ഓക്കെയാണോ? ഹൊറർ  കോമഡിയുമായി നിവിൻ; 'സർവ്വം മായ'യുടെ  ടീസർ  പുറത്ത്

നിവിൻപോളി - അജു വർഗീസ് കൂട്ടുകെട്ടിൽ അഖിൽ സത്യൻ കഥ എഴുതി സംവിധാനം ചെയ്യുന്ന 'സർവ്വം മായ'യുടെ ടീസർ പുറത്ത്. ഹൊറർ കോമഡി ചിത്രമായിരിക്കുമെന്നാണ് ടീസർ നൽകുന്ന സൂചന. നിവിന്റെ പിറന്നാൾ ദിനത്തിലാണ് ടീസർ പുറത്തിറക്കിയത്. മലയാളികൾ നെഞ്ചോടുചേർത്തുവച്ച നിവിൻപോളി - അജു വർഗീസ് കൂട്ടുകെട്ടിൽ എത്തുന്ന പത്താമത്തെ ചിത്രം ആണ് സർവ്വം മായ. തെന്നിന്ത്യൻ താരം പ്രിയ മുകുന്ദനും റിയ ഷിബുവും ആണ് നായികമാർ.

സംവിധാനത്തിനു പുറമെ എഡിറ്റിംഗും അഖിൽ സത്യനാണ്. ജനാർദ്ദനൻ, രഘുനാഥ് പലേരി, പ്രീതി മുകുന്ദൻ, അൽത്താഫ് സലിം, മധുവാര്യർ, റിയ ഷിബു തുടങ്ങി വലിയൊരു താരനിരയുണ്ട്. പാച്ചുവും അത്ഭുത വിളക്കും എന്ന ചിത്രത്തിനുശേഷം അഖിൽ സത്യൻ ഒരുക്കുന്ന രണ്ടാമത്തെ ചിത്രം ഫയർ ഫ്‌ളൈ ഫിലിംസിന്റെ ബാനറിൽ അജയകുമാറും രാജീവ് മേനോനും ചേർന്നാണ് നിർമ്മാണം. ഗ്രാമീണ അന്തരീക്ഷത്തിൽ ഒരുങ്ങുന്ന ചിത്രത്തിന് ശരൺ വേലായുധൻ ഛായാഗ്രഹണം നിർവഹിക്കുന്നു. സംഗീതം: ജസ്റ്റിൻ പ്രഭാകർ, സിങ്ക് സൗണ്ട് അനിൽ രാധാകൃഷ്ണൻ, എക്സിക്യുട്ടീവ് പ്രൊഡ്യൂസർ: ബിജു തോമസ്, പ്രൊഡക്ഷൻ ഡിസൈൻ: രാജീവൻ, വസ്‌ത്രാലങ്കാരം: സമീറ സതീഷ്.