ദാമ്പത്യം സുഖപ്രദമാകും, കുടുംബത്തിൽ ഐശ്വര്യവും സമാധാനവും; ഈ നക്ഷത്രക്കാർ സംസാരിക്കുമ്പോൾ ശ്രദ്ധവേണം

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 നവംബര്‍ 4 - തുലാം 18 ചൊവ്വാഴ്ച. ( മദ്ധ്യാഹ്ന ശേഷം 12 മണി 34 മിനിറ്റ് 7 സെക്കന്റ് വരെ രേവതി നക്ഷത്രം ശേഷം അശ്വതി നക്ഷത്രം )

അശ്വതി: സുന്ദര വസ്തുക്കളോടും ആഡംബരത്തിനോടും താല്‍പ്പര്യം കൂടും, സര്‍ക്കാര്‍ ജോലിക്കാര്‍ക്ക് അനുകൂല സ്ഥലംമാറ്റവും സ്ഥാന ലബ്ധിയുമുണ്ടാകും.

ഭരണി: ശത്രുവിന്‍മേല്‍ വിജയം, ആഢംബര ഭ്രമം, വാക്‌സാമര്‍ത്ഥ്യത്താലും സത്യസന്ധതയാലും ജനപ്രീതിയും പ്രശംസയുമുണ്ടാകും.

കാര്‍ത്തിക: ബന്ധുക്കളുടെ എതിര്‍പ്പുകളെ അതിജീവിക്കാന്‍ സാധിക്കും. ക്ഷേത്രദര്‍ശനം തീര്‍ത്ഥാടനം എന്നിവ നടത്തും, ആത്മാര്‍ത്ഥതയുള്ള സുഹൃത്തുക്കള്‍ വന്നുചേരും.

രോഹിണി: സ്ത്രീകള്‍ മുഖേന സന്തോഷം, പണമിടപാടുകളില്‍ നേട്ടം. സത്യസന്ധമായും നേര്‍വഴിയോടെയും പ്രവര്‍ത്തിക്കും, ബിസിനസുകാര്‍ക്ക് മികച്ച ലാഭം പ്രതീക്ഷിക്കാം.

മകയിരം: പൊതുജനാനുകൂല്ല്യം, അധികാരികളുടെ പ്രീതി. ആത്മവിശ്വാസത്തോടെ മുന്‍പോട്ട് പോകുവാന്‍ സാധിക്കും. സഹോദര സ്ഥാനീയരില്‍ നിന്നും സഹായ സഹകരണങ്ങള്‍ ലഭിക്കും.

തിരുവാതിര: ദാമ്പത്യ സുഖം, സംസാരിച്ച് മറ്റുള്ളവരെ വശത്താക്കി കാര്യം സാധിക്കും, ഉന്നത ഉദ്യോഗസ്ഥരുമായി അടുത്ത ബന്ധം പുലര്‍ത്തും. കര്‍മ്മ മേഖലയില്‍ അംഗീകാരവും പുരസ്‌കാരവും ലഭിക്കും.

പുണര്‍തം: യാത്രയില്‍ അസ്വസ്ഥതകള്‍, കുടുംബത്തില്‍ കലഹം ഉണ്ടാകും, സഹപ്രവര്‍ത്തകരോട് കര്‍ക്കശമായി ഇടപെടും. രാഷ്ട്രീയമേഖലയില്‍ പ്രവര്‍ത്തിക്കുന്നവര്‍ക്ക് പ്രതിസന്ധികൾ നേരിടേണ്ടി വരും.

പൂയം: സാമ്പത്തിക പ്രശ്നങ്ങള്‍ക്ക് നിയമ പരിരക്ഷ വണ്ടിവരും, സര്‍ക്കാര്‍ ജോലിയിൽ ഇരിക്കുന്നവര്‍ക്ക് ബുദ്ധിമുട്ടുകള്‍, ശത്രുക്കള്‍ വര്‍ദ്ധിക്കുന്നത് പ്രശ്‌നങ്ങള്‍ക്ക് ഇടയാക്കും.

ആയില്യം: ബിസിനസിൽ തടസങ്ങള്‍ നേരിടും, സ്വന്തം നേട്ടം ലാക്കാക്കി പലരും അടുത്തുകൂടി ചതിക്കാന്‍ നോക്കും. മുൻകോപം മൂലം ബന്ധുക്കള്‍ അകലും. സാമ്പത്തിക പിരിമുറുക്കം ഉണ്ടാകും.

മകം: ഇഷ്ടമല്ലാത്തവരുമായി സഹകരിക്കേണ്ടി വരും, ഗൃഹത്തില്‍ പലതരം അസ്വസ്ഥതകള്‍. നിലവിലുള്ള കടബാദ്ധ്യതകള്‍ വര്‍ദ്ധിക്കാതിരിക്കുവാന്‍ ശ്രദ്ധിക്കണം.

പൂരം: ജാമ്യം നില്‍ക്കുന്നത് വളരെ സൂക്ഷിച്ചു വേണം ഭാവിയില്‍ ബുദ്ധിമുട്ടുണ്ടാക്കും, ബന്ധുക്കളുമായും സഹോദരങ്ങളുമായും സ്വരചേര്‍ച്ച കുറവ് ഉണ്ടാകും.

ഉത്രം: പ്രണയ കാര്യങ്ങളില്‍ ദുഃഖം, ആരോഗ്യ പരിപാലനത്തിന് ധനം ചെലവാകും, കാര്യങ്ങള്‍ ബുദ്ധിപരമായി നീക്കിയില്ലെങ്കില്‍ കുഴപ്പങ്ങളില്‍ ചെന്ന് ചാടും.

അത്തം: ശത്രുക്കളുടെ തന്ത്രങ്ങളെ പരാജയപ്പെടുത്തും, ധനപ്രാപ്തി , സഹോദരങ്ങളും ബന്ധുക്കളും സഹായ സ്ഥാനത്ത് വരും. സുഹൃത്തുക്കള്‍ക്കായി ധാരാളം പണം ചെലവഴിക്കും.

ചിത്തിര: സംസാരവും പ്രവര്‍ത്തികളും സൂക്ഷിക്കുക, ഓഹരി സംബന്ധമായ വിവാദങ്ങള്‍. കുടുംബജീവിതത്തില്‍ അഭിപ്രായ വ്യത്യാസങ്ങള്‍ ഉടലെടുക്കുകയും സ്വസ്ഥത ഇല്ലാതാവുകയും ചെയ്യാം.

ചോതി: മേലധികാരികളില്‍ നിന്നും സഹായ സഹകരണങ്ങൾ ഉണ്ടാകും, പുണ്യ സ്ഥലങ്ങള്‍ സന്ദര്‍ശിക്കും. മുന്‍കാലങ്ങളില്‍ നടത്തിയിരുന്ന നിക്ഷേപങ്ങളില്‍ നിന്നും നേട്ടം ലഭിക്കും.

വിശാഖം: സാമ്പത്തിക കാര്യങ്ങളില്‍ കുഴപ്പങ്ങള്‍. ചതിക്കപ്പെടാനോ വഞ്ചിതരാകാനോ സാദ്ധ്യത, വാഹന സംബന്ധമായ ചെലവുകള്‍ വര്‍ദ്ധിക്കും.

അനിഴം: ദേവാലയ ദര്‍ശന ഭാഗ്യം, ജനപ്രീതിയും അംഗീകാരവും. പുതിയ ബിസിനസ് ആരംഭിക്കാൻ ആഗ്രഹിക്കുന്നവർ ഓഫീസ് നിര്‍മ്മാണ പ്രവര്‍ത്തനങ്ങള്‍ക്ക് തുടക്കമിടും.

കേട്ട: സുഹൃത്തുക്കളുമായി അകലാതിരിക്കാന്‍ പ്രത്യകം ശ്രദ്ധിക്കണം, സ്ത്രീകള്‍ അപവാദം പറഞ്ഞു പരത്തും, അവിചാരിത തടസങ്ങള്‍ പലതും അനുഭവപ്പെടുന്നതാണ്.

മൂലം: ഉദ്ദേശിക്കുന്ന രീതിയില്‍ കാര്യങ്ങള്‍ നടക്കും, ആഗ്രഹസാഫല്ല്യം നേടും. വാക്‌സാമര്‍ത്ഥ്യത്താലും മാധുര്യമുള്ള സംസാരത്താലും അന്യരെ വശീകരിക്കും.

പൂരാടം: പ്രണയ കാര്യങ്ങളില്‍ അനുകൂല തീരുമാനം, ആചാര മര്യാദകള്‍ പാലിക്കും. അന്യര്‍ക്കായി ത്യാഗ മനസ്‌കതയോടു കൂടി പ്രവര്‍ത്തിക്കും.

ഉത്രാടം: ശത്രുക്കള്‍ ഒഴിഞ്ഞുപോകും, ദാമ്പത്യം സന്തോഷപ്രദം, ബന്ധുക്കളുമായി നിലവിലുണ്ടായുന്ന അഭിപ്രായവ്യത്യാസം മാറും.

തിരുവോണം: അകന്നു കഴിഞ്ഞവര്‍ അടുത്ത് വരും, ജോലി സ്ഥിരമാകും. ദാമ്പത്യ ബന്ധത്തില്‍ യോജിച്ച തീരുമാനങ്ങളെടുക്കും, കുടുംബത്തില്‍ ഐശ്വര്യമുണ്ടാക്കും.

അവിട്ടം: കുടുംബത്തില്‍ ഐശ്വര്യവും സമാധാനവും, ഔഷധസേവ നിര്‍ത്താന്‍ സാധിക്കും. സ്വകാര്യ മേഖലയില്‍ പ്രവര്‍ത്തിക്കുന്നവര്‍ക്ക് ഉന്നതസ്ഥാന പ്രാപ്തിയും സ്ഥലമാറ്റവും പ്രതീക്ഷിക്കാം.

ചതയം: പ്രതിസന്ധികള്‍ സ്വയം ഒഴിഞ്ഞുപോകും, പരമ്പരാഗത കലകളില്‍ താല്‍പര്യവും അഭിനിവേശവും. ജീവിതത്തില്‍ പല രീതിയിലും ഉയര്‍ച്ചയുണ്ടാകും. ബുദ്ധിപരമായി പ്രവൃത്തിച്ച് പ്രതികൂല സാഹചര്യങ്ങളെ അതിജീവിക്കും.

പൂരുരുട്ടാതി: ധനകാര്യ സ്ഥാപനങ്ങള്‍ നടത്തുന്നവര്‍ക്ക് കേസുകളും നികുതി വകുപ്പുകളില്‍ നിന്ന് ഉപദ്രവവും ഉണ്ടാകും.

ഉത്തൃട്ടാതി: വിലപിടിപ്പുള്ള ആഭരണങ്ങളോ യന്ത്ര സാമഗ്രഹികളോ കളവു പോകുകയോ നഷ്ടപ്പെടുകയോ ചെയ്യും.

രേവതി: ഭൂമിസംബന്ധമായ ക്രയവിക്രയങ്ങളില്‍ ഏര്‍പ്പെടുന്നവര്‍ക്ക് ധനനഷ്ടത്തിനു സാദ്ധ്യത. സംസാരം മുഖേന ശത്രുക്കള്‍ കൂടും.