അകന്നുനിന്നവർ അടുക്കുമ്പോൾ സൂക്ഷിക്കുക; സ്ത്രീകള്‍ കാരണം ദുഃഖത്തിനിടയാകും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 നവംബര്‍ 6 - തുലാം 20 വ്യാഴാഴ്ച. (പുലർന്ന ശേഷം 6 മണി 33 മിനിറ്റ് 34 സെക്കന്റ് വരെ ഭരണി നക്ഷത്രം ശേഷം കാർത്തിക നക്ഷത്രം)

അശ്വതി: ജോലിസ്ഥലത്തെ സാഹചര്യങ്ങൾ പ്രതികൂലമായിരിക്കും. സ്വത്ത് സംബന്ധമായ വിഷയങ്ങൾ ശ്രദ്ധാപൂർവം കൈകാര്യം ചെയ്യണം. അനാവശ്യമായി പണം ചെലവാകും, ശത്രുവര്‍ദ്ധന, ധനനഷ്ടം, താഴ്ത്തപ്പടല്‍ എന്നിവ അനുഭവം.

ഭരണി: പതിവായ വഴക്കുകൾ വീട്ടിലെ സമാധാനം ഇല്ലാതാക്കും. മുതിർന്ന ആളുകളോട് മാന്യമായും ക്ഷമയോടും കൂടെ പെരുമാറാൻ ശ്രദ്ധിക്കുക. ധനചെലവ്, ദൂരയാത്രാക്ലേശം, ഉന്നതരില്‍ നിന്നും വിഷമകരമായ പ്രവര്‍ത്തികള്‍.

കാര്‍ത്തിക: മേലുദ്യോഗസ്ഥരുമായി നല്ല ബന്ധം സ്ഥാപിക്കുന്നത് ഗുണം ചെയ്യും. ആത്മീയ കാര്യങ്ങളിൽ താല്പര്യം വർദ്ധിക്കും. എല്ലാവരും അനുകൂലമായ രീതിയില്‍ പെരുമാറും, വിദ്യാപരമായ മുന്നേറ്റം.

രോഹിണി: വെല്ലുവിളികൾ നിറഞ്ഞ സാഹചര്യങ്ങളെ ധൈര്യപൂർവം നേരിടും. ജോലിസ്ഥലത്ത് മികച്ച പ്രകടനം കാഴ്ച വയ്ക്കാൻ സാധിക്കും. പുതിയ അവസരങ്ങള്‍, ബിസിനസില്‍ നേട്ടം, പ്രശസ്ഥിയും വിജയവും.

മകയിരം: സാമ്പത്തിക നേട്ടം കൈവരിക്കാൻ സഹായിക്കുന്ന നിരവധി അവസരങ്ങൾ തുറന്നുകിട്ടും. വ്യവഹാരവിജയം, ദേവാലയ ദര്‍ശനം, അംഗീകാരം, യാത്രാഗുണം. ബിസിനസിൽ ലാഭസാദ്ധ്യത കാണുന്നു.

തിരുവാതിര: നിക്ഷേപങ്ങൾ നടത്തുന്നതിനും പുതിയ സംരംഭം തുടങ്ങുന്നതിനും അനുകൂലമായ സമയമാണ്. തൊഴില്‍ മേഖലയില്‍ നിന്ന് നേട്ടം, ദാമ്പത്യ സുഖം, ഗൃഹത്തിന് മോടി പിടിപ്പിക്കും.

പുണര്‍തം: ഭാഗ്യം അനുകൂലം ആയിരിക്കും. പ്രണയ ജീവിതത്തിൽ സന്തോഷകരമായ നിമിഷങ്ങൾ ഉണ്ടാകും. ഉദ്യോഗത്തില്‍ നേട്ടങ്ങള്‍, വിദ്യാവിജയം, ആഗ്രഹങ്ങള്‍ സഫലമാകും, ബുദ്ധിപരമായി കാര്യങ്ങള്‍ നീക്കും.

പൂയം: അനാവശ്യമായ യാത്രയില്‍ ചെലവ് വർദ്ധിക്കും. ആരോഗ്യം മോശമാകാനിടയുള്ളതിനാൽ സൂക്ഷിക്കുക, ആത്മവിശ്വാസം നഷ്ടപ്പെടുത്തുന്ന സംഗതികള്‍ സംജാതമാകും, സ്ത്രീകള്‍ കാരണം അസ്വസ്ഥത.

ആയില്യം: കുടുംബ ജീവിതത്തിൽ സന്തോഷവും സമാധാനവും ഉണ്ടാകും. അപ്രതീക്ഷിതമായി പണം ചെലവാകും. ജീവിതപങ്കാളി വഴി സുഖവും സമാധാനവും, യാത്രാഗുണം.

മകം: ബിസിനസിൽ സ്വാധീനമുള്ള ആളുകളുമായി ബന്ധം സ്ഥാപിക്കാൻ കഴിയും. പ്രിയപ്പെട്ടവരുമായി യാത്ര പോകാനിടയുണ്ട്. ദാമ്പത്യ ജീവിതം സന്തോഷകരമായിരിക്കും. പ്രണയ സാഫല്ല്യം, ധനപരമായി ഉയര്‍ച്ച, വിദ്യ വിജയം, ധനനേട്ടം.

പൂരം: സമൂഹത്തിൽ പ്രശസ്തി വർദ്ധിക്കും. ദമ്പതികൾക്ക് മികച്ച ദിവസമാണ്. പ്രണയബന്ധം മനോഹരമായി അനുഭവപ്പെടും. ബന്ധുഗുണം, പുതിയ സുഹൃത്തുക്കളെ ലഭിക്കും, സാമ്പത്തിക പ്രയാസങ്ങള്‍ക്ക് കുറവ് വരും.

ഉത്രം: മാതാവിന്റെ ആരോഗ്യ കാര്യത്തിൽ പ്രത്യേക ശ്രദ്ധ ആവശ്യമാണ്. തൊഴിൽ രംഗവും വീടും തമ്മിലുള്ള സന്തുലിതാവസ്ഥ നിലനിർത്തണം. അന്യരോട് കയര്‍ക്കും, ധനനഷ്ടം. കുടുംബ കലഹം. പ്രവര്‍ത്തി നേട്ടത്തിന് കഠിന പരിശ്രമം വേണ്ടിവരും.

അത്തം: വർദ്ധിച്ചുവരുന്ന ചെലവുകൾ നിയന്ത്രണത്തിൽ ആക്കേണ്ടതുണ്ട്. പരുഷമായി സംസംസാരിക്കുന്നത് ഒഴിവാക്കുക. സ്ഥലം മാറിപോകേണ്ടി വരും, ജോലി നഷ്ടം, യാത്രയില്‍ ധന നഷ്ടം, വ്യവഹാരങ്ങളില്‍ പരാജയ ഭീതി.

ചിത്തിര: അധിക ചെലവുകൾക്ക് സാദ്ധ്യതയുണ്ട്. അപരിചിതമായ ഫോൺ കോളുകൾ ജാഗ്രതയോടെ നേരിടണം. അംഗീകാരം കൈവിട്ട് പോയ അവസ്ഥ വരും, നിയമപരമായി ബുദ്ധിമുട്ടുകള്‍ അനുഭവപ്പെടാം.

ചോതി: എതിരാളികളുടെ നീക്കങ്ങളെ കരുതിയിരിക്കേണ്ടതുണ്ട്. ചിലവുകൾ വർദ്ധിച്ചേക്കാം. ആരെയും വിശ്വാസപൂര്‍വ്വം ഒന്നും ഏല്പ്പിക്കരുത്, അന്യദേശ വാസം, ബന്ധുക്കളില്‍ നിന്നുമുള്ള എതിര്‍പ്പുകള്‍.

വിശാഖം: പ്രണയിക്കുന്നവർക്ക് അനുകൂലമായ ദിവസമല്ല. മാനസിക സമ്മർദ്ദം കുറയ്ക്കാൻ മെഡിറ്റേഷൻ പോലുള്ള കാര്യങ്ങൾ ചെയ്യാവുന്നതാണ്. സാമ്പത്തിക പ്രശ്നങ്ങള്‍ രൂക്ഷമാകും, രോഗാവസ്ഥ, തെറ്റിദ്ധാരണകള്‍ എന്നിവ വന്നു ഭവിക്കും.

അനിഴം: സംസാരത്തിലൂടെ ആളുകളെ എളുപ്പത്തിൽ സ്വാധീനിക്കാനുള്ള കഴിവ് ഉണ്ടാകും. തൊഴിൽ അന്വേഷിക്കുന്നവർ നിരാശരാകാതെ ശ്രമം തുടരുക. സുഖാനുഭവങ്ങള്‍, ശത്രുജയം, പ്രണയ കാര്യങ്ങളില്‍ സന്തോഷം, കര്‍മ്മരംഗം ഉഷാറാകും.

കേട്ട: പൊതുപ്രവർത്തകർക്ക് പ്രത്യേക നേട്ടങ്ങൾ കൈവരിക്കാൻ സാധിക്കും. സംരംഭകർക്ക് ഗുണകരമായ ദിവസമാണ്. ശമ്പള വര്‍ദ്ധനവിന് യോഗം, അകന്നു നിന്നവര്‍ അനുകൂലികളാകും.

മൂലം: തൊഴിൽ മേഖലയിൽ സഹപ്രവർത്തകരുടെ പിന്തുണയാൽ മികച്ച നേട്ടങ്ങൾ കൈവരിക്കുന്നതാണ്. മത്സരങ്ങൾക്കും പരീക്ഷകൾക്കും തയ്യാറെടുക്കുന്ന വിദ്യാർത്ഥികൾക്ക് അനുകൂലമായ ദിവസമാണ്. കീര്‍ത്തി, പദവി എന്നിവ ലഭിക്കും, ജീവിതത്തില്‍ പുരോഗതി.

പൂരാടം: ഭാഗ്യം പിന്തുണയ്ക്കുന്ന ദിവസമായിരിക്കും. കുടുംബത്തോടൊപ്പം സന്തോഷകരമായി സമയം ചെലവിടും. ദാമ്പത്യ ജീവിതം മികച്ചതായി മുമ്പോട്ട് പോകും. സുഖസൗകര്യങ്ങള്‍, പുതിയ സംരഭങ്ങള്‍, ആരോഗ്യപരമായി നല്ലസമയം.

ഉത്രാടം: സന്താനത്തിന്റെ വിവാഹത്തിനുള്ള തടസങ്ങൾ നീങ്ങുകയോ വിവാഹം ഉറപ്പിക്കാനോ സാദ്ധ്യതയുണ്ട്. ഭര്‍തൃ സ്നേഹം നിറഞ്ഞ രീതിയിലുള്ള സംസാരവും പ്രവര്‍ത്തികളും ഉണ്ടാകും, മതപരമായ ചടങ്ങുകളില്‍ പങ്കെടുക്കും, സന്തോഷം നിറഞ്ഞ സമയം.

തിരുവോണം: എല്ലാവരോടും സൗമ്യമായി സംസാരിക്കാൻ ശ്രദ്ധിക്കുക. ​ഉയർച്ച താഴ്ചകൾ ഒരുപോലെ നേരിടേണ്ടി വരുന്ന ദിവസമായിരിക്കും ഇന്ന്. വിശേഷമായ ആഹാരം ലഭിക്കും.

അവിട്ടം: ബന്ധങ്ങളിൽ പിരിമുറുക്കം വർദ്ധിപ്പിക്കുന്ന തരത്തിലുള്ള പ്രശ്നങ്ങളെ നേരിടേണ്ടതായി വരും. വിവാഹ ജീവിതത്തില്‍ കല്ലുകടി, മോശമായ ദിവസം, യാത്ര, മുതലായവ മാറ്റി വയ്ക്കുക.

ചതയം: ഇന്ന് ചെലവുകൾ വർദ്ധിക്കാനിടയുണ്ട്. യാത്രാവേളയിൽ ജാഗ്രത കൈവിടരുത്. ബന്ധുക്കളില്‍ നിന്നും വിഷമകരമായ അനുഭവങ്ങള്‍, ശത്രുക്കളുടെ പദ്ധതികള്‍ മുന്‍കൂട്ടി അറിഞ്ഞു പ്രവത്തിക്കണം.

പൂരുരുട്ടാതി: മറ്റുള്ളവരുടെ കാര്യങ്ങളിൽ അനാവശ്യമായി ഇടപെടുന്നത് ഒഴിവാക്കുക. സ്ത്രീ സംബന്ധ വിഷയങ്ങളില്‍ കരുതല്‍ വേണം, ദേഷ്യം നിയന്ത്രിക്കാന്‍ സാധിക്കില്ല, കുടുംബസുഖം കിട്ടില്ല.

ഉത്തൃട്ടാതി: ജോലി സ്ഥലത്ത് സഹ പ്രവർത്തകരുമായി തർക്കങ്ങൾ ഉണ്ടാകാനിടയുണ്ട്. അന്യസ്ത്രീകള്‍ കാരണം ദുഃഖം, ചെലവ് ക്രമാതീതമായി വര്‍ദ്ധിക്കും, അശുഭ വാര്‍ത്ത കേള്‍ക്കാന്‍ ഇടയാകും.

രേവതി: ആരോഗ്യം മോശമാകാൻ സാദ്ധ്യതയുള്ളതിനാൽ ജാഗ്രത പാലിക്കേണം, ലോണുകളും മറ്റും പ്രതികൂലമായേക്കാം, ജാമ്യം നില്‍ക്കരുത്. ബന്ധുബലം നശിക്കും.