ഈ നാളുകാരുടെ ആഗ്രഹങ്ങൾ നാളെ സഫലമാകും; ഇക്കൂട്ടർക്ക് സന്തോഷം നിറഞ്ഞ സമയം

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2026 മാർച്ച് 23 - 1199 മീനം 9 തിങ്കളാഴ്ച . ( 35 നാഴിക 38 വിനാഴിക വരെ കാർത്തിക നക്ഷത്രം ശേഷം രോഹിണി നക്ഷത്രം)

[ പഞ്ചമി തിഥി 30 നാഴിക 19 വിനാഴിക വരെ ] ( രാഹുകാലം 7.30 മണി മുതൽ 9 മണി വരെ )

അശ്വതി: കാര്യജയം, ആരോഗ്യം, സ്ഥാനനേട്ടം. കിട്ടാനുള്ള പണം കുറച്ചൊക്കെ തിരിച്ചുകിട്ടും. അഭിമാനകരമായ സംഗതികള്‍ സംഭവിക്കും. ബിസിനസിൽ വിജയം നേടുകയും അതിനാൽ സാമ്പത്തിക സ്ഥിതി ശക്തിപ്പെടുത്തുകയും ചെയ്യും.

ഭരണി: കാര്യങ്ങളിൽ വിജയം, ജോലിയിൽ ഉയർന്ന സ്ഥാനനേട്ടം. ബന്ധുക്കളില്‍ നിന്നും സഹായം കിട്ടും, വിവാഹാദി മംഗളകര്‍മ്മങ്ങളില്‍ പങ്കെടുക്കും, വിദേശത്ത് നിന്നും സഹായം. കുടുംബജീവിതം യോജിപ്പിലായിരിക്കും.

കാര്‍ത്തിക: പുതിയ ബന്ധങ്ങള്‍ ഉടലെടുക്കും, കാര്യസിദ്ധി, ഇഷ്ടലാഭം, ശരീരസുഖം, വിജയം, സന്താനങ്ങളാൽ ഗുണം, പൊതുവെ ഐക്യത, വിദേശയാത്രയ്ക്ക് അനുകുല സമയം.

രോഹിണി: സ്ഥാനനേട്ടം. ജോലി രംഗത്ത് പുതിയ ഉത്തരവാദിത്വങ്ങൾ ഏറ്റെടുക്കേണ്ടിവരും. ശത്രുക്കളുടെ പദ്ധതികള്‍ മുന്‍കൂട്ടി അറിഞ്ഞു പ്രവർത്തിക്കും, ദൂരയാത്രകള്‍ ഫലപ്രദമാകും, സന്തോഷം നിറഞ്ഞ സമയം.

മകയിരം: വിദേശത്തും മറ്റും ജോലി ചെയ്യുന്നവര്‍ക്ക് അപൂര്‍വ്വ നേട്ടങ്ങള്‍ ഉണ്ടാകും. നൂതന സംരംഭങ്ങള്‍ തുടങ്ങുന്നതിനു സാധിക്കും. ധനപരമായ പുരോഗതി ഉണ്ടാകും. വിശേഷമായ ആഹാരം ലഭിക്കും, സര്‍ക്കാര്‍ ഉദ്യോഗസ്ഥര്‍ക്ക് സ്ഥാനക്കയറ്റം.

തിരുവാതിര: തൊഴിൽ രംഗത്ത് നേട്ടങ്ങള്‍ കൈവരിക്കും. പുതിയ ജോലിക്കു ശ്രമിച്ചാൽ നടക്കും. സാമ്പത്തികമായി നേട്ടങ്ങള്‍ കൈവരിക്കും. മനസിനു സന്തോഷമുണ്ടാകും. ഉദ്യോഗസ്ഥര്‍ക്ക് പലവിധ നേട്ടങ്ങൾ ഉണ്ടാകുന്നതാണ്, അനുകൂലമായ വിവാഹ ബന്ധം കിട്ടും.

പുണര്‍തം: നൂതന സംരംഭങ്ങള്‍ക്ക് തുടക്കം കുറിക്കുന്നതിനു സാധിക്കും. വിദ്യാര്‍ത്ഥികള്‍ക്ക് കൂടുതൽ പുരോഗതിയുണ്ടാകും. കലാ മത്സരങ്ങളില്‍ വിജയവും അംഗീകാരവും, ആരോഗ്യ നില തൃപ്തികരം, ധനനേട്ടം.

പൂയം: ഏതു കാര്യത്തിലും ഒരു ഗുണാത്മകമായ പരിവര്‍ത്തനം ഉണ്ടാകും. നൂതന സംരംഭങ്ങള്‍ക്ക് തുടക്കം കുറിക്കും. പ്രശംസയും അംഗീകാരവും, ശാരീരികമായി വളരെയധികം നല്ല അനുഭവങ്ങള്‍. കുടുംബസമാധാനം, ആത്മവിശ്വാസം കൂടുതലാകും.

ആയില്യം: വിദ്യാര്‍ത്ഥികള്‍ക്ക് അനുകൂലമായ മാറ്റങ്ങള്‍ പലതുമുണ്ടാകുന്നതിന് സാദ്ധ്യത, സാമ്പത്തിക നേട്ടങ്ങള്‍ കൈവരിക്കും. അന്യരെ സഹായിക്കാന്‍ ഉള്ള മനസുണ്ടാകും, സന്താനങ്ങളുടെ കാര്യത്തില്‍ കൂടുതല്‍ ശ്രദ്ധ പ്രകടിപ്പിക്കും.

മകം: കുടുംബത്തിൽ സന്തോഷം കൈവരും. വിവാഹാലോചനകളിൽ ഉടനെ തന്നെ തീരുമാനമുണ്ടാകും. ദൈവീക ചിന്ത, സ്ത്രീകള്‍ക്ക് നല്ലസമയം, വിദേശയാത്രകള്‍ ഗുണകരമാകും. ഉദ്യോഗസ്ഥർക്ക് ജോലിയിൽ അനുകൂലമായ മാറ്റം.

പൂരം: വിദ്യാര്‍ത്ഥികള്‍ക്ക് പഠന പുരോഗതിയിൽ മന്ദത വരും. ഉദ്യോഗസ്ഥര്‍ക്കും പലവിധ ബുദ്ധിമുട്ടുകള്‍, മാതാപിതാക്കളുമായി അഭിപ്രായ വ്യത്യാസങ്ങള്‍, ജയത്തിനായി വളരെയേറെ ശ്രമം ആവശ്യമായി വരും, അധിക ചെലവും ബുദ്ധിമുട്ടും.

ഉത്രം: വിദേശരാജ്യങ്ങളിൽ പ്രവൃത്തി ചെയ്യുന്നവര്‍ വളരെ ശ്രദ്ധ പാലിക്കുക. സ്ഥാനമാറ്റം, തോഴിൽ നഷ്ടം ഇവയൊക്കെ ഉണ്ടാകുന്നതിന് സാദ്ധ്യത കാണുന്നു. അനാവശ്യമായി പണം ചെലവാകും, കടങ്ങള്‍ പ്രശ്നങ്ങള്‍ക്ക് കാരണമാകും.

അത്തം: തൊഴിലിൽ വേണ്ടത്ര പുരോഗതിയുണ്ടാകില്ല. ധനപരമായ നഷ്ടങ്ങള്‍ വരാം. പുതിയ ജോലി ലഭിക്കുന്നതിന് തടസങ്ങളുണ്ടാകും. എല്ലാരംഗത്തും പരാജയം, ഏറ്റെടുത്ത പദ്ധതികള്‍ പൂര്‍ത്തിയാക്കാന്‍ പ്രയാസപ്പെടും.

ചിത്തിര: ഉദ്ദേശിക്കുന്നതുപോലെ കാര്യങ്ങളെല്ലാം നടക്കണമെന്നില്ല. എല്ലാവരും ശത്രുതയോടെ പെരുമാറും, ഏതു കാര്യത്തിലും വളരെ സൂക്ഷ്മത പാലിക്കുക. ധനപരമായ ഇടപാടുകള്‍ ശ്രദ്ധയോടെ ചെയ്യുക. കുടുംബത്തില്‍ സ്വസ്ഥത കുറവ്, പലവിധത്തിലുള്ള വിവാദങ്ങള്‍.

ചോതി: ധന നഷ്ടങ്ങള്‍ ഇച്ഛാഭംഗം, മനഃക്ലേശം ഇതിനൊക്കെ സാദ്ധ്യത കാണുന്നു. ആരോഗ്യകാര്യങ്ങളില്‍ അതീവ ശ്രദ്ധ വേണ്ടുന്ന സമയം, വിശ്വാസ വഞ്ചന നേരിടും. യാത്രാ ക്ലേശം, അലച്ചിൽ ഇവ വര്‍ദ്ധിക്കും.

വിശാഖം: തടസങ്ങള്‍, ബുദ്ധിമുട്ടുകള്‍ ഇവ ഉണ്ടായേക്കാം. കര്‍മ്മരംഗത്ത് പലവിധ പ്രതികൂലാവസ്ഥകള്‍ നേരിടാം, പരിശ്രമങ്ങള്‍ക്ക് അനുകുലമായ ഫലം കിട്ടില്ല, ആലോചനയില്ലാതെ പ്രവര്‍ത്തിക്കുന്നതിനാല്‍ അപമാനം.

അനിഴം: ഉദ്യോഗസ്ഥര്‍ക്ക് അനുകൂലമായ അന്തരീക്ഷം നിലനിൽക്കും, പ്രയത്‌നം സഫലമാകും. ദുർവ്വാശിയും ദുരഭിമാനവും കാരണം കുടുബസമാധാനം നഷ്ടപ്പെടുത്തും, പലവിധത്തിലുള്ള ധൂർത്ത്.

കേട്ട: പലവിധ ഗുണാനുഭവങ്ങൾ വന്നുഭവിക്കും. സമൂഹത്തിലെ ഉന്നത സ്ഥാനീയരുടെ ആശിർവാദങ്ങൾ ലഭിക്കും, എല്ലാരംഗത്തും അഭിവൃദ്ധി, സ്വയംതൊഴിൽ ചെയ്യുന്നവര്‍ക്ക് നേട്ടങ്ങള്‍ വന്നു ചേരും.

മൂലം: വിവാഹാലോചനകളിൽ തീരുമാനമുണ്ടാകും. ധനാഗമനത്തിനു അനുകൂലമായ സാഹചര്യം. ഉദ്യോഗത്തിൽ നിന്നും കൂടിയ വരുമാനം ലഭിക്കും, സ്വന്തം പ്രവൃത്തികൾ വിജയത്തിലെത്തും.

പൂരാടം: കുടുംബത്തിൽ സന്തോഷം വർദ്ധിക്കും, കരിയറിൽ മികച്ച ഫലങ്ങൾ ലഭിക്കും. രോഗശാന്തി, ഇഷ്ട ഭക്ഷണ ലഭ്യത, സംസ്‌കാര സമ്പന്നമായി പെരുമാറും, വിദ്യാർത്ഥികൾക്ക് അനുകൂലമായ സമയമാണ്.

ഉത്രാടം: ഉറച്ച തീരുമാനങ്ങൾ എടുക്കുന്നതിനാൽ ആത്മവിശ്വാസം വർധിക്കും, ദാമ്പത്യ ജീവിതം സമാധാന പൂർണ്ണമാകും. പൊതുജനങ്ങളുമായി നല്ല ബന്ധംസ്ഥാപിച്ചെടുക്കും, വിദേശവാസം ഗുണം ചെയ്യും.

തിരുവോണം: യാത്ര കൊണ്ട് പ്രയോജനങ്ങൾ ലഭിക്കും. ധനസമ്പാദനത്തിന് മികവ് കാണിക്കും, കലാപരമായ പ്രവർത്തനങ്ങളിൽ അതിയായ താൽപ്പര്യം, ആഗ്രഹ സാഫല്യം, വിനോദ യാത്രകൾ നടത്തും.

അവിട്ടം: ചിലരുമായി വിരോധം, ശത്രുശല്യം, ധനനാശ, പണത്തിന് ബുദ്ധിമുട്ടുണ്ടാകും. തൊഴിലിൽ ഉന്നതി, വിദ്യാതടസം, ദാമ്പത്യ സുഖക്കുറവ്, മറ്റുള്ളവരും ആയിട്ടുള്ള ഇടപെടലുകളിൽ കൂടുതൽ കരുതൽ വേണം.

ചതയം: ഗൃഹനിര്‍മ്മാണം നടത്തുന്നവര്‍ അതിവ്യയമുണ്ടാകാതെ സൂക്ഷിക്കുക. ചോദ്യം ചെയ്യപ്പെടുന്ന അവസ്ഥകള്‍ ഉണ്ടാകും. ദാമ്പത്യ സുഖക്കുറവ്, വലിയ പ്രതീക്ഷവച്ചു ചെയ്ത പലതും നഷ്ടത്തിൽ കലാശിക്കും.

പൂരുരുട്ടാതി: തൊഴിലിനു ശ്രമിക്കുന്നത് ഫലപ്രദമാവാന്‍ കാലതാമസമെടുക്കും. വിവാദങ്ങളില്‍പ്പെടാതെ സൂക്ഷിക്കണം, അപമാനം, ആരോഗ്യപരമായി അസ്വസ്ഥതകൾ. കൂട്ടുകാരുടെ നിർബന്ധങ്ങൾക്ക് വഴങ്ങി അബദ്ധത്തിൽചെന്ന് ചാടരുത്.

ഉത്തൃട്ടാതി: ഉത്സാഹക്കുറവ് ഉണ്ടാകും. വിശ്വസ്തര്‍ അവശ്യസമയത്ത് സഹായിക്കില്ല. തെറ്റിദ്ധാരണകള്‍ വന്നുഭവിക്കും. വിഷയാസക്തി കാരണം ധനനഷ്ടം. സന്മാർഗ്ഗത്തിൽ നിന്നും വ്യതിചലിക്കാൻ പ്രേരണ.

രേവതി: വിവാഹിതർ പങ്കാളിയുമായി തർക്കം ഒഴിവാക്കണം. അനാവശ്യ കാര്യങ്ങള്‍ക്കായി പണം ചെലവാകും, വിലപിടിച്ച വസ്തുക്കളും രേഖകളും നഷ്ടപ്പെടും. സഹപ്രവർത്തകരുടെ പിന്തുണ ഇല്ലാത്തതിനാൽ ജോലിസ്ഥലത്ത് പ്രശ്നങ്ങൾ.