50 ലക്ഷം കൈയിലെത്തണോ? 1000 രൂപ നിക്ഷേപിച്ചാൽ മതി, ചുരുങ്ങിയ കാലംകൊണ്ട് മികച്ച ലാഭം കൊയ്യാം

ചെറിയ നിക്ഷേപങ്ങളിലൂടെ മികച്ച നേട്ടമുണ്ടാക്കാൻ സഹായിക്കുന്ന ഒട്ടനവധി നിക്ഷേപ പദ്ധതികളുണ്ട്. അവയിൽ കൂടുതൽ കാലം നിക്ഷേപം നടത്താൻ ആഗ്രഹിക്കുന്നവർ തിരഞ്ഞെടുക്കുന്ന ഒരു പദ്ധതിയാണ് സിസ്​റ്റമാ​റ്റിക് ഇൻവെസ്​റ്റ്‌മെന്റ് പ്ലാൻ (എസ്‌ഐപി). നിങ്ങൾ എത്ര രൂപയാണോ എസ്‌ഐപിയിൽ നിക്ഷേപിക്കുന്നത്, അതിനനുസരിച്ച് ലാഭം ഉണ്ടാക്കാൻ സാധിക്കും. പ്രതിമാസം 1000 രൂപ, 2000 രൂപ, 3000 രൂപ,4000 രൂപ എന്നിങ്ങനെ എസ്‌ഐപിയിൽ നിക്ഷേപിക്കുകയാണെങ്കിൽ 50 ലക്ഷം രൂപ വരെ ഒരു നിശ്ചിത കാലത്തിനുളളിൽ നിങ്ങൾക്ക് സ്വന്തമാക്കാൻ കഴിയും. 12 ശതമാനമാണ് വാർഷികവരുമാന നിരക്ക്.

1000 രൂപ

പ്രതിമാസം 1000 രൂപയാണ് നിങ്ങൾ എസ്ഐപിയിൽ നിക്ഷേപിക്കുന്നതെങ്കിൽ 50 ലക്ഷം രൂപ വരെ സമ്പാദിക്കാൻ കഴിയും. അതിനാൽ 35 വർഷമെങ്കിലും നിക്ഷേപം തുടരേണ്ടതുണ്ട്. വാർഷിക പലിശയും ചേർത്ത് നിങ്ങൾക്ക് 50,90,831 രൂപ (ശരാശരി മൂലധനം) വരെ സമ്പാദിക്കാൻ സാധിക്കും.

ആകെ നിക്ഷേപ തുക: 4,20,000 രൂപ
റിട്ടേൺ: 50,90,831 രൂപ
ആകെ റിട്ടേൺ: 55,10,831 രൂപ

2000 രൂപ

പ്രതിമാസം 2000 രൂപയാണ് എസ്ഐപിയിൽ നിക്ഷേപിക്കുന്നതെങ്കിൽ നിങ്ങൾക്ക് 29 വർഷം കൊണ്ട് 50 ലക്ഷത്തിനടുത്ത് സമ്പാദിക്കാവുന്നതാണ്. ഈ വർഷങ്ങളിൽ നിങ്ങൾക്ക് 47,82,941 രൂപ (ശരാശരി മൂലധന) നേട്ടമായി പ്രതീക്ഷിക്കാം.

ആകെ നിക്ഷേപ തുക: 6,96,000 രൂപ
റിട്ടേൺ: 47,82,941 രൂപ
ആകെ റിട്ടേൺ: 54,78,941 രൂപ

3000 രൂപ

പ്രതിമാസം 3,000 രൂപ നിക്ഷേപിച്ച് 50 ലക്ഷം രൂപ നേടുന്നതിനായി കുറഞ്ഞത് 25 വർഷത്തേക്ക് നിക്ഷേപിക്കേണ്ടതുണ്ട്. ഈ വർഷങ്ങളിൽ, നിങ്ങൾക്ക് ശരാശരി 42,06,620 രൂപ മൂലധന നേട്ടമായി പ്രതീക്ഷിക്കാം.

ആകെ നിക്ഷേപ തുക: 9,00,000 രൂപ
റിട്ടേൺ: 42,06,620 രൂപ
ആകെ റിട്ടേൺ: 51,06,620 രൂപ