വിഷു സമ്മാനം; മാർച്ച് - ഏപ്രിൽ മാസത്തെ ക്ഷേമ പെൻഷൻ വിതരണം 25 മുതൽ

തിരുവനന്തപുരം: മാർച്ച് - ഏപ്രിൽ മാസങ്ങളിലെ ക്ഷേമ പെൻഷൻ അടുത്ത ദിവസങ്ങളിൽ ലഭിക്കും,​ വിഷു പ്രമാണിച്ചാണ് നടപടി. ഈ മാസത്തെ പെൻഷൻ 25 മുതൽ വിതരണം ചെയ്തുതുടങ്ങും.

ഏപ്രിൽ മാസത്തെ പെൻഷൻ വിതരണം ഈ മാസം 31 മുതൽ ആരംഭിക്കുമെന്നാണ് അധികൃതർ അറിയിക്കുന്നത്. ഇതിനാവശ്യമായ പണം അനുവദിച്ച് സർക്കാർ നേരത്തെ ഉത്തരവിറക്കിയിരുന്നു. നിലവിൽ 2000 രൂപയാണ് പ്രതിമാസ പെൻഷൻ നൽകുന്നത്.