ഫുൾ-ലൈൻ ഡീലർഷിപ്പുമായി ഹാർലി-ഡേവിഡ്സണും ഹീറോയും

കൊച്ചി : ഇന്ത്യയിൽ പ്രീമിയം നെറ്റ്‌വർക്ക് വിപുലീകരണം ത്വരിതപ്പെടുത്തുന്നതിന്റെ ഭാഗമായി ഹാർലി-ഡേവിഡ്സണും ഹീറോ മോട്ടോകോർപ്പും കൊച്ചിയിലും ബംഗളൂരുവിലും പുതിയ ഫുൾ-ലൈൻ ഹാർലി-ഡേവിഡ്സൺ ഡീലർഷിപ്പുകൾ തുറക്കുന്നു. ഇതോടെ രാജ്യത്തൊട്ടാകെ, ഫുൾ-ലൈൻ ഡീലർഷിപ്പുകളുടെ എണ്ണം 22ൽ എത്തി. പുതിയ ഡീലർഷിപ്പുകളാകും ഇന്ത്യയിലെ ഹാർലി-ഡേവിഡ്സൺ ഉത്പ്പന്ന നിരയുടെ പൂർണ വിൽപ്പന നടത്തുന്നത്. ആഗോളതലത്തിൽ ഉത്പാദിപ്പിക്കുന്ന സി.ബി.യു (കംപ്ലീറ്റ്ലി ബിൽറ്റ് യൂണിറ്റ്) മോഡലുകളും ഹീറോ മോട്ടോകോർപ്പ് നിർമ്മിച്ച ഹാർലി-ഡേവിഡ്സൺ എക്‌സ്440, എക്‌സ്440 വകഭേദങ്ങളും ഇതിൽ ഉൾപ്പെടുന്നു. ഉപഭോക്താക്കൾക്ക് മുഴുവൻ ഹാർലി-ഡേവിഡ്സൺ ശ്രേണിയും ഒരു മേൽക്കൂരയ്ക്ക് കീഴിൽ ലഭ്യമാകും.ഡീലർഷിപ്പ് ഉദ്ഘാടനത്തിന്റെ ഭാഗമായി ഹാർലി-ഡേവിഡ്സണും ഹീറോ മോട്ടോകോർപ്പും സംയുക്തമായി നടത്തുന്ന ഉദ്ഘാടന റൈഡ് കൊച്ചിയിൽ മാര്‍ച്ച് 31-ന് നടക്കും. പുതിയ ഡീലർഷിപ്പുകൾ ആരംഭിക്കുന്നതിലൂടെ ലോകത്തിലെ ഏറ്റവും വലിയ ഫാക്ടറി സ്പോൺസർ ചെയ്ത മോട്ടോർസൈക്കിൾ ക്ലബ്ബായ ഹാർലി ഓണേഴ്സ് ഗ്രൂപ്പിന്റെ എണ്ണം ഇന്ത്യയിൽ 33 ആകും.