ഭയം നിറച്ച് പ്രണവ് - രാഹുൽ സദാശിവൻ ചിത്രം 'ഡീയസ് ഈറെ' ടീസർ പുറത്ത്

ഭ്രമയുഗത്തിന് ശേഷം രാഹുൽ സദാശിവൻ സംവിധാനം ചെയ്യുന്ന ചിത്രം ഡീയസ് ഈറയുടെ ടീസർ പുറത്തിറങ്ങി. പ്രണവ് മോഹൻലാലാണ് ചിത്രത്തിലെ നായകൻ. ഓരോ സീനിലും ഭയം നിറയ്ക്കുന്ന ദൃശ്യങ്ങൾ ഉൾപ്പെടുത്തിയ ടീസർ ആണ് റിലീസ് ചെയ്തത്. ചിത്രത്തിന് തിരക്കഥ രചിച്ചതും രാഹുൽ സദാശിവൻ ആണ്. ചക്രവർത്തി രാമചന്ദ്ര,​ എസ്. ശശികാന്ത് എന്നിവർ ചേർന്നാണ് ചിത്രം നിർമ്മിക്കുന്നത്. ഭ്രമയുഗത്തിന് ശേഷം രാഹുൽ സദാശിവനും നൈറ്റ് ഷിഫ്റ്റ് സ്റ്റുഡിയോസ് ടീമും വീണ്ടും ഒന്നിക്കുന്ന ചിത്രമാണിത്. വൈ നോട്ട് സ്റ്റുഡിയോസും നിർമ്മാണ പങ്കാളിത്തം വഹിക്കുന്നു. ക്രോധത്തിന്റെ ദിനം എന്നർത്ഥം വരുന്ന ദ ഡേ ഓഫ് റാത്ത് എന്നതാണ് ചിത്രത്തിന്റെ ടാഗ് ലൈൻ. മികച്ച ദൃശ്യങ്ങളും പശ്ചാത്തല സംഗീതവും ടീസറിന്റെ ഹൈലൈറ്റാണ്

ഛായാഗ്രഹണം: ഷെഹ്നാദ് ജലാൽ ഐ,​എസ്.സി, കലാസംവിധാനം: ജ്യോതിഷ് ശങ്കർ, സംഗീത സംവിധായകൻ: ക്രിസ്റ്റോ സേവ്യർ, എഡിറ്റർ: ഷഫീക്ക് മുഹമ്മദ് അലി, സൗണ്ട് ഡിസൈനർ: ജയദേവൻ ചക്കാടത്ത്, സൗണ്ട് മിക്സ്: എം.ആർ. രാജാകൃഷ്ണൻ, മേക്കപ്പ്: റൊണക്സ് സേവ്യർ, സ്റ്റണ്ട്: കലൈ കിംഗ്സൺ, കോസ്റ്റ്യൂം ഡിസൈനർ: മെൽവി ജെ, പബ്ലിസിറ്റി ഡിസൈൻ: എയിസ്‌തെറ്റിക് കുഞ്ഞമ്മ, സ്റ്റിൽസ്: അർജുൻ കല്ലിങ്കൽ, കളറിസ്റ്റ്: ലിജു പ്രഭാകർ, വിഎഫ്എക്സ്: ഡിജിബ്രിക്സ്, ഡിഐ: രംഗ്‌റെയ്സ് മീഡിയ, പ്രൊഡക്ഷൻ കൺട്രോളർ: അരോമ മോഹൻ, മ്യൂസിക് ഓൺ: നൈറ്റ് ഷിഫ്റ്റ് റെക്കോർഡ്സ്, പിആർഒ: ശബരി.