ഇക്കൂട്ടർക്ക് അപ്രതീക്ഷിത നേട്ടം; സർക്കാ‌ർ ആനുകൂല്യം, പല മാർഗങ്ങളിലൂടെയും വരുമാനം തേടിയെത്തും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ഡിസംബർ 5 - വൃശ്ചികം 19 വെള്ളിയാഴ്ച. (പകൽ 11 മണി 45 മിനിറ്റ് 48 സെക്കൻഡ് വരെ രോഹിണി നക്ഷത്രം ശേഷം മകയിരം നക്ഷത്രം )

അശ്വതി: പഠനത്തിനായി വിദേശത്ത് പോകാന്‍ ആഗ്രഹിക്കുന്നവര്‍ക്ക് കാര്യപ്രാപ്തിയുണ്ടാകും. വ്യാപാര വ്യവസായ രംഗങ്ങളില്‍ ആസൂത്രിതമായി മാറ്റങ്ങള്‍ വരുത്തും.

ഭരണി: ജനപ്രീതിയും പ്രശംസയുമുണ്ടാകും. കലാരംഗത്ത് പ്രവര്‍ത്തിക്കുന്നവര്‍ക്ക് സാമ്പത്തിക അഭിവൃദ്ധിയും സല്‍കീര്‍ത്തിയും, പല മേഖലകളില്‍ നിന്നായി വരുമാനം വരാനിടയുണ്ട്.

കാര്‍ത്തിക: പ്രതീക്ഷിക്കാത്ത രംഗങ്ങളില്‍ പ്രശസ്തിയുണ്ടാകും. ക്ഷേത്രദര്‍ശനം, തീര്‍ത്ഥാടനം എന്നിവ നടത്തും, ആത്മാര്‍ത്ഥതയുള്ള സുഹൃത്തുക്കള്‍ വന്നുചേരും.

രോഹിണി: ആത്മാര്‍ത്ഥതയുള്ള ജോലിക്കാരെ ലഭിക്കും. കോടതി കാര്യങ്ങള്‍ സന്ധിയിലോ വിജയത്തിലോ കലാശിക്കും. ബിസിനസ് രംഗത്ത് പ്രവര്‍ത്തിക്കുന്നവര്‍ക്ക് സാമ്പത്തിക നേട്ടം പ്രതീക്ഷിക്കാം.

മകയിരം: സഹോദരസ്ഥാനീയരില്‍ നിന്നും സഹായ സഹകരണങ്ങള്‍ ലഭിക്കും. സന്താനങ്ങളാല്‍ മാനസിക സന്തോഷം ലഭിക്കും, പിതാവിനോടും ഗുരുക്കന്മാരോടും ബഹുമാനവും സ്‌നേഹവും പ്രകടിപ്പിക്കും.

തിരുവാതിര: കര്‍മ്മ മേഖലയില്‍ അംഗീകാരവും പുരസ്‌കാരവും ലഭിക്കും. വിവാഹം അന്വേഷിക്കുന്നവരെ തേടി അനുകൂലമായ ആലോചനകളെത്തും. മാതാപിതാക്കളുടെ ആരോഗ്യനില മെച്ചപ്പെടും.

പുണര്‍തം: ഏര്‍പ്പെടുന്ന കാര്യങ്ങളില്‍ സത്യസന്ധത കുറയും. രാഷ്ട്രീയ മേഖലയില്‍ പ്രവര്‍ത്തിക്കുന്നവര്‍ക്ക് കടുത്ത പ്രതിസന്ധി നേരിടേണ്ടി വരും. ആരോഗ്യകാര്യത്തില്‍ കൂടുതല്‍ ശ്രദ്ധിക്കുക.

പൂയം: ആരോപണങ്ങള്‍ക്ക് വിധേയരാകും, സ്വാര്‍ത്ഥ താത്പര്യങ്ങള്‍ക്ക് മുന്‍തൂക്കം നല്‍കും. അധിക ചെലവും ബാദ്ധ്യതകളും വന്നുചേരും. ശത്രുക്കള്‍ വര്‍ദ്ധിക്കുന്നത് പ്രശ്‌നങ്ങള്‍ക്കിടയാക്കും.

ആയില്യം: ആരോഗ്യപരമായ കാര്യങ്ങളില്‍ ശ്രദ്ധ ആവശ്യമാണ്. സാമ്പത്തികപിരിമുറുക്കം അനുഭവപ്പെടും, റിയല്‍ എസ്‌റ്റേറ്റ് മേഖലയില്‍ പ്രവര്‍ത്തിക്കുന്നവര്‍ക്ക് നഷ്ടങ്ങൾക്ക് സാദ്ധ്യതയുണ്ട് .

മകം: ആരോഗ്യപരമായി ചെറിയ ബുദ്ധിമുട്ടുകള്‍ ഉണ്ടാകും. ഭൂമി സംബന്ധമായ ക്രയവിക്രയത്തിന് ശ്രമിക്കുന്നുവര്‍ക്ക് തടസം നേരിടും. സുഹൃത്തുക്കളില്‍ നിന്നും സഹോദരങ്ങളില്‍ നിന്നും സഹായങ്ങള്‍ കുറയും.

പൂരം: കുടുംബത്തില്‍ അഭിപ്രായ വ്യത്യാസങ്ങള്‍ ഉടലെടുക്കുകയും സ്വസ്ഥത ഇല്ലാതാവുകയും ചെയ്യാം. വാഹന സംബന്ധമായ ചെലവുകള്‍ വര്‍ദ്ധിക്കും.

ഉത്രം: അപവാദങ്ങളും ആരോപണങ്ങളും കേള്‍ക്കേണ്ടിവരും. നിലവിലുള്ള കടബാദ്ധ്യതകള്‍ വര്‍ദ്ധിക്കാതിരിക്കുവാന്‍ ശ്രദ്ധിക്കണം, വിദ്യാർത്ഥികൾ പഠനത്തില്‍ ശ്രദ്ധ ചെലുത്തിയില്ലെങ്കില്‍ പരാജയങ്ങളുണ്ടാകും.

അത്തം: പങ്കാളിയുടെ തൃപ്തിക്കനുസരിച്ച് തൊഴില്‍ ക്രമീകരിക്കേണ്ടിവരും. മേലുദ്യോഗസ്ഥരുടെ അഭിനന്ദനവും അംഗീകാരവും ലഭിക്കും. സുഹൃത്തുക്കള്‍ക്കായി ധാരാളം പണം ചെലവഴിക്കും. ബിസിനസുകാര്‍ക്ക് മികച്ച ലാഭം പ്രതീക്ഷിക്കാം.

ചിത്തിര: ധനാഭിവൃദ്ധിക്കും പ്രശസ്തിക്കും അവസരം. വാക്‌സാമര്‍ത്ഥ്യത്താലും മാധുര്യമുള്ള സംസാരത്താലും അന്യരെ വശീകരിക്കും. കൂടുതല്‍ ജോലിഭാരം കൊണ്ട് മാനസികവും ശാരീരികവുമായ പ്രശ്‌നങ്ങള്‍ അനുഭവപ്പെടും.

ചോതി: യോജിച്ച തീരുമാനങ്ങളെടുക്കുന്നത് കുടുംബത്തില്‍ ഐശ്വര്യമുണ്ടാക്കും. പെണ്‍മക്കള്‍ക്ക് അഭിവൃദ്ധിയുണ്ടാകും. രാഷ്ട്രീയ പ്രവര്‍ത്തകര്‍ക്ക് ജനപ്രീതിയും പ്രശംസയും ലഭ്യമാകും.

വിശാഖം: ബന്ധുക്കളുമായി നിലവിലുണ്ടായുന്ന അഭിപ്രായവ്യത്യാസം മാറും. പ്രതീക്ഷിച്ചതിനേക്കാളും നേട്ടമുണ്ടാകും. കര്‍മ്മസംബന്ധമായി ഉയര്‍ച്ചയും ബഹുമാനവും പ്രശസ്തിയും ഉണ്ടാകും.

അനിഴം: ജീവിതത്തില്‍ പല രീതിയിലും ഉയര്‍ച്ചയുണ്ടാകും. ബുദ്ധിപരമായി പ്രവൃത്തിച്ച് പ്രതികൂല സാഹചര്യങ്ങളെ തരണം ചെയ്യും. സന്താനങ്ങള്‍ക്കും സുഹൃത്തുക്കള്‍ക്കും പലവിധ നന്മകളുണ്ടാവും.

കേട്ട: കാര്യങ്ങള്‍ പലതിലും അവസാന നിമിഷം തടസങ്ങളുണ്ടാകും. സുഹൃത്തുക്കള്‍ക്കായും അയല്‍വാസികള്‍ക്കുമായി ത്യാഗമനസ്‌കതയോടുകൂടി പ്രവര്‍ത്തിക്കും. സാമ്പത്തിക മേഖലയില്‍ പ്രവര്‍ത്തിക്കുന്നവര്‍ക്ക് നഷ്ടം സംഭവിക്കും.

മൂലം: അകാരണമായി കലഹിക്കാനുള്ള വാസനയുണ്ടാകും. മാനസിക ക്ലേശങ്ങളും കുടുംബജനങ്ങളില്‍ നിന്ന് ദു:ഖവും അനുഭവമാകും. ബന്ധുക്കളുമായും സഹോദരങ്ങളുമായും സ്വരചേര്‍ച്ച കുറവ് ഉണ്ടാകും.

പൂരാടം: ആഭരണങ്ങളോ പണമോ കളവുപോകുകയോ നഷ്ടപ്പെടുകയോ ചെയ്യും. ധനകാര്യ സ്ഥാപനങ്ങള്‍ നടത്തുന്നവര്‍ക്ക് കേസുകളും നികുതി വകുപ്പുകളില്‍ നിന്ന് ഉപദ്രവവും ഉണ്ടാകും. മാനസികവും ശാരീരികവുമായ വിഷമതകള്‍ ഉണ്ടാകും.

ഉത്രാടം: കാര്യങ്ങള്‍ പൂര്‍ത്തിയാക്കാന്‍ കഠിനമായി പരിശ്രമിക്കേണ്ടിവരും. ഭൂമിയുടെ ക്രയവിക്രയങ്ങളില്‍ ഏര്‍പ്പെടുന്നവര്‍ക്ക് ധനനഷ്ടത്തിന് സാദ്ധ്യത. സംസാരം മുഖേന ശത്രുക്കള്‍ കൂടും. കള്ളകേസുകളില്‍പെടാന്‍ സാദ്ധ്യതയുണ്ട്.

തിരുവോണം: അശ്രദ്ധയും ആലോചനക്കുറവും നിമിത്തം പലവിധ പ്രശ്‌നങ്ങളുണ്ടാകും. ബിസിനസ്‌ രംഗത്ത് പ്രവര്‍ത്തിക്കുന്നവര്‍ ധാരാളം മത്സരങ്ങള്‍ നേരിടേണ്ടിവരും. അപകട സാദ്ധ്യതയുള്ളതിനാല്‍ വൈദ്യുതി മേഖലയില്‍ പ്രവര്‍ത്തിക്കുന്നവര്‍ ശ്രദ്ധിക്കുക.

അവിട്ടം: ശത്രുക്കള്‍ വര്‍ദ്ധിക്കുന്നത് പ്രശ്‌നങ്ങള്‍ ഉണ്ടാക്കും. സ്വന്തമായി തൊഴില്‍ സംരംഭങ്ങളില്‍ ഏര്‍പ്പെട്ടിരിക്കുന്നവര്‍ക്ക് തടസങ്ങൾ നേരിടും, കുടുംബത്തില്‍ നിന്നും മാറിതാമസിക്കാനുള്ള അവസരം വരും.

ചതയം: ആരോഗ്യകാര്യത്തില്‍ കൂടുതല്‍ ശ്രദ്ധ പുലര്‍ത്തണം. കാര്യ നിര്‍വഹണത്തിനു സുഹൃത്തുക്കളുടെ സഹായം തേടേണ്ടതാണ്. വിദേശത്ത് ജോലിക്കായി പോകാന്‍ ആഗ്രഹിക്കുന്നവര്‍ക്ക് തടസങ്ങള്‍ ഉണ്ടാകും.

പൂരുരുട്ടാതി: ജീവിത പങ്കാളിയില്‍ നിന്നും ഉറച്ച പിന്തുണ ലഭിക്കും. സര്‍ക്കാരില്‍ ആനുകൂല്യങ്ങള്‍ ലഭിക്കും, വിദ്യാഭ്യാസ പുരോഗതിയുണ്ടാകും. വാക്ചാതുര്യവും സാമര്‍ത്ഥ്യവും ഉണ്ടാകും. സകല വിധത്തിലുമുള്ള ഭാഗ്യങ്ങളും ലഭിക്കും.

ഉത്തൃട്ടാതി: ബിസിനസ് ആരംഭിക്കുന്നവര്‍ ഓഫീസ് നിര്‍മ്മാണ പ്രവര്‍ത്തനങ്ങള്‍ക്ക് തുടക്കമിടും. ശാസ്ത്ര സാങ്കേതിക രംഗങ്ങളിൽ ഉള്ളവര്‍ക്ക് നേട്ടങ്ങൾ ഉണ്ടാക്കാന്‍ കഴിയും. സന്താനങ്ങള്‍ക്ക് വിവാഹം നടക്കാൻ അനുയോജ്യമായ സമയം.

രേവതി: കരാര്‍ ജോലികള്‍ ഏറ്റെടുത്ത് നടപ്പിലാക്കുന്നവര്‍ക്ക് മികച്ച ലാഭം പ്രതീക്ഷിക്കാം. വാക് ചാതുര്യവും വശ്യതയാര്‍ന്ന പ്രവര്‍ത്തിയാലും അന്യരെ ആകര്‍ഷിക്കും. മുടങ്ങിക്കിടന്ന കാര്യങ്ങള്‍ വീണ്ടും ആരംഭിക്കും. അടിക്കടി യാത്ര ചെയ്യേണ്ടതായി വരും, പല മേഖലകളിലൂടെയും വരുമാനം ലഭിക്കും.