കാറിന് പിന്നിലെ വാചകം കണ്ട് ഞെട്ടി യാത്രക്കാർ; ഇതാണ് ഇന്ത്യയിലെ  യുവാക്കളുടെ അവസ്ഥയെന്ന് കമന്റ്

അർത്ഥവത്തായ വാക്കുക്കളും രസകരമായ സ്റ്റിക്കറുകളും വാഹനങ്ങളിൽ ഒട്ടിക്കുന്ന പതിവ് പൊതുവെ ഇന്ത്യക്കാർക്കുണ്ട്. അത്തരത്തിൽ കാറിന്റെ പിന്നിൽ ഒട്ടിച്ചിരിക്കുന്ന വാചകമാണ് ഇപ്പോൾ സോഷ്യൽ മീഡിയയിൽ വെെറലാകുന്നത്. മംഗളൂരുവിലെ സർക്യൂട്ട് ഹൗസ് റോഡിലൂടെ പോകുന്ന മാരുതി കാറിലാണ് രസകരമായ വാചകം കണ്ടത്. ' അകലം പാലിക്കുക ഇഎംഐ അടച്ചുതീർക്കാനുണ്ട്' എന്നാണ് അതിൽ എഴുതിയിരിക്കുന്നത്. പിന്നിലൂടെ പോയ കാറിലെ യാത്രക്കാരാണ് വീഡിയോ പകർത്തി സോഷ്യൽ മീഡിയയിൽ പങ്കുവച്ചത്.

'bearys_in_dubai' എന്ന ഇൻസ്റ്റഗ്രാം പേജിലാണ് വീഡിയോ പങ്കുവച്ചിരിക്കുന്നത്. ഇതിനോടകം തന്നെ വീഡിയോ 57 മില്യൺ വ്യൂസ് നേടി കഴിഞ്ഞു. മൂന്ന് മില്യൺ ലെെക്കും ലഭിച്ചിട്ടുണ്ട്. ചിരിയും സഹതാപവും നിറഞ്ഞ പ്രതികരണങ്ങളാണ് വീഡിയോയ്ക്ക് ലഭിക്കുന്നത്. ഈ വാചകം സ്വന്തം ജീവിതവുമായി ബന്ധിപ്പിക്കുന്നവരും ഏറെയാണ്.

'പുരോഗതി ഉണ്ട് മുൻപ് 'മുട്ടല്ലേ മുത്തേ മൊത്തം മുത്തൂറ്റിലാ....' എന്നായിരുന്നു', 'ആഹാ അദ്ദേഹത്തിന്റെ ബുദ്ധി വിമാനം ആണല്ലോ', 'ഇതാണ് ഇന്ത്യയിലെ മിക്ക യുവാക്കളുടെയും അവസ്ഥ', 'ഫാമിലി മാൻ' - ഇങ്ങനെ പോകുന്നു കമന്റുകൾ.

View this post on Instagram

A post shared by @bearys_in_dubai