ഈ നാളുകാർക്ക് വിദേശത്ത് പോകാൻ അവസരം ലഭിക്കും, വിവിധ സ്രോതസുകളിൽ നിന്ന് പണം വരും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2026 ജനുവരി 10 - ധനു 26 ശനിയാഴ്ച ( 22 നാഴിക 5 വിനാഴിക വരെ അത്തം നക്ഷത്രം ശേഷം ചിത്തിര നക്ഷത്രം ) ( രാഹുകാലം 9 മണി മുതൽ 10.30 മണി വരെ )

അശ്വതി: പല അവസരങ്ങളിലും ജീവിത പങ്കാളിയുടെ ഇടപെടലുകൾ സഹായകമാകും. മറ്റുള്ളവരെ സഹായിക്കാൻ ശ്രമിക്കുക. കാർഷിക മേഖലയിൽ ഉള്ളവർക്ക് ഗുണകരമാണ്. മികച്ച ഫലങ്ങൾക്കായി ഉദ്യോഗാർത്ഥികൾ കൂടുതൽ പരിശ്രമിക്കേണ്ടതുണ്ട്.

ഭരണി: മാനസീകമായ സന്തുഷ്ടി അനുഭവപ്പെടും. കുടുംബ ജീവിതത്തിൽ സ്വസ്ഥതയും സമാധാനവും കൈവരും. വീട് നിർമ്മാണം തുടങ്ങാൻ ഉത്തമ കാലമാണ്. ബന്ധുക്കളുടെ സഹായത്തോടെ അടുപ്പക്കാരുമായുണ്ടായിരുന്ന അകലം കുറയും. ഊഹക്കച്ചവടം വഴി നേട്ടമുണ്ടാക്കാൻ അവസരമുണ്ട്.

കാർത്തിക: വരവിനേക്കാൾ ചെലവ് അധികരിക്കുമെങ്കിലും ആഗ്രഹങ്ങൾ സാധിക്കും. സന്താനങ്ങൾക്ക് പല ഗുണാനുഭവങ്ങളും ഉണ്ടാവും. ചെറിയ ചെറിയ ആരോഗ്യ പ്രശ്നങ്ങൾ അലട്ടിയേക്കാം. വിദ്യാർത്ഥികൾ പഠനത്തിൽ കൂടുതൽ ശ്രദ്ധിക്കും. പുതിയ വ്യാപാരങ്ങൾ തുടങ്ങാൻ സാധിക്കും.

രോഹിണി: പൊതു രംഗത്തുള്ളവർക്ക് പുതിയ പ്രവർത്തന മേഖലകൾ കണ്ടെത്താൻ കഴിയും. വിദേശ യാത്രക്ക് അവസരങ്ങൾ കൈവരും. വാക്കുതർക്കങ്ങൾ ഒഴിവാക്കുക. ജോലി സ്ഥലത്ത് എല്ലാവരുമായും സഹകരണത്തോടെ നീങ്ങുക. തീർത്ഥയാത്രകൾ നടത്താൻ സാധിക്കും.

മകയിരം: വിദ്യാർത്ഥികൾ അലസത ഉപേക്ഷിച്ച് പഠനത്തിൽ ശ്രദ്ധിക്കുക. ദാമ്പത്യ ജീവിതത്തിൽ പങ്കാളിയുമായുള്ള തർക്കങ്ങൾ പരിഹരിക്കുക. ആത്മ സംയമനം പാലിക്കുക. തർക്കങ്ങളിലോ വിവാദങ്ങളിലോ ഇടപെടാതിരിക്കുക. ദുഷ്ടശക്തികളിൽ നിന്ന് അകലം പാലിക്കുക.

തിരുവാതിര : ആഗ്രഹിച്ച രീതിയിൽ കാര്യങ്ങൾ നടക്കും. ജോലിക്ക് പരിശ്രമിക്കുന്നവർക്ക് വിജയം നേടാനാകും. വിവാഹകാര്യങ്ങളിൽ അനുകൂല തീരുമാനങ്ങളുണ്ടാകും. സന്താനങ്ങളിൽ നിന്നും സന്തോഷാനുഭവം കൈവരും. വിദ്യാർത്ഥികൾക്ക് നല്ല കാലമാണ്.

പുണർതം: ബന്ധുക്കളിൽ നിന്നുള്ള അകൽച്ച അവസാനിക്കും. ചില ഭാഗ്യാനുഭവങ്ങൾ ഉണ്ടാകും. വിദ്യാർത്ഥികൾക്ക് പഠന മികവ് പ്രതീക്ഷിക്കാം. മംഗള കർമങ്ങളിൽ പങ്കെടുക്കുന്നതിനുള്ള യോഗമുണ്ട്. വസ്ത്രം, ആഭരണം എന്നിവ ലഭ്യമാകുന്നതിന് അവസരമുണ്ടാകും. തിരഞ്ഞെടുപ്പുകളിൽ വിജയം പ്രതീക്ഷിക്കാം.

പുയം: പുതിയ ജോലികളിൽ പ്രവേശിക്കുവാൻ അവസരം ലഭിക്കും. ഔദ്യോഗിക രംഗത്ത് നേട്ടങ്ങൾ പ്രതീക്ഷിക്കാം. അസ്ഥാനത്തുള്ള വാക്കുകളുടെ പ്രയോഗം കൊണ്ട് ശത്രുക്കൾ ഉണ്ടായേക്കും. ആപത്കരമായ ഘട്ടങ്ങളെ അഭിമുഖീകരിച്ച് അതിൽ നിന്ന് രക്ഷ നേടാൻ കഴിയും.

ആയില്യം: അടുത്ത ബന്ധുക്കൾക്ക് രോഗദുരിത സാദ്ധ്യത. ആഹാര കാര്യത്തിൽ ശ്രദ്ധ കുറയും, സർക്കാരിലേയ്ക്ക് ചെറിയ പിഴകൾ അടയ്‌ക്കേണ്ടി വരും. ബിസിനസ്സിൽ ചില തിരിച്ചടികൾക്ക് സാദ്ധ്യതയുണ്ട്. ബന്ധു മിത്രാദികൾ തമ്മിൽ അനാവശ്യ കാര്യത്തിനായി തർക്കങ്ങൾ ഉടലെടുക്കും.

മകം: തൊഴിൽ രംഗത്ത് അന്യരുടെ ഇടപെടൽ മൂലം ഇടയ്ക്ക് മനോവിഷമം, തന്റേതല്ലാത്ത കാരണത്താൽ അപവാദങ്ങൾ കേൾക്കേണ്ടി വരും. ഭാര്യാ ഭർതൃബന്ധത്തിൽ നില നിന്നിരുന്ന പ്രശ്നങ്ങൾ പരിഹരിക്കാൻ കഴിയണം. ഏറ്റെടുത്ത കാര്യം കൃത്യമായി നിർവഹിക്കുന്നതിന് കാലതാമസം നേരിടും.

പൂരം: ജീവിതശൈലീ രോഗങ്ങൾ വർദ്ധിക്കാൻ ഇടയുണ്ട്. വീട്ടമ്മമാർക്ക് സന്തോഷം അനുഭവപ്പെടാൻ യോഗം. ദൂര യാത്രകളും അസമയ യാത്രകളും ഒഴിവാക്കുക. ജോലി മേഖലയിൽ സമ്മർദ്ദം വർദ്ധിക്കും. എല്ലാ കാര്യങ്ങളും ശ്രദ്ധിച്ച് ചെയ്യണം. അസുഖങ്ങൾ അവഗണിക്കരുത്.

ഉത്രം: സ്ത്രീജനങ്ങൾ മുഖേന കലഹം ഉണ്ടാകാനിടയുണ്ട്. വാക്കുകൾ ഉപയോഗിക്കുമ്പോഴും സംസാരിക്കുമ്പോഴും ശ്രദ്ധിക്കണം. അനാവശ്യ ചിലവുകൾ നിയന്ത്രിക്കുക. ജോലിസ്ഥലത്ത് ശത്രുക്കൾ വർദ്ധിക്കും. സ്വത്ത് സംബന്ധമായ തർക്കങ്ങളിൽ ഏർപ്പെടാൻ സാദ്ധ്യതയുണ്ട്.

അത്തം: ശാരീരിക അസ്വസ്ഥതകൾക്ക് സാദ്ധ്യതയുണ്ട്. അപവാദങ്ങൾ ഉയർന്നു വന്നേക്കാം. ആരോഗ്യ കാര്യത്തിൽ കൂടുതൽ ശ്രദ്ധ നൽകണം. പൊതുരംഗത്ത് പ്രവർത്തിക്കുന്നവർക്ക് അംഗീകാരം ലഭിക്കും. മറ്റുള്ളവരെ സഹായിക്കാൻ സാധിക്കും.

ചിത്തിര: പദ്ധതികൾ കൃത്യസമയത്ത് പൂർത്തിയാക്കും. കാർഷിക മേഖലയിലുള്ളവർക്ക് നേട്ടങ്ങൾ കൈവരും. അലസത വെടിഞ്ഞ് പുതിയ കാര്യങ്ങൾക്കായി പ്രവർത്തിക്കും. ഈശ്വരാധീനത്താൽ കാര്യങ്ങൾ അനുകൂലമായി വരും. അനാവശ്യ ചിന്തകൾ ഒഴിവാക്കുക.

ചോതി: ആത്മവിശ്വാസം വർദ്ധിക്കും. സുഖാനുഭവങ്ങൾ കൈവരും. സന്താന ഗുണമുണ്ടാകും, സൽകീർത്തി ഉണ്ടാകും. വീട് നിർമ്മാണം ആരംഭിക്കാൻ ഉചിതമായ സമയമാണ്. വിദേശയാത്രയ്ക്ക് സാദ്ധ്യതയുണ്ട്. ജോലി അന്വേഷിക്കുന്നവർക്ക് വിജയം ലഭിക്കും.

വിശാഖം: മേലുദ്യോഗസ്ഥരുടെ അംഗീകാരം നേടാനാകും. അകന്നുനിൽക്കുന്നവർ അടുക്കും. നഷ്ടപ്പെട്ട വസ്തു വകകൾ തിരികെ ലഭിക്കാാനാകും. വിവാഹകാര്യത്തിൽ അനുകൂല തീരുമാനമുണ്ടാകും. വരുമാനം വർദ്ധിക്കും. എന്നാൽ ചെലവുകളും ഉയരും.

അനിഴം: പുതിയ ജോലികളിൽ വ്യാപൃതരാകും. ബന്ധുജനങ്ങളിൽ നിന്നും സഹായം ലഭിക്കും. ഈ സമയം നേത്രരോഗങ്ങൾ നിങ്ങളെ അലട്ടിയേക്കാം. ഒന്നിലധികം ജോലികൾ നിങ്ങൾക്ക് കൈകാര്യം ചെയ്യേണ്ടിവരും. പങ്കാളിത്ത ബിസിനസിലെ അപാകതകൾ പരിഹരിക്കുക.

കേട്ട: പരുഷമായുള്ള സംസാരം ഒഴിവാക്കുക. സ്വന്തം കാര്യങ്ങൾക്ക് സമയം കണ്ടെത്താൻ പാടുപെടും. ഭൂമി സംബന്ധമായ ക്രയവിക്രയങ്ങളിൽ ഏർപ്പെടേണ്ടി വരും. കുടുംബ കാര്യങ്ങളിൽ ശ്രദ്ധക്കുറവുണ്ടാകും. സമൂഹത്തിൽ ഉന്നതരുടെ മദ്ധ്യസ്ഥതയിൽ വസ്തു തർക്കം പരിഹരിക്കാനാകും.

മൂലം: അപകടങ്ങൾ കരുതിയിരിക്കുക. ബിസിനസിൽ അലസത ഉപേക്ഷിക്കുക, പരീക്ഷകളിലും ഇന്റർവ്യൂകളിലും നേട്ടം കൈവരും. പുണ്യസ്ഥലങ്ങൾ സന്ദർശിക്കാനാകും. ഏറെക്കാലമായി വിവാഹത്തിന് തടസ്സം നേരിട്ടവർക്ക് അത്തരം തടസ്സങ്ങൾ നീങ്ങിക്കിട്ടും. സംസാരത്തിൽ മിതത്വം പാലിക്കണം.

പൂരാടം: കരാറടിസ്ഥാനത്തിലുള്ള ജോലികളിൽ നിന്ന് വരുമാനമാനം പ്രതീക്ഷിക്കാം. ചെയ്തു തീർക്കാനുള്ള കാര്യങ്ങൾ പൂർത്തിയാക്കാനാകും. പൊതുജന സമ്മതി നേടിയെടുക്കും. ദാമ്പത്യജീവിതത്തിൽ കൂടുതൽ ശ്രദ്ധിക്കണം. നിങ്ങൾക്കിടയിൽ ചില അഭിപ്രായ വ്യത്യാസങ്ങൾക്ക് സാധ്യതയുണ്ട്.

ഉത്രാടം: അനാവശ്യ ചെലവ് വർദ്ധിക്കാൻ ഇടയാകും. വിദേശത്ത് പോകാൻ ആഗ്രഹിക്കുന്നവർക്ക് അതിനുള്ള അവസരം വന്നുചേരും. പുതിയ ബിസിനസ്സ് ആരംഭിക്കാനാകും. വസ്ത്രലാഭം പ്രതീക്ഷിക്കാം. ഉന്നത വിദ്യാഭ്യാസത്തിനുള്ള അവസരം ലഭ്യമാകും.

തിരുവോണം: സന്താനങ്ങളെ കൊണ്ട് മനോവിഷമം വരാതിരിക്കാൻ ശ്രദ്ധിക്കുക.അശ്രദ്ധ കാരണം അപകടങ്ങൾ വരാൻ സാധ്യതയുണ്ട് ശ്രദ്ധിക്കുക. സിനിമാ രംഗത്ത് പ്രവർത്തിക്കുന്നവർക്ക് കൂടുതൽ അവസരം ലഭ്യമാകും. സാഹിത്യ രംഗത്ത് പ്രവർത്തിക്കുന്നവർക്ക് പുരോഗതി കൈവരിക്കാനാകും.

അവിട്ടം: ദാമ്പത്യ ജീവിതത്തിൽ വിള്ളലുണ്ടാവാതിരിക്കാൻ ശ്രദ്ധിക്കുക. ബാങ്കിംഗ് ഏർപ്പാടുകൾ നടത്തുന്നവർ പ്രത്യേകം ശ്രദ്ധിക്കണം. വിവിധ സ്രോതസുകളിൽ നിന്ന് പണം വരും. ബിസിനസ്സിൽ അല്ലറചില്ലറ പ്രശ്നങ്ങൾ നേരിടേണ്ടി വരും. മാതാവിന്റെ ആരോഗ്യ കാര്യത്തിൽ ശ്രദ്ധവേണം.

ചതയം: മന:സ്സമാധാനം തകർന്നേക്കാം. കൊടുത്ത പണം തിരികെക്കിട്ടാൻ കാലതാമസമുണ്ടാകാം. ശതുക്കളെ കരുതിയിരിക്കുക. അനാവശ്യ ചിന്തകൾ മൂലം മനസ്സ് അസ്വസ്ഥമാകും. സുഹൃത്തുക്കളുടെ സഹായം പ്രതീക്ഷിക്കാം. കുടുംബസ്വത്തിന്റെ പേരിൽ തർക്കങ്ങൾ ഉണ്ടാവാൻ സാധ്യതയുണ്ട്.

പൂരുരുട്ടാതി: ജോലിയിൽ ചില പ്രതിബന്ധങ്ങൾ ഉണ്ടായേക്കും. ഏറ്റെടുത്ത കരാർ ജോലികൾ പൂർത്തിയാക്കാൻ പ്രയാസപ്പെടും. സർക്കാരിൽ നിന്നും ലഭിക്കാനുള്ള ആനുകൂല്യങ്ങൾ വൈകുന്നതിന് ഇടയാകും. നിയമപരമായ പ്രയാസങ്ങൾ നേരിടേണ്ടി വന്നേക്കാം. വ്യാപാരത്തിൽ നഷ്ടം വരാതെ നോക്കണം.

ഉത്തൃട്ടാതി: പല കാര്യങ്ങളുടെയും ചുമതല ഏറ്റെടുക്കേണ്ടി വരും. വാഹനം സൂക്ഷിച്ച് ഉപയോഗിക്കുക. ദൂരയാത്രകൾ മാറ്റി വയ്ക്കപ്പെട്ടേക്കാം. കൂടുതൽ ശ്രദ്ധിക്കുക. പണം വന്നുചേരാൻ കാലതാമസമുണ്ടാകും. ദാമ്പത്യത്തിൽ അഭിപ്രായ വ്യത്യാസങ്ങൾ ഉണ്ടാകും. ഉദരസംബന്ധമായ പ്രശ്നങ്ങൾ ശ്രദ്ധിക്കുക.

രേവതി: സമൂഹത്തിൽ ഉണ്ടായിരുന്ന സൽപ്പേര് നഷ്ടപ്പെടും. മാതാപിതാക്കളുമായോ ഗുരുജനങ്ങളുമായോ വാക്ക് തർക്കങ്ങൾ ഉണ്ടാകാൻ ഇടയുണ്ട്. ജോലിയിൽ പ്രധാനമായും ചില പ്രതിസന്ധികൾ വന്നുകൂടാൻ ഇടയുണ്ട്. സ്വന്തമാക്കാൻ ആഗ്രഹിച്ചിരുന്ന കാര്യങ്ങൾ കൈവിട്ടു പോകും