ഈ നക്ഷത്രക്കാർക്ക് ദാമ്പത്യസുഖം; അപ്രതീക്ഷിത നേട്ടങ്ങൾ വന്നുചേരും, വാഗ്ദാനങ്ങളിൽ വീണുപോകരുത്

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ആഗസ്റ്റ് 12 - കർക്കിടകം 27 ചൊവ്വാഴ്ച .രാമായണ മാസം 27 ആം ദിനം. ( പുലർന്ന ശേഷം 11 മണി 51 മിനിറ്റ് 38 സെക്കൻഡ് വരെ പൂരൂരുട്ടാതി നക്ഷത്രം ശേഷം ഉതൃട്ടാതി നക്ഷത്രം )

അശ്വതി : ധനനഷ്ടം, തസ്‌കരശല്യം അന്യദേശവാസം, പ്രശ്‌നങ്ങളിലും വാഗ്ദ്വാനങ്ങളിലും അകപ്പെടരുത്, ദാമ്പത്യത്തില്‍ അകല്‍ച്ചകള്‍, ആരോഗ്യകാര്യത്തില്‍ കൂടുതലായി ശ്രദ്ധിക്കുക.

ഭരണി : ഔഷധം ഉപയോഗിക്കേണ്ടി വരും, ആഡംബരത്തിനായി പണം ചെലവഴിക്കും, ഏറ്റെടുത്ത പദ്ധതികള്‍ പൂര്‍ത്തിയാക്കാന്‍ പ്രയാസപ്പെടും.

കാര്‍ത്തിക : ആരോഗ്യകാര്യത്തില്‍ വളരെ ശ്രദ്ധിക്കണം, മുന്‍കോപം നിയന്ത്രിക്കണം, ദേഹ ദുരിതത്തിനു സാദ്ധ്യത, ജലം, അഗ്‌നി ഇവ സൂക്ഷിക്കണം, കര്‍മ്മരംഗത്ത് കരുതല്‍ ആവശ്യം.

രോഹിണി : ബന്ധങ്ങള്‍ വഷളാകാതിരിക്കാന്‍ ശ്രദ്ധിക്കണം, മനസിന്റെ തെറ്റായ ധാരണകള്‍ അബദ്ധങ്ങളുണ്ടാക്കും, സത്യാവസ്‌ഥ അറിയാതെ പ്രതികരിക്കരുത്‌.

മകയിരം : ശുഭകാര്യങ്ങള്‍ നടക്കും,​ തൊഴിലിലും ബിസിനസിലും നേട്ടം, പ്രതീക്ഷിച്ചതിലുപരി സാമ്പത്തിക നേട്ടമുണ്ടാകും, അധിക്ഷേപങ്ങളെ അതിജീവിക്കും.

തിരുവാതിര : ഉദ്യോഗത്തില്‍ സ്ഥാനക്കയറ്റം, വിവാഹാലോചന തീരുമാനത്തിലെത്തും, ദൈവീക കാര്യങ്ങളില്‍ കൂടുതല്‍ ശ്രദ്ധ ചെലുത്തും, വിരോധികളുമായി അടുക്കും.

പുണര്‍തം : അഭിമാനകരമായ സംഗതികള്‍ സംഭവിക്കും, വിദ്യാഭ്യാസ കാര്യങ്ങളില്‍ പുരോഗതി, കലാരംഗത്തുള്ളവര്‍ക്ക്‌ നേട്ടത്തിന്റെ സമയം, ദാമ്പത്യബന്ധം ദൃഢമാകും.

പൂയം : പ്രലോഭനങ്ങളില്‍പ്പെടില്ല, പ്രതീക്ഷിക്കാത്ത സമയത്ത്‌ ധനലാഭം ഉണ്ടാകും, വിവാഹാദി മംഗള കര്‍മ്മങ്ങളില്‍ പങ്കെടുക്കും, വിദേശത്ത് മെച്ചപ്പെട്ട ജോലി സാദ്ധ്യതകൾ തെളിയും.

ആയില്യം : അവസരങ്ങള്‍ പരമാവധി പ്രയോജനപ്പെടുത്തും, അഭീഷ്‌ടസിദ്ധി കൈവരും, വിദേശയാത്രയ്‌ക്ക് അവസരം ലഭിക്കും, ദുശ്ശീലങ്ങള്‍ ഉപേക്ഷിക്കും.

മകം : ധനപരമായ കാര്യങ്ങളില്‍ വിജയം, പുതിയ ഗൃഹോപകരണങ്ങള്‍ വാങ്ങിക്കും, സ്‌ഥാനമാനങ്ങളും അംഗീകാരങ്ങളും ലഭിക്കും, വ്യാപാരികള്‍ക്ക്‌ വളരെ നേട്ടങ്ങള്‍.

പൂരം : കൂടുതല്‍ ആദായം നേടും, വിദ്യാര്‍ത്ഥികള്‍ക്ക്‌ ഉദ്ദേശിച്ച വിഷയത്തില്‍ ഉപരിപഠനം, പുതിയ ബന്ധങ്ങള്‍ ഉടലെടുക്കും, കുടുംബ ജീവിത്തിലുള്ള സ്വരചേര്‍ച്ചയില്ലായ്മ മാറും.

ഉത്രം : സഹായികള്‍ ശത്രുക്കള്‍ ആകും, ധനത്തിന്റെ കാര്യങ്ങള്‍ വളരെ ശ്രദ്ധാപൂര്‍വ്വം കൈകാര്യം ചെയ്യണം, പ്രതീക്ഷിച്ച അനുഭവഫലം ഉണ്ടാവുകയില്ല, വാഗ്വാദങ്ങളില്‍ നിന്ന്‌ ഒഴിഞ്ഞു നില്‍ക്കണം.

അത്തം : തെറ്റിദ്ധാരണകള്‍ വന്നുഭവിക്കും,സഹപ്രവര്‍ത്തകരുമായി അകല്‍ച്ചയുണ്ടാകും, വിശ്വാസവഞ്ചന നേരിടേണ്ടി വരും, എല്ലാ കാര്യങ്ങളിലും അതീവ ശ്രദ്ധ ചെലുത്തണം.

ചിത്തിര : ധനമിടപാടുകളില്‍ സൂക്ഷ്‌മത പാലിക്കുക, ചുമതലകള്‍ അന്യരെ ഏല്‍പ്പിക്കരുത്‌, വാഹനം ഉപയോഗിക്കുന്നവര്‍ സൂക്ഷിക്കുക.

ചോതി : പണം കടം കൊടുക്കരുത്. ലഹരി പദാര്‍ഥങ്ങള്‍ ഉപയോഗിക്കരുത്, ധനമിടപാടുകള്‍ ശ്രദ്ധിച്ച്‌ നടത്തുക, നൂതന സംരംഭങ്ങള്‍ക്ക്‌ പ്രാരംഭ തടസങ്ങള്‍ ഉണ്ടാകും.

വിശാഖം : സംസാരം വളരെ നിയന്ത്രിക്കണം, മാതാവിനും പിതാവിനും രോഗങ്ങള്‍, യാത്രയില്‍ ദുരിതാനുഭവങ്ങള്‍. വ്യാപാരികള്‍ക്ക്‌ വിദേശ ബന്ധം ലഭിക്കും.

അനിഴം : ശത്രുക്കള്‍ മിത്രങ്ങള്‍ ആകും, കുടുംബത്തില്‍ മംഗള കര്‍മ്മങ്ങള്‍ നടക്കും, മറ്റുള്ളവര്‍ക്ക് അസൂയ തോന്നുന്ന കാര്യങ്ങള്‍ സംഭവിക്കും, രാഷ്ട്രീയ പ്രവര്‍ത്തകര്‍ക്ക് അനുകൂല സമയം.

കേട്ട : ഉദ്യോഗത്തിന്‌ നിയമനാനുമതി ലഭിക്കും. ദാമ്പത്യസുഖം, സന്താനസൗഖ്യം, സങ്കല്‌പങ്ങള്‍ യാഥാര്‍ഥ്യമാകും, വാഹനം മാറ്റി വാങ്ങുന്നതിന്‌ തീരുമാനിക്കും.

മൂലം : വസ്‌തു വാഹനാദി ലാഭവും, യാത്രാഗുണവും, മറ്റുള്ളവരുടെ ആദരവിന്‌ പാത്രമാകും, ആഗ്രഹങ്ങള്‍ നിറവേറും, ധനപരമായ നേട്ടങ്ങള്‍ കൈവരിക്കാന്‍ സാധിക്കും.

പൂരാടം : ഉന്നത വ്യക്‌തികളുമായി പരിചയപ്പെടും, കുടുംബത്തിലെ അന്തരീക്ഷം ആശ്വാസത്തിന്‌ വഴിയൊരുക്കം, ഏറ്റെടുക്കുന്ന കാര്യങ്ങള്‍ വിചാരിക്കുന്ന വിധം നടപ്പിലാക്കും.

ഉത്രാടം : സ്വരച്ചേര്‍ച്ചയില്ലായമക്ക് പരിഹാരം ഉണ്ടാവും, ഒരു അപൂര്‍വ സൗഹൃദമോ ആത്മബന്ധമോ ഉണ്ടാകും, നിര്‍ത്തിവച്ച കര്‍മ്മ പദ്ധതികള്‍ പുനരാരംഭിക്കും, ഉദ്യോഗം തിരികെ ലഭിക്കും.

തിരുവോണം : കുടുംബത്തില്‍ സ്ത്രീകള്‍ക്ക് അംഗീകാരം. ഉദ്ദിഷ്ട കാര്യലാഭം, ധനപ്രാപ്തി, ദൈവാനുകൂല്ല്യം, മറ്റുള്ളവരുടെ ആദരവ് നേടും, ശത്രുക്കളുമായി ഒത്തുതീര്‍പ്പിലെത്തും.

അവിട്ടം : കുടുബാംഗങ്ങള്‍ സ്നേഹത്തോടെ പെരുമാറും,സന്താന ഭാഗ്യം, ഉണ്ടായിരുന്ന ക്ലേശങ്ങള്‍ മാറും, വ്യവഹാര വിജയം, ബന്ധു ബലം വർദ്ധിക്കും, ഉന്മേഷം ഉണ്ടാകും, ബിസ്സിനസ്സില്‍ അഭിവൃദ്ധി.

ചതയം : ദാമ്പത്യം സുഖപ്രദം, ചിരകാലാഭിലാഷം പൂവണിയും, പല രീതിയിലും ധനം വന്നു ചേരും. ശാരീരികമായി വളരെയധികം സുഖാനുഭവങ്ങള്‍, അപ്രതീക്ഷിതവും അനുകൂലവുമായ ചില സംഭവങ്ങള്‍ നടക്കും.

പൂരുരുട്ടാതി : അനാവശ്യ പ്രശ്‌നങ്ങളില്‍ ചാടാന്‍ സാധ്യതയുണ്ട്, പണം ചെലവഴിക്കുന്നതിന് നിയന്ത്രണം ഏര്‍പ്പെടുത്തും, ബന്ധുക്കള്‍ ശത്രുക്കളെ പോലെ പെരുമാറും.

ഉതൃട്ടാതി : കോടതിനടപടികള്‍ നേരിടേണ്ടി വരും, ജോലിസ്ഥലത്ത് ശത്രുക്കളുടെ ഉപദ്രവം, തേന്‍ പുരട്ടിയ വാഗ്ദാനങ്ങളില്‍ വീണുപോകരുത്.

രേവതി : ഗൃഹത്തില്‍ അസ്വസ്‌ഥതകള്‍, കലഹം, അശ്രദ്ധ കാരണം കുഴപ്പങ്ങള്‍ക്ക്‌ സാദ്ധ്യത, ധനപരമായ ഇടപാടുകള്‍ കരുതലോടെ നടത്തുക, സ്‌ത്രീകളുമായി ഇടപെടുമ്പോള്‍ ജാഗ്രത പാലിക്കുക.