ഈ നാളുകാർക്ക് സ്ത്രീസുഖവും ധനലാഭവും ഉണ്ടാകും, വസ്ത്രങ്ങളും ആഭരണങ്ങളും വാങ്ങാനും അവസരം വന്നെത്തും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ഒക്ടോബർ 17 - കന്നി 31 വെള്ളിയാഴ്ച. ( മദ്ധ്യാഹ്ന ശേഷം 3 മണി 57 മിനിറ്റ് 10 സെക്കന്റ് വരെ മകം നക്ഷത്രം ശേഷം പൂരം നക്ഷത്രം )

അശ്വതി: മേലുദ്യോഗസ്ഥരുടെ പ്രീതിക്ക് പാത്രമാകും, വിദ്യാര്‍ത്ഥികള്‍ക്ക് അനുകൂല സമയം,
ഉദ്യോഗമന്വേഷിച്ചുള്ള വിദേശയാത്ര സഫലമാകും.

ഭരണി: സര്‍ക്കാരില്‍നിന്നും നിന്നും അനുകൂലമായ നടപടി, വിദേശത്ത് ജോലി ചെയ്യുന്നവര്‍ക്ക് ഗുണം,വാഹനങ്ങള്‍ വാങ്ങുന്നതിനും വില്‍ക്കുന്നതിനും ഇടവരും.

കാര്‍ത്തിക: പുതിയ ചങ്ങാത്തങ്ങള്‍ ഉടലെടുക്കും, മേലുദ്യോഗസ്ഥര്‍ സഹായിക്കും, ബാദ്ധ്യതകള്‍ തീര്‍ക്കും,
ശത്രുക്കളുടെ തന്ത്രങ്ങളെ പരാജയപ്പെടുത്തും, ജനപ്രീതി, മനസ്സുഖം നല്‍കുന്ന വാര്‍ത്തകള്‍ ശ്രവിക്കും.

രോഹിണി: ക്ഷമക്കുറവ്. ശത്രു ഭീതിയും പരാജയവും.​ യാത്രയില്‍ അസ്വസ്ഥതകള്‍, കുടുംബത്തില്‍ കലഹം. രാത്രി യാത്രകള്‍ ഒഴിവാക്കുക.

മകയിരം: പങ്കാളിക്ക് സമ്മാനങ്ങള്‍ ലഭിക്കും. വ്യവഹാര വിജയം, നിര്‍മ്മാണ പദ്ധതികള്‍ക്ക് തുടക്കം കുറിക്കും, ധനാഗമവും വിനോദ യാത്രയും, സര്‍ക്കാരില്‍ നിന്നും ആനുകൂല്യങ്ങൾ ലഭിക്കും.

തിരുവാതിര: സാമ്പത്തിക ഇടപാടുകൾ സൂക്ഷിച്ചു കൈകാര്യം ചെയ്യുക. രോഗാവസ്ഥ, വലിയ പ്രതീക്ഷവച്ചു ചെയ്ത പലതും നഷ്ടത്തില്‍ കലാശിക്കും, അബദ്ധങ്ങളില്‍ ചാടും. അപമാനം, ധനനഷ്ടം, ഭീരുത്വം.

പുണര്‍തം: സ്വന്തമായി തൊഴില്‍ ചെയ്യുന്നവര്‍ക്ക് നേട്ടം, പ്രശ്നങ്ങളെ ധീരതയോടെ നേരിട്ടു വിജയം വരിക്കും. ഉദ്യോഗത്തില്‍ നിന്നും കൂടിയ വരുമാനം ലഭിക്കും.

പുയം: അന്യരോട് കയര്‍ക്കും, ധന നഷ്ടം. കുടുംബകലഹം, വിവാഹ ജീവിതത്തില്‍ കല്ലുകടി. കൂട്ട് പ്രവര്‍ത്തനങ്ങള്‍ ഒഴിവാക്കുക, യാത്രകൾ മാറ്റി വയ്ക്കുക.

ആയില്യം: ഇഷ്ടജനങ്ങളുമായുള്ള സമ്പർക്കം മനഃസുഖം വർദ്ധിപ്പിക്കും. ഉദ്യോഗത്തില്‍ നേട്ടങ്ങള്‍,
നിയമപരമായി ആനുകൂല്യങ്ങള്‍ ലഭിക്കും,​ രാഷ്ട്രീയത്തിലും, ഇന്നേ ദിവസം മധ്യസ്ഥതയ്കും പറ്റിയവര്‍ ആയിരിക്കും.

മകം: ജീവിതപങ്കാളി മൂലം സുഖവും സമാധാനവും, പലരംഗത്തും വിജയവും അംഗീകാരവും,
പരീക്ഷകളില്‍ വിജയം ചിലരില്‍ സ്ത്രൈണത കൂടി നില്‍ക്കുന്നതായി കാണാം, പൊതുജനാനുകൂല്ല്യം, അധികാരികളുടെ പ്രീതി.

പൂരം: അന്യദേശ വാസം, ബന്ധുക്കളില്‍ നിന്നുമുള്ള എതിര്‍പ്പുകള്‍. സ്വന്തം തീരുമാനങ്ങള്‍ കൂടെ കൂടെ മാറ്റുന്നതിന് യാതൊരു മടിയും കാണില്ല, എതിര്‍ക്കുന്നവരെ കീഴ്പെടുത്തും.

ഉത്രം: ടെസ്റ്റുകളിലും ഇന്റർവ്യൂകളിലും പങ്കെടുക്കുന്നവർക്ക് കഠിനമായി പ്രയത്‌നിക്കേണ്ടിവരും. പണം ചെലവഴിക്കുന്ന കാര്യത്തില്‍ മിതത്വം പാലിച്ചില്ലെങ്കില്‍ ഏറെ കഷ്ടപെടും, മറ്റുള്ളവര്‍ക്ക് ഉപദേശം നല്‍കാന്‍കഴിവുള്ളവർ.

അത്തം: മംഗല്യത്തിന് കാലതാമസമോ തടസമോ നേരിട്ടിരുന്നവര്‍ക്ക് അവയൊക്കെ മാറി സമയം അനുകൂലമാകും,​ സന്താനങ്ങളുടെ കാര്യത്തില്‍ കൂടുതല്‍ ശ്രദ്ധ പ്രകടിപ്പിക്കും.

ചിത്തിര: സർവ്വകാര്യവിജയം. മറ്റുള്ളവരുടെ സഹായത്താല്‍ കാര്യലാഭം, ധനാഗമം ഉണ്ടാകും, കുടുംബത്തില്‍ ഐശ്വര്യവും സമാധാനവും. ഗുണാനുഭങ്ങള്‍, തൊഴില്‍ മേന്മ,പേരും പെരുമയും ഉണ്ടാകും.

ചോതി: കാര്യങ്ങൾ അനുകൂലമാകും. ചിന്താശേഷിയോടു കൂടി പ്രവര്‍ത്തിക്കുന്നതിനാല്‍ പരാജയം വിജയം ആക്കി മാറ്റും, ഔദ്യോഗികമായി ആനുകൂല്യങ്ങള്‍ ലഭിക്കും.

വിശാഖം: കീഴ്ജീവനക്കാരെ ശാസിക്കേണ്ടി വരും, കുടുംബത്തില്‍ സമാധാനം കളിയാടും.​​ സംഘര്‍ഷം നിറഞ്ഞ മാനസികാവസ്ഥയ്ക്ക് ശമനം ലഭിക്കും.

അനിഴം: മാതാവിന്റെ ആരോഗ്യ പരിപാലനം നടത്തും, ദാമ്പത്യ ജീവിതവും സാഹചര്യങ്ങളും സന്തോഷപ്രദം. വാക്ക് പാലിക്കാന്‍ സാധിക്കും, വരുമാനത്തിന്‍റെ ഒരു വിഹിതം ജീവകാരുണ്യ പ്രവര്‍ത്തനങ്ങള്‍ക്കായി മാറ്റിവയ്ക്കുക.

കേട്ട: സഹോദര ഗുണം, കുടുംബ സുഖം, അവിചാരിത ധനാഗമന മാര്‍ഗങ്ങള്‍ ഉണ്ടാകും, അധികം വിഷമിക്കാതെ ഉന്നത സ്ഥാനങ്ങള്‍ നേടിയെടുക്കും.

മൂലം: വിദേശത്ത് തൊഴിലില്‍ ശോഭിക്കാന്‍ കഴിയും,സമാധാനം തിരികെ കിട്ടും, സ്ത്രീ വിഷയങ്ങളില്‍ താല്‍പ്പര്യം കാണിക്കും, ധനത്തിന്‍റെ കാര്യത്തില്‍ ബുദ്ധിമുട്ടുണ്ടാകില്ല.

പൂരാടം: ശത്രു ജയം, പ്രണയ കാര്യങ്ങിളില്‍ സന്തോഷം, കര്‍മ്മരംഗം ഉഷാറാകും. രാഷ്ട്രീയ രംഗങ്ങളില്‍ അധികാരം വര്‍ദ്ധിപ്പിക്കാന്‍ സാധിക്കും, തര്‍ക്കങ്ങളില്‍ മാദ്ധ്യസ്ഥം വഹിക്കേണ്ടി വരും.

ഉത്രാടം: തൊഴില്‍ പരാജയം, പ്രണയ കാര്യങ്ങളില്‍ ദുഃഖം, ആഡംബരത്തിനായി പണം ചെലവഴിക്കും,
അഗ്നി ഭയവും ജലഭയവും ഉണ്ടാകാതിരിക്കാന്‍ ശ്രദ്ധിക്കണം.

തിരുവോണം: പണച്ചെലവും ദുരിതവും, യാത്രകൊണ്ട് പ്രതീക്ഷിച്ച ഗുണം കിട്ടില്ല, തിക്താനുഭവങ്ങള്‍.​സുരക്ഷിതത്വം ഇല്ലായ്മ അനുഭവപ്പെടാം.

അവിട്ടം: അലസത കഷ്ടങ്ങള്‍ വരുത്തും, കുടുംബ പരമായി ഉള്ള പ്രശ്നങ്ങൾ വഷളാകാതെ നോക്കണം, നേരിയ തോതില്‍ മനപ്രയാസം ഉണ്ടാകാം.

ചതയം: സ്ത്രീഗുണം, ഇഷ്ട ഭക്ഷണ പ്രാപ്തി, വരുമാനത്തില്‍ വര്‍ദ്ധനവ്‌, വിദേശ ജോലിയില്‍ പ്രവേശിക്കാന്‍ സാധിക്കും, ധനപരമായി നേട്ടങ്ങൾ അനുഭവിക്കും.

പൂരുരുട്ടാതി: വിഷമതകളെല്ലാം മാറിക്കിട്ടും, കലഹത്തിനു വരുന്നവരെ പോലും സരസമായി സംസാരിച്ചു വശത്താക്കും, എല്ലാകാര്യത്തിലും ആത്മനിയന്ത്രണം പാലിക്കണം.

ഉതൃട്ടാതി: വിദ്യാഭ്യാസ രംഗത്തുള്ളവര്‍ക്ക് പുരോഗതി, ജോലിമാറ്റം ആഗ്രഹിക്കുന്നവര്‍ക്ക് ആഗ്രഹസാഫല്ല്യം കിട്ടും. സുഖാനുഭവങ്ങള്‍, കലാപരമായും സാഹിത്യപരമായും നല്ല സമയം.

രേവതി: സേവന സന്നദ്ധത പ്രകടിപ്പിക്കും, കീര്‍ത്തി, പദവി എന്നിവ ലഭിക്കും, വിവിധ മേഖലകളില്‍ നിന്നും പണം വരും, വസ്ത്രങ്ങളും ആഭരണങ്ങളും വാങ്ങും, സേവന സന്നദ്ധത പ്രകടിപ്പിക്കും.