പ്രവാസികൾക്ക് നേട്ടമുണ്ടാകും,​ ജോലിയിൽ അനുകൂലമായ രീതിയിൽ മാറ്റം, സ്ത്രീകൾ മൂലം സുഖവും സമാധാനവും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 നവംബർ 7, 1198 വൃശ്ചികം 21 ഞായറാഴ്ച .

( പുലർന്ന ശേഷം 6 മണി 12 മിനിറ്റ് 59 സെക്കന്റ് വരെ തിരുവാതിര നക്ഷത്രം ശേഷം പുണർതം നക്ഷത്രം )

അശ്വതി: ജീവിത ചുറ്റുപാടുകളിൽ സന്തോഷപ്രദമായ സാഹചര്യം വർദ്ധിക്കും, ഉദ്യോഗാർത്ഥികൾക്ക് ജോലി ലഭ്യത. അധിക്ഷേപങ്ങളെ നിഷ്പ്രയാസം അതിജീവിക്കാൻ സാധിക്കും. ജന്മനാട്ടിലേക്ക് സ്ഥാനമാറ്റം.

ഭരണി : സന്താനങ്ങൾ നേട്ടങ്ങൾ കൈവരിക്കും. സർക്കാരിൽ നിന്നും അനുകൂലമായ അറിയിപ്പ് ലഭിക്കും, ധനപരമായ കാര്യങ്ങളിൽ നേട്ടം.

കാർത്തിക: വാഹനം വാങ്ങാൻ അനുകൂലമായ സമയം, വിദേശവാസം ഗുണം ചെയ്യും. വിദേശത്ത് തൊഴിൽ ചെയ്യുന്നവർക്ക് നേട്ടം, ഭൂമി ക്രയവിക്രയങ്ങൾ നടക്കും.

രോഹിണി: കുടുംബ ചുമതലകൾ ഉത്തരവാദിത്വത്തോടെ നിറവേറ്റും, എല്ലാ രംഗത്തും അഭിവൃദ്ധി. പ്രത്യേക അഭിലാഷങ്ങൾ നടപ്പിലാകും, പ്രതിസന്ധികളിൽ തളരാതെ പ്രവർത്തിക്കും.

മകയിരം: കഴിവ് പ്രദർശിപ്പിക്കാൻ അവസരം, രാഷ്ട്രീയ രംഗത്ത് ഉള്ളവർക്കും കലാ രംഗത്ത് ഉള്ളവർക്കും ധനസമൃദ്ധി. വിദ്യാഭ്യാസ മേഖലകളിൽ നേട്ടം, ശത്രുക്കളുടെ ഉപദ്രവം കുറയും.

തിരുവാതിര: ധനാഭിവൃദ്ധി, കുടുംബസുഖം, വിവാഹം മൂലം ഉയർച്ച. ദീർഘ ദൃഷ്ടിയോടെ കാര്യങ്ങൾ ചെയ്യും, ഉയർച്ച കൈവരിക്കാൻ സാധിക്കും.

പുണർതം: ഗൃഹത്തിൽ സന്തുഷ്ടിയും സ്വസ്ഥതയും, ജീവിതപങ്കാളിയുടെ ആവശ്യങ്ങൾ പരിഗണിക്കും. ജോലിയിൽ അനുകൂലമായ രീതിയിൽ മാറ്റം, ഉന്നത സ്ഥാന ലഭ്യത.

പൂയം: സ്ത്രീ സംബന്ധ വിഷയങ്ങളിൽ നല്ല കരുതൽ വേണം, പലവിധ ക്ലേശങ്ങൾക്കും സാദ്ധ്യത. അയൽക്കാരുമായി കലഹം, ഏതുകാര്യവും ദീർഘദൃഷ്ടിയോടെ ചെയ്യുക.

ആയില്യം: കുടുംബത്തിൽ പലവിധ അസ്വസ്ഥതകൾ ഉണ്ടാകും. എല്ലാ കാര്യത്തിലും പരാജയ സാദ്ധ്യത. രോഗങ്ങളാൽ ദുരിതം, ഇഷ്ടമില്ലാത്ത തൊഴിൽ ചെയ്യേണ്ടിവരും.

മകം: പ്രവർത്തനരംഗത്ത് വളരെ ശ്രദ്ധ വേണം, ഏറ്റെടുത്ത കാര്യങ്ങൾ പൂർത്തീകരിക്കാൻ വിഷമിക്കും. പഠനത്തിൽ കൂടുതൽ ശ്രദ്ധ കേന്ദ്രീകരിക്കേണ്ടി വരും. ആരോഗ്യപരമായ കാര്യങ്ങളിൽ ശ്രദ്ധ നൽകുക.

പൂരം: മുൻകോപം ഉപേക്ഷിക്കുക. ആലോചനയില്ലാത്ത സംഭാഷണം പലവിധ പ്രയാസങ്ങൾക്ക് വഴിയൊരുക്കും. പണം കൈകാര്യം ചെയ്യുമ്പോൾ സൂക്ഷ്മതപാലിക്കുക. രോഗസാദ്ധ്യത.

ഉത്രം: പരിശ്രമങ്ങൾക്ക് തടസം നേരിടും, സ്ത്രീകളുമായി കലഹത്തിന് നിൽക്കരുത്, ദാമ്പത്യ സുഖക്കുറവ്. നിസാരമായി കരുതുന്ന കാര്യങ്ങൾ വല്ലാതെ കുഴയ്ക്കും, അതീവ ശ്രദ്ധ എല്ലാ കാര്യത്തിലും പാലിക്കുക.

അത്തം: ദാമ്പത്യ വിഷയങ്ങളിൽ പൊതുവേ സുഖം, സുഹൃദ്ബന്ധങ്ങൾക്ക് പ്രാമുഖ്യം. കർമരംഗത്ത് നൂതന സംരംഭങ്ങൾക്ക് തുടക്കം, സന്തോഷകരമായ അനുഭവങ്ങൾ.

ചിത്തിര: വളരെക്കാലമായി ചിന്തിക്കുന്ന പലതും സാധിക്കും. യാത്രയിൽ വളരെ കരുതൽ വേണം. പ്രേമകാര്യങ്ങളിൽ സമാധാനക്കുറവ്, ആരോഗ്യ പ്രശ്നങ്ങൾ.

ചോതി: പൊതുജനങ്ങളുമായി നല്ല ബന്ധം സ്ഥാപിച്ചെടുക്കും, ബിസിനസ്സ് പുനരാരംഭിക്കും. വ്യാപാര രംഗത്തുള്ളവർക്ക് വളരെ നേട്ടം, സർവാഭീഷ്ടസിദ്ധി.

വിശാഖം: ജീവിതത്തിൽ നിർണായകമായ മാറ്റങ്ങൾക്ക് കാരണമാകുന്ന ഒരു അപൂർവ ആത്മബന്ധം ലഭിക്കും. നല്ല മുന്നേറ്റം, അന്യരാജ്യത്ത് വിജയം, സ്‌നേഹശീലം.

അനിഴം: സാഹിത്യകാരൻമാർക്ക് കൂടുതൽ അവസരങ്ങൾ, ഉദ്ദേശിക്കുന്ന രീതിയിൽ കാര്യങ്ങൾ മുന്നോട്ടു നീങ്ങും. സർവ്വ ഐശ്വര്യങ്ങളും ലഭിക്കും.

കേട്ട: വ്യവഹാരങ്ങളിൽ ഏർപ്പെട്ടിരിക്കുന്നവർക്ക് വിജയം, സഹോദര ഗുണം. നല്ല കാര്യശേഷി, യാത്രാഗുണം, സുഖജീവിതം.

മൂലം: ഇടപാടുകളിൽ വിജയം, ധനവരവ്, കലാപരമായി നല്ലസമയം, കൂർമ്മ ബുദ്ധി. സ്ത്രീ ഗുണം, ആഗ്രഹ സാഫല്യം, സംതൃപ്തി, കുടുംബസുഖം, യാത്രയിൽ നേട്ടം, കടബാദ്ധ്യതകൾ കുറയും.

പൂരാടം: അപ്രതീക്ഷിതമായ പല നേട്ടങ്ങൾ ഉണ്ടാകും, ഉത്തരവാദിത്വങ്ങൾ അന്യരെ ഏൽപ്പിക്കുന്നത് നന്നല്ല. ദൈവീക ചിന്ത ഉടലെടുക്കും, സ്ത്രീകൾ മൂലം സുഖവും സമാധാനവും.

ഉത്രാടം: ആരോഗ്യകാര്യത്തിൽ വളരെ ശ്രദ്ധിക്കുക.തൊഴിൽരംഗത്ത് അപ്രതീക്ഷിത തടസങ്ങൾ. സംസാരവും പ്രവൃത്തിയും സൂക്ഷിക്കുക, അനാവശ്യമായി പണം ചെലവഴിക്കേണ്ടി വരും.

തിരുവോണം: സ്വന്തം മണ്ടത്തരങ്ങൾക്ക് മറ്റുള്ളവരെ കുറ്റപ്പെടുത്തും. കഠിനമായ പരിശ്രമം വേണ്ടി വരും, പല വിധത്തിലുള്ള പരീക്ഷണങ്ങളെ നേരിടേണ്ടി വരും,ശത്രുക്കളിൽ നിന്നും ആപത്ത് .

അവിട്ടം: ജോലിയിൽ അനുകൂലമായ മാറ്റം, ധനത്തിന്റെ കാര്യത്തിൽ ബുദ്ധിമുട്ടില്ല, സമാധാനവും സന്തോഷവും.ആരോഗ്യകാര്യത്തിൽ വളരെ ശ്രദ്ധിക്കണം.

ചതയം: സഹോദര സഹായം, ബിസിനസിൽ നേട്ടം, ശത്രുജയം. കുടുംബ ചുമതലകൾ ഉത്തരവാദിത്വത്തോടെ നിറവേറ്റും, കുടുംബ സുഖം.

പൂരുരുട്ടാതി: യാത്രയിൽ ധനനേട്ടം, ഏറ്റെടുത്ത ദൗത്യം വിജയകരമായി നിർവഹിക്കും. ആശയങ്ങളും ആഗ്രഹങ്ങളും അനുഭവത്തിൽ വന്നുചേരും. സ്ത്രീകൾ മൂലം ഗുണാനുഭവങ്ങൾ.

ഉത്തൃട്ടാതി: സന്താനങ്ങളുടെ വിവാഹകാര്യത്തിൽ തീരുമാനമാകും, കുടുംബത്തിൽ ശാന്തിയും സമാധാനവും. സർവ്വ വിഘ്നങ്ങളും അകലും, വിദേശനിർമിതമായ വസ്തുക്കൾ സമ്മാനമായി ലഭിക്കും.

രേവതി: തൊഴിലിന് ശ്രമിക്കുന്നവർക്ക് അത് സാധിക്കും, ഗൃഹത്തിൽ നിർമ്മാണ പ്രവർത്തനങ്ങൾ നടക്കും, നൂതന സംരംഭങ്ങൾ തുടങ്ങും.