ഒറ്റ ഉപയോഗത്തിൽ മുടി കറുക്കും, മാസങ്ങളോളം നര വരില്ല; അൽപ്പം ഉലുവയുണ്ടെങ്കിൽ ഈ ഡൈ തയ്യാറാക്കാം

പ്രായഭേദമില്ലാതെ ഇപ്പോൾ എല്ലാവരെയും അലട്ടുന്ന പ്രശ്‌നമാണ് നര. ഇത് പരിഹരിക്കാൻ പല തരത്തിലുള്ള നാച്വറൽ വഴികളും മാർക്കറ്റിൽ ലഭിക്കുന്ന ഡൈകളും ഉപയോഗിക്കുന്നരാകും നിങ്ങൾ. ഇതെല്ലാം പരീക്ഷിച്ചിട്ടും വളരെപ്പെട്ടെന്ന് നര വീണ്ടും വരുന്നു എന്ന പ്രശ്‌നം ഭൂരിഭാഗംപേരെയും അലട്ടുന്നുണ്ട്. എന്നാൽ, ഇനി അങ്ങനെ സംഭവിക്കില്ല. വെറും ഒറ്റത്തവണത്തെ ഉപയോഗത്തിലൂടെ മാസങ്ങളോളം മുടി കട്ടക്കറുപ്പാക്കാൻ കഴിയുന്ന ഒരു ഹെയർ ഡൈ പരിചയപ്പെടാം. ഇതിന് ആവശ്യമായ സാധനങ്ങൾ എന്തൊക്കെയാണെന്നും എങ്ങനെയാണ് തയ്യാറാക്കേണ്ടതെന്നും നോക്കാം. ഇതേ രീതിയിൽ കൃത്യമായി ചെയ്‌താൽ ശരിയായ ഫലം ലഭിക്കുന്നതാണ്.

ആവശ്യമായ സാധനങ്ങൾ

കരിംജീരകം പൊടിച്ചത് - 2 ടേബിൾസ്‌പൂൺ

ഉലുവ പൊടിച്ചത് - 2 ടേബിൾസ്‌പൂൺ

നെല്ലിക്കപ്പൊടി - 1 ടേബിൾസ്‌പൂൺ

മൈലാഞ്ചിപ്പൊടി - 2 ടേബിൾസ്‌പൂൺ

ചായപ്പൊടി തിളപ്പിച്ച വെള്ളം - 2 ഗ്ലാസ്

തയ്യാറാക്കുന്ന വിധം

ഇരുമ്പ് ചീനച്ചട്ടിയിൽ പൊടികളെല്ലാം ചേർത്ത് നിറം മാറുന്നതുവരെ ചൂടാക്കിയെടുക്കുക. കരിഞ്ഞുപോകാതിരിക്കാൻ ശ്രദ്ധിക്കണം. തീ ഓഫ് ചെയ്‌ത ശേഷം ചായപ്പൊടി തിളപ്പിച്ച വെള്ളം ചേർത്ത് പേസ്റ്റ് രൂപത്തിലാക്കി അടച്ച് വയ്‌ക്കുക. പത്ത് മണിക്കൂറിന് ശേഷം ഉപയോഗിക്കാവുന്നതാണ്.

ഉപയോഗിക്കേണ്ട വിധം

എണ്ണമയം ഒട്ടുമില്ലാത്ത മുടിയിലേക്ക് ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്. ഷാംപൂ ഉപയോഗിക്കാൻ പാടില്ല. ആദ്യ ഉപയോഗത്തിൽ തന്നെ വലിയ മാറ്റം കാണാൻ സാധിക്കുന്നതാണ്.