ഇവ മുടിയ്ക്ക് ദോഷം ചെയ്യുന്നു. വീട്ടിൽ തന്നെ പ്രകൃതിദത്തമായ രീതിയിൽ മുടി കറുപ്പിക്കാൻ കഴിയും. അത്തരത്തിൽ മുടിയ്ക്ക് നിരവധി ഗുണങ്ങൾ നൽകുന്ന പ്രകൃതിദത്തമായ ഒരു എണ്ണ പരിചയപ്പെട്ടാലോ? ഹെന്ന എണ്ണ തലമുടിക്ക് നാച്യുറൽ ബ്ലാക്ക് കളർ നൽകും. ഒപ്പം മുടിക്ക് കരുത്തും നൽകുന്നു.

ആവശ്യമായ സാധനങ്ങൾ

• വെളിച്ചെണ്ണ - 1 കപ്പ്
• ഹെന്ന പൊടി - രണ്ട് ടേബിൾസ്പൂൺ
• കറിവേപ്പില - ഒരു പിടി
• ഉലുവ - ഒരു ടീസ്പൂൺ

തയ്യാറാക്കുന്ന വിധം

ആദ്യം അടി കട്ടിയുള്ള ഒരു ഇരുമ്പ് ചീനച്ചട്ടി അടുപ്പിൽ വച്ച് ചൂടാക്കുക. അതിലേക്ക് ഒരു കപ്പ് വെളിച്ചെണ്ണ ഒഴിച്ച് തിളപ്പിക്കാം. എണ്ണ ചൂടായി കഴിയുമ്പോൾ അതിലേക്ക് രണ്ട് ടേബിൾസ്പൂൺ ഹെന്ന പൊടിയും ഒരു പിടി കറിവേപ്പിലയും (കറിവേപ്പില നുറുക്കിയത്) ഒരു ടീസ്പൂൺ ഉലുവയും ചേർക്കുക. എണ്ണയുടെ നിറം മാറുമ്പോൾ തീ കുറച്ച് വയ്ക്കാം. രണ്ട് മിനിട്ടിന് ശേഷം തീ അണച്ച് തണുക്കാനായി ഇത് മാറ്റിവയ്ക്കാം. എണ്ണ തണുത്തശേഷം അരിച്ച് ഒരു കുപ്പിൽ ഒഴിച്ച് സൂക്ഷിച്ചാൽ ആവശ്യാനുസരണം ഉപയോഗിക്കാം. ആഴ്ചയിൽ ഒന്നോ രണ്ടോ തവണ എണ്ണ തേയ്ക്കാം. കുളിക്കുന്നതിന് മുൻപ് നല്ലപോലെ തലയോട്ടിയിലും മുടിയിഴകളിലും എണ്ണ പുരട്ടാം. ശേഷം മൃദുവായി മസാജ് ചെയ്യുന്നത് നല്ലതാണ്. ഒരു മണിക്കൂർ കഴിഞ്ഞ് കഴുകി കളയാം.