സ്‌ത്രീകൾ കാരണം മാനഹാനി, അപവാദങ്ങൾ കേൾക്കേണ്ടിവരും; ഈ നക്ഷത്രക്കാർക്ക് ശത്രുക്കൾ വർദ്ധിക്കാനും സാദ്ധ്യത

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2026 മാർച്ച് 18 - 1199 മീനം 4 ബുധനാഴ്ച .( 56 നാഴിക 58 വിനാഴിക വരെ പൂരുരുട്ടാതി നക്ഷത്രം ശേഷം ഉത്തൃട്ടാതി നക്ഷത്രം) [ ചതുർദശി തിഥി 4 നാഴിക 39 വിനാഴിക വരെ ] ( രാഹുകാലം 12 മണി മുതൽ 1.30 മണി വരെ )

അശ്വതി: തൊഴിൽ രംഗത്ത് വളരെയധികം ശ്രദ്ധിക്കണം. സാമ്പത്തിക ഇടപാടുകൾ സൂക്ഷിച്ച് കൈകാര്യം ചെയ്യുക, ധനനഷ്ടം, യാത്രയില്‍ അസ്വസ്ഥതകള്‍, ഭീരുത്വവും ക്ഷമക്കുറവും, ബന്ധുക്കള്‍ ശത്രുതാ മനോഭാവത്തോടെ പെരുമാറും, അന്യസ്ത്രീകള്‍ കാരണം മാനഹാനി.

ഭരണി: രാഷ്ട്രീയ പ്രവര്‍ത്തകര്‍ അപവാദാരോപണങ്ങള്‍ക്ക് വിധേയരാകും. ഗൃഹത്തിൽ അറ്റകുറ്റപ്പണികള്‍ക്കായി പണം ചെലവഴിക്കേണ്ടി വരും, വ്യവഹാരങ്ങളില്‍ പ്രയാസങ്ങള്‍ ഉണ്ടാകും, ഉദ്യോഗത്തില്‍ തിരിച്ചടികള്‍, ദുര്‍വാശി ഒഴിവാക്കുക, ആരോഗ്യപരമായി നല്ല കരുതല്‍ അവശ്യം.

കാര്‍ത്തിക: സാമ്പത്തിക ഇടപാടുകള്‍ നടത്തുമ്പോള്‍ സൂക്ഷിക്കുക. കാര്‍ഷിക രംഗത്ത് ധനനഷ്ടത്തിന് സാദ്ധ്യത. ദാമ്പത്യ സുഖക്കുറവ് അനുഭവത്തില്‍ വരും, മറ്റുള്ളവരുടെ കുറ്റങ്ങളും കുറവുകളും അന്വേഷിച്ചു നടക്കുന്നതിനാല്‍ ശത്രുക്കള്‍ വര്‍ദ്ധിക്കും, ശത്രുക്കള്‍ കൂടുതല്‍ ശക്തരാകും.

രോഹിണി: ലാഭകരമായി നടന്നു കൊണ്ടിരുന്ന സംരംഭങ്ങള്‍ക്ക് താത്ക്കാലികമായി മന്ദത അനുഭവപ്പെടും. സ്വതന്ത്രരായി ജീവിക്കാനും പ്രവര്‍ത്തിക്കാനും താല്‍പ്പര്യം കാണിക്കും, വിദേശവാസം ഗുണകരമായിരിക്കും, ഇഷ്ട ഭക്ഷണലബ്ദി, ശത്രുക്കളെ പരാജയപ്പെടുത്തും.

മകയിരം: പൊതുപ്രവർത്തകർക്ക് പുതിയ സ്ഥാനമാനങ്ങൾ ലഭിച്ചേക്കാം. ചിലർ പുതിയ പദ്ധതികൾ ആരംഭിച്ചേക്കും. ധനസമ്പാദനത്തിന് മികവ് കാണിക്കും, സുന്ദരികളായ സ്ത്രീകളുമായി സൗഹൃദം സ്ഥാപിക്കും, കലാപരമായ കാര്യങ്ങിളില്‍ അതിയായ താല്‍പ്പര്യം, ആകര്‍ഷകമായി സംസാരിക്കും.

തിരുവാതിര: കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്തിയും അംഗീകാരവും ലഭിക്കും. ധന സമ്പാദനം ഒരു മുഖ്യവിഷയം ആയി പരിഗണിക്കുകയും അതിന് എന്ത് മാര്‍ഗവും അവലംബിക്കുകയും ചെയ്യും, നഷ്ടപെട്ടന്ന് കരുതിയ ബന്ധങ്ങൾ തിരികെ ലഭിക്കും.

പുണര്‍തം: സര്‍ക്കാര്‍ ഉദ്യോഗസ്ഥര്‍ക്ക് പ്രമോഷനുള്ള ഉത്തരവ് ലഭിക്കും. കുടുംബത്തിൽ സമാധാനവും ഐശ്വര്യവും ഉണ്ടാകും. മതപരമായ ചടങ്ങുകളില്‍ പങ്കെടുക്കും, വരവ് അധികരിക്കും, ക്രയവിക്രയങ്ങളില്‍ നേട്ടം, യാത്രകൾ കൊണ്ട് ഗുണം കിട്ടും.

പൂയം: നറുക്കെടുപ്പ് മത്സരങ്ങളിൽ വിജയിക്കാൻ സാദ്ധ്യതയുണ്ട്. ജോലിയില്‍ അനുകൂലമായ മാറ്റം പ്രതീക്ഷിക്കാം, വീടുപണി ആരംഭിക്കുകയോ അറ്റകുറ്റപണികള്‍ നടത്തുകയോ ചെയ്യും, സുഖകരമായ കുടുംബജീവിതം, സാമ്പത്തികമായി ഉന്നതി.

ആയില്യം: ദാമ്പത്യജീവിതം സന്തോഷപ്രദമായിരിക്കും. ജോലി സംബന്ധമായി യാത്രകൾ വേണ്ടിവരും. മുമ്പുണ്ടായിരുന്നതിനേക്കാള്‍ സമാധാനവും സന്തോഷവും അനുഭവപ്പെടും, നിര്‍മ്മാണ പദ്ധതികള്‍ക്ക് തുടക്കം കുറിക്കും, സ്ത്രീകള്‍ക്ക് സമ്മാനാദിലാഭം, വ്യാപാരികള്‍ക്ക് നല്ലസമയം.

മകം: ദാമ്പത്യകലഹം ഉണ്ടാകാതെ ശ്രദ്ധിക്കുക. ആരോഗ്യപരമായി ദോഷകാലമാണ്. ശത്രു ഭീതിയും പരാജയവും, അപമാനം, യാത്രകൊണ്ട് പ്രതീക്ഷിച്ച ഗുണം കിട്ടില്ല, തൊഴിൽ പരമായി വളരെ അധികം ശ്രദ്ധിക്കുക. പലരില്‍നിന്നും തിക്താനുഭവങ്ങള്‍ ഉണ്ടാകുമെങ്കിലും താല്‍ക്കാലികമായി രക്ഷപ്പെടും.

പൂരം: തൊഴിലുമായി ബന്ധപ്പെട്ട് അപകീര്‍ത്തിക്ക് സാദ്ധ്യത ഉള്ളതിനാൽ വളരെയധികം ശ്രദ്ധിക്കുക. ധനചെലവ്, ദൂരയാത്രാ ക്ലേശം, ഉന്നതരില്‍ നിന്നും വിഷമകരമായ സംസാരവും, പ്രവര്‍ത്തികളും നേരിടും, പൊതു പ്രവര്‍ത്തകര്‍ക്ക് മാനഹാനിയും പണച്ചെലവും, പണം കടം വാങ്ങിക്കേണ്ടി വരും.

ഉത്രം: അദ്ധ്വാനഭാരം വര്‍ദ്ധിക്കും. കര്‍മ്മരംഗത്ത് പുതിയ ഉത്തരവാദിത്വങ്ങള്‍ ഏറ്റെടുക്കേണ്ടി വരും. ഇല്ലാത്ത പ്രൗഡിയും പെരുമയും പുറമേ കാണിക്കും, പൊതുവേ അലസരും മടിയരും ആയിരിക്കും, യാത്രാവേളയില്‍ പണമോ വിലപ്പെട്ട രേഖകളോ നഷ്ടപെടാതെ നോക്കണം.

അത്തം: പുതിയ സംരംഭം തുടങ്ങാന്‍ അനുകൂലമായ സമയമല്ല. വിവാഹത്തിന് കാലതാമസം നേരിടും. മറ്റുള്ളവരില്‍ നിന്നും ക്ലേശകരമായ അനുഭവങ്ങള്‍ വരാം, അധിക ചെലവുകള്‍ മുഖേന കടം വാങ്ങേണ്ടസ്ഥിതി ഉണ്ടാകും. മാതാവിന് ശാരീരിക അസുഖം അനുഭവപ്പെടും, ദാമ്പത്യ സുഖക്കുറവ്.

ചിത്തിര: ഏറെക്കാലമായി അകന്നുകഴിയുന്ന ബന്ധുമിത്രാദികളെ കണ്ടുമുട്ടാന്‍ അവസരം ലഭിക്കും. സന്താനങ്ങള്‍ക്ക് അംഗീകാരവും പ്രശസ്തിയും ലഭിക്കും.സത്യധര്‍മ്മാദികളില്‍ നിന്നും വ്യതിചലിക്കില്ല, ശത്രുക്കളെ ജയിക്കും, നിര്‍ബന്ധബുദ്ധി കാണിക്കും, ദാമ്പത്യത്തില്‍ സംതൃപ്തിയും സമാധാനവും ഉണ്ടാകും, ആരോഗ്യം സംരക്ഷിക്കണം.

ചോതി: ദമ്പതികള്‍ തമ്മിൽ സൗന്ദര്യപ്പിണക്കം ഉണ്ടാകും. സന്താനങ്ങള്‍ മുഖേന മനഃക്ലേശം അനുഭവപ്പെടും. അത്യാവിശ്യ സമയത്ത് പണത്തിന് ബുദ്ധിമുട്ടുണ്ടാകും, കുടുംബപരമായി കൂടുതൽ ഉത്തരവാദിത്തങ്ങള്‍ ഏറ്റെടുക്കേണ്ടതായി വരും. ഈശ്വരാധീനം കുറഞ്ഞ ദിവസം ആയിരിക്കും സൂക്ഷിക്കുക.

വിശാഖം: സാമ്പത്തിക പ്രതിസന്ധി തരണം ചെയ്യാന്‍ സാധിക്കും. പിതൃഗുണവും ഭാഗ്യപുഷ്ടിയും ഉണ്ടാകും. മാതൃഗുണം ലഭിക്കും, കുടുംബത്തിൽ സ്ത്രീകള്‍ വളരെ സ്നേഹത്തോടെയും അനുസരണയോടെയും വര്‍ത്തിക്കും, തൊഴിലില്‍ ഉന്നതി, ബുദ്ധിപരമായി കാര്യങ്ങള്‍ കൈകാര്യം ചെയ്യും, വിജയം വരെ പരിശ്രമിക്കും.

അനിഴം: സര്‍ക്കാരിൽ നിന്ന് ലഭിക്കാനുള്ള ആനുകൂല്യങ്ങള്‍ ലഭിക്കും. ഗൃഹാന്തരീക്ഷം ശോഭനമായിരിക്കും. ഒരു മടിയും കൂടാതെ ആത്മാര്‍ദ്ധമായി പെരുമാറും, മാതാവിന്റെ പക്കല്‍ നിന്നും സഹായങ്ങള്‍ ലഭിക്കും, സന്താനഭാഗ്യം സിദ്ധിക്കും, സുഖാനുഭവങ്ങള്‍. ഗൃഹത്തിൽ ബന്ധുസമാഗമം പ്രതീക്ഷിക്കാം.

കേട്ട: സന്താനങ്ങള്‍ മുഖേന സന്തോഷം വര്‍ദ്ധിക്കും. ആര്‍ഭാട വസ്തുക്കള്‍ക്കായി പണം ചെലവിക്കും. അകന്നു നിന്ന കല്യാണാലോചനകള്‍ വീണ്ടും സജീവമാകും, മനസിലിരുപ്പ് മറ്റുള്ളവര്‍ അറിയാതെ പ്രവര്‍ത്തിക്കാനുള്ള കഴിവുണ്ടാകും, ധനപരമായ നേട്ടം. സഹോദരങ്ങളുമായി തീരുമാനിച്ച് പുതിയ പദ്ധതികള്‍ ആവിഷ്‌ക്കരിക്കും.

മൂലം: സാമൂഹിക സാഹിത്യരംഗത്തുള്ളവര്‍ക്ക് അംഗീകാരവും പ്രശസ്തിയും ലഭിക്കും. ദമ്പതികള്‍ തമ്മിൽ ഐക്യതയോടെ കഴിയും. അകലെ നിന്നും സഹായ സഹകരണങ്ങള്‍ ലഭിക്കും, ഭൂമിയിടപാടുകളില്‍ ലാഭം, കുടുംബത്തില്‍ ഐശ്വര്യം, യാത്രകളില്‍ നിന്നും ഗുണാനുഭങ്ങള്‍.

പൂരാടം: ഉല്ലാസയാത്രകളിൽ പങ്കെടുക്കും. ഈശ്വാരാധീനം ഉള്ളതിനാൽ ആപത്തുകളിൽ നിന്ന് രക്ഷപ്പെടും. പ്രശ്നങ്ങളെ ധീരതയോടെ നേരിട്ട് വിജയം വരിക്കും, ആത്മവിശ്വാസം വളരും, നല്ല സമയം, കര്‍മ്മ മേഖലയില്‍ നില നിന്നിരുന്ന അനിശ്ചതത്വം മാറിപ്പോകും.

ഉത്രാടം: ഭൂമി സംബന്ധമായ ക്രയവിക്രയങ്ങള്‍ക്ക് ശ്രമിക്കുന്നവര്‍ക്ക് അനുകൂല സമയം. സാമ്പത്തികമായി നിലനിന്നിരുന്ന പ്രതിസന്ധി തരണം ചെയ്യാന്‍ സാധിക്കും. ഉന്നത ഉദ്യോഗസ്ഥരില്‍ നിന്നും ആത്മാര്‍ഥമായ സഹകരണം. കുടുംബസുഖം, ബിസിനസില്‍ നേട്ടം, അനുകൂലമായ വിവാഹ ബന്ധം കിട്ടും.

തിരുവോണം: തടസപ്പെട്ട് കിടന്നിരുന്ന പല കാര്യങ്ങള്‍ക്കും നീക്കുപോക്ക് ഉണ്ടാകും. ഈശ്വരാധീനം ഉള്ളതിനാൽ എല്ലാ ആപത്തുകളിലും നിന്നും രക്ഷപ്പെടും. ധനാഗമനത്തിന് അനുകൂലമായ സാഹചര്യങ്ങള്‍, ജനപ്രീതിയും അംഗീകാരവും, മറ്റുള്ളവരെ സഹായിക്കാന്‍ താല്‍പര്യം കാണിക്കും, സ്ത്രീകള്‍ മുഖേനെ സന്തോഷം കിട്ടും.

അവിട്ടം: ദാമ്പത്യസുഖവും മനഃസന്തോഷവും അനുഭവപ്പെടും. വിശേഷവസ്ത്രാഭരണാദികള്‍ സമ്മാനമായി ലഭിക്കും. എല്ലാ രംഗങ്ങളില്‍ നിന്നും സാമ്പത്തിക നേട്ടം പ്രതീക്ഷിക്കാം, ജീവിതത്തില്‍ പലവിധത്തിലും ഉള്ള പുരോഗതി, മാതാവിന് രോഗശാന്തി, സമ്മാനങ്ങള്‍ കിട്ടും.

ചതയം: രാഷ്ട്രീയരംഗത്ത് പ്രവര്‍ത്തിക്കുന്നവര്‍ക്ക് സ്ഥാനമാനങ്ങള്‍ ലഭിക്കും. പല വിധ വിഷമഘട്ടങ്ങളിൽ നിന്നും മോചനം ലഭിക്കും. അകന്നു കഴിഞ്ഞവര്‍ അടുത്ത് വരും, സ്വന്തം പ്രവര്‍ത്തികള്‍ വിജയത്തിലെത്തും, കച്ചവടത്തിൽ നിന്നും മികച്ച ലാഭം നേടും, കുടുംബത്തില്‍ ഐശ്വര്യവും സമാധാനവും.

പൂരുരുട്ടാതി: കച്ചവടത്തിലെ പടമിടപാടുകൾ വളരെ സൂക്ഷിച്ച് കൈകാര്യം ചെയ്യുക. ദമ്പതികള്‍ തമ്മിൽ അഭിപ്രായവ്യത്യാസത്തിന് സാദ്ധ്യത. മുന്‍കോപം നിയന്ത്രിക്കണം.സ്ത്രീകള്‍ മുഖേനെ ചതിയും അപമാനവും, കുടുംബത്തിൽ ഉള്ളവരുമായി രമ്യതയില്‍ തുടരണം, പൊതുരംഗത്ത്‌ പ്രവര്‍ത്തിക്കുന്നവര്‍ക്ക് നേരിയ തോതില്‍ മനപ്രയാസം ഉണ്ടാകാം.

ഉത്തൃട്ടാതി: ഊഹക്കച്ചവടത്തിൽ ഏര്‍പ്പെടാതിരിക്കണം. ദേഷ്യം കാരണം വേണ്ടപ്പെട്ടവര്‍ പോലും ശത്രുക്കളാകും. വിവാഹ കാര്യങ്ങളിൽ അനുകൂല തീരുമാനമെടുക്കാന്‍ തടസം നേരിടും. രഹസ്യങ്ങള്‍ മറ്റുള്ളവരുമായി പങ്കിടരുത്, എല്ലാകാര്യത്തിലും ആത്മനിയന്ത്രണം പാലിക്കണം, സുഹൃത്തുക്കളുമായി അകലാതിരിക്കാന്‍ പ്രത്യേകം ശ്രദ്ധിക്കണം.

രേവതി: സാമ്പത്തിക നേട്ടം ഉണ്ടാകുമെങ്കിലും അധിക ചിലവുകള്‍ വര്‍ദ്ധിക്കും. അനാവശ്യമായ സംസാരം കഴിവതും ഒഴിവാക്കണം. നല്ലക്ഷമയോടെ കാര്യങ്ങള്‍ നോക്കിക്കാണണം, കുടുബസമാധാനം നഷ്ടപ്പെടും, അനാവിശ്യ ചെലവുകള്‍ വരും, തൊഴില്‍ സ്ഥാപനത്തില്‍ കുഴപ്പങ്ങള്‍, അമിതമായ ആത്മവിശ്വാസം കുഴപ്പത്തില്‍ ചാടിക്കും.