SignIn
Kerala Kaumudi Online
Sunday, 07 June 2020 8.48 AM IST

പൂജപ്പുരയിൽ നിന്നും സെന്റ് പീറ്റേഴ്‌സ്ബർഗ് വരെ

perumbadvam

ദസ്‌​ത​യേ​വ്സ്‌​കി​ ​എ​ന്ന​ ​റ​ഷ്യ​ൻ​ ​ഇ​തി​ഹാ​സ​കാ​ര​ൻ​ ​കേ​ര​ളം​ ​ക​ണ്ടി​ട്ടി​ല്ല.​ ​തി​രു​വ​ന​ന്ത​പു​ര​ത്തെ​ ​പൂ​ജ​പ്പു​ര​യി​ലും​ ​വ​ന്നി​ട്ടി​ല്ല.​ ​പ​ക്ഷേ​ ​പൂ​ജ​പ്പു​ര​യ്‌​ക്ക് ​സ​മീ​പം​ ​ത​മ​ല​ത്തെ​ ​വീ​ട്ടി​ലി​രു​ന്ന് ​പെ​രു​മ്പ​ട​വം​ ​ശ്രീ​ധ​ര​നോ​ട് ​സം​സാ​രി​ച്ചാ​ൽ​ ​ആ​ ​ധാ​ര​ണ​ ​തി​രു​ത്തേ​ണ്ടി​വ​രും. ദ​സ്‌​ത​യേ​വ്സ്‌​കി​ ​പൂ​ജ​പ്പു​ര​ ​മ​ണ്ഡ​പ​ത്തി​ൽ​ ​വ​ന്നി​ട്ടു​ണ്ട്.​ ​പെ​രു​മ്പ​ട​വു​മാ​യി​ ​സം​സാ​രി​ച്ചി​ട്ടു​ണ്ട്.​ ​ശ്രീ​നാ​രാ​യ​ണ​ഗു​രു​വും​ ​ര​മ​ണ​മ​ഹ​‌​ർ​ഷി​യും​ ​പോ​ലെ.​ ​ഒ​രു​ ​വാ​ക്കു​പോ​ലും​ ​മി​ണ്ടാ​തെ​ ​ഹൃ​ദ​യം​ ​കൊ​ണ്ട് ​വാ​ചാ​ല​മാ​യ​ ​സം​വാ​ദം.​ ​മ​ണ്ഡ​പം​ ​ചു​റ്റി​ ​സാ​യാ​ഹ്ന​ങ്ങ​ളി​ൽ​ ​ന​ട​ന്നി​ട്ടു​ണ്ട്.​ ​പെ​രു​മ്പ​ട​വം​ ​വി​ളി​ച്ചാ​ൽ​ ​ദ​സ്‌​ത​യേ​വ്സ്‌​കി​ക്ക് ​വ​രാ​തി​രി​ക്കാ​നാ​കി​ല്ല.​ ​കാ​ര​ണം​ ​പ​തി​നാ​റു​ ​വ​യ​സ് ​മു​ത​ൽ​ ​ത​ന്നെ​ ​ഹൃ​ദ​യ​ത്തി​ൽ​ ​പ്ര​തി​ഷ്‌​ഠി​ച്ച് ​ആ​രാ​ധി​ക്കു​ന്ന​ ​എ​ഴു​ത്തു​കാ​ര​ൻ.​ ​ഭാ​വ​ന​യു​ടെ​ ​ഉ​ന്മാ​ദ​മെ​ന്നോ​ ​എ​ഴു​ത്തി​ന്റെ​ ​ഭ്രാ​ന്തെ​ന്നോ​ ​പ​റ​യാ​വു​ന്ന​ ​അ​വ​സ്ഥ​യി​ൽ​ ​താ​ൻ​ ​ജ​ന്മം​ ​ന​ൽ​കി​യ​ ​ക​ഥാ​പാ​ത്ര​ങ്ങ​ളു​ടെ​ ​ഒ​രു​ ​വ​ള​ർ​ത്ത​ച്‌​ ​ഛ​ൻ.​ ​ഹൃ​ദ​യ​ത്തെ​ത​ന്നെ​ ​സ​ങ്കീ​ർ​ത്ത​ന​മാ​ക്കി​ ​മു​ട്ടു​കു​ത്തി​ ​പ്രാ​ർ​ത്ഥി​ച്ച​ ​ആ​രാ​ധ​ക​ൻ.​ ​എ​ങ്ങ​നെ​ ​വ​രാ​തി​രി​ക്കും​ ​ദ​സ്‌​ത​യേ​വ്സ്‌​കി?


പൂ​ജ​പ്പു​ര​ ​മ​ണ്ഡ​പം​ ​വാ​ഗ്ദേ​വ​ത​യു​ടെ​ ​ഒ​രു​ ​സ​ന്നി​ധി​ ​മാ​ത്ര​മ​ല്ല.​ ​ജീ​വി​ത​ത്തി​ന്റെ​ ​ഒ​രു​ ​എ​ഴു​ത്തു​പു​ര​ ​കൂ​ടി​യാ​ണ്.​ ​തൊ​ട്ട​ടു​ത്താ​ണ് ​ '​കു​റ്റ​വം​ ​ശി​ക്ഷ​യും"​ ​പേ​റു​ന്ന​ ​ത​ട​വു​കാ​ർ​ ​പാ​ർ​ക്കു​ന്ന​ ​ജ​യി​ൽ.​ ​കു​റേ​ ​മു​ന്നോ​ട്ട് ​പോ​യാ​ൽ​ ​പാ​ങ്ങോ​ട് ​സൈ​നി​ക​ ​ക്യാ​മ്പാ​യി.​ ​ജീ​വി​ത​ത്തി​ന്റെ​ ​ര​ണ്ടു​മു​ഖ​ങ്ങ​ൾ.​ ​ദ​സ്‌​ത​യേ​വ്സ്‌​കി​യു​ടെ​ ​പ്രി​യ​പ്പെ​ട്ട​ ​ര​ണ്ടു​ ​പ​ണി​ശാ​ല​ക​ൾ.


പൂ​ജ​പ്പു​ര​ ​വ​ലം​വ​ച്ച് ​സാ​ഹി​ത്യ​ത്തി​ന്റെ​യും​ ​സി​നി​മ​യു​ടെ​യും​ ​വ​ര​പ്ര​സാ​ദ​മ​ണി​ഞ്ഞ​വ​ർ​ ​നി​ര​വ​ധി.​ ​കെ.​ ​സു​രേ​ന്ദ്ര​ൻ,​ ​കേ​ശ​വ​ദേ​വ്,​ ​പി.​ ​പ​ത്മ​രാ​ജ​ൻ,​ ​ജ​ഗ​തി​ ​എ​ൻ.​കെ.​ ​ആ​ചാ​രി,​ജി.​ ​വി​വേ​കാ​ന​ന്ദ​ൻ,​ ​എ​ൻ.​ ​മോ​ഹ​ന​ൻ,​ ​ന​ട​ന്മാ​രാ​യ​ ​മോ​ഹ​ൻ​ലാ​ൽ,​ ​ജ​ഗ​തി​ ​ശ്രീ​കു​മാ​ർ,​ ​സം​വി​ധാ​യ​ക​ൻ​ ​പ്രി​യ​ദ​ർ​ശ​ൻ. പൂ​ജ​പ്പു​ര​ ​മ​ണ്ഡ​പ​വും​ ​പെ​രു​മ്പ​ട​വ​ത്തി​ന്റെ​ ​ചി​ല​ ​കൃ​തി​ക​ളും​ ​ത​മ്മി​ൽ​ ​ഒ​രു​ ​ആ​ത്മീ​യ​ ​ബ​ന്ധ​മു​ണ്ട്.​ ​പ്ര​ത്യേ​കി​ച്ച് ​ഒ​രു​ ​സ​ങ്കീ​ർ​ത്ത​നം​ ​പോ​ലെ,​ ​നാ​രാ​യ​ണം​ ​എ​ന്നി​വ​യ്‌​ക്ക്.


തി​രു​വ​ന​ന്ത​പു​ര​ത്ത് ​വ​ന്ന​പ്പോ​ൾ​ ​പെ​രു​മ്പ​ട​വ​ത്തി​ന് ​ര​ണ്ടു​ ​ഗു​രു​ക്ക​ന്മാ​രെ​ ​കി​ട്ടി.​ ​കെ.​ ​സു​രേ​ന്ദ്ര​നും​ ​ജി.​ ​വി​വേ​കാ​ന​ന്ദ​നും.​ ​വി​വേ​കാ​ന​ന്ദ​ൻ​ ​സൗ​ഹൃ​ദ​ങ്ങ​ളു​ടെ​ ​ഗു​രു.​ ​അ​ദ്ദേ​ഹ​ത്തി​ന്റെ​ ​പ​രി​ച​യ​ക്ക​ത്തു​മാ​യി​ ​വ​ഴു​ത​യ്‌​ക്കാ​ട് ​പോ​യി.​ ​ക​ണ്ണു​ക​ളി​ലും​ ​ഹൃ​ദ​യ​ത്തി​ലും​ ​വ​ക്കി​ലും​ ​ആ​ഴ​ങ്ങ​ളൊ​ളി​പ്പി​ച്ച​ ​കെ.​ ​സു​രേ​ന്ദ്ര​നെ​ ​ക​ണ്ടു.​ ​അ​ദ്ദേ​ഹം​ ​ആ​ത്മീ​യ​ ​ഗു​രു​വാ​യി. ദ​സ്‌​ത​യേ​വ്സ്‌​കി​യെ​ക്കു​റി​ച്ച് ​കെ.​ ​സു​രേ​ന്ദ്ര​ൻ​ ​ഈ​ടു​റ്റ​ ​പു​സ്‌​ത​കം​ ​ര​ചി​ച്ചി​ട്ടു​ണ്ട്.​ ​ദ​സ്‌​ത​യേ​വ്സ്‌​കി​യു​ടെ​ ​ക​ഥ​. ​അ​തു​ ​പെ​രു​മ്പ​ട​വ​ത്തി​ന് ​മ​നഃ​പാ​ഠം.​ ​കൗ​മാ​രം​ ​മു​ത​ലേ​ ​ദ​സ്‌​ത​യേ​വ്സ്‌​കി​യോ​ടു​ ​തോ​ന്നി​യ​ ​ആ​രാ​ധ​ന​ ​അ​ദ്ദേ​ഹ​ത്തി​ന്റെ​ ​എ​ല്ലാ​ ​കൃ​തി​ക​ളും​ ​കു​റി​പ്പു​ക​ളും​ ​വാ​യി​ച്ചി​ട്ടും​ ​പെ​രു​മ്പ​ട​വ​ത്തി​ന് ​ശ​മി​ച്ചി​ല്ല.​ ​ചി​ന്ത​ക​ളും​ ​സം​ശ​യ​ങ്ങ​ളു​മാ​ക​ട്ടെ​ ​കൂ​ടി​ക്കൂ​ടി​ ​വ​ന്നു.


ദ​സ്‌​ത​യേ​വ്സ്‌​കി​യു​ടെ​ ​ക​ഥാ​പാ​ത്ര​ങ്ങ​ൾ​ ​ത​ന്നെ​ ​സ്വ​ർ​ണ​ത്ത​രി​ക​ൾ.​ ​ജീ​വി​തം​ ​ഖ​ന​നം​ ​ചെ​യ്തു​ ​കി​ട്ടി​യ​ ​ത​രി​ക​ൾ.​ ​അ​പ്പോ​ൾ​ ​അ​വ​യെ​ ​ഗ​ർ​ഭം​ ​ധ​രി​ച്ച​ ​സ്വ​ർ​ണ​ഖ​നി​യു​ടെ​ ​തി​ള​ക്കം​ ​എ​ന്താ​വും​?​ ​ശ​ക്ത​രാ​യ​ ​ക​ഥാ​പാ​ത്ര​ങ്ങ​ളെ​ ​സൃ​ഷ്‌​ടി​ച്ച​ ​ദ​സ്‌​ത​യേ​വ്സ്‌​കി​യു​ടെ​ ​ശ​ക്തി​ ​എ​ന്താ​യി​രി​ക്കും?​ ​ഒ​രു​ ​സാ​യാ​ഹ്ന​സ​വാ​രി​ക്കി​ടെ​ ​ആ​ത്മീ​യ​ ​ഗു​രു​വു​മാ​യി​ ​പെ​രു​മ്പ​ട​വം​ ​ആ​ ​സം​ശ​യം​ ​പ​ങ്കു​വ​ച്ചു​ ​കൊ​ള്ളാം.​ ​ന​ല്ല​ ​ചി​ന്ത.​ ​തു​ട​ങ്ങി​ക്കോ.​ ​കെ.​ ​സു​രേ​ന്ദ്ര​ൻ​ ​പ​ച്ച​ക്കൊ​ടി​ ​വീ​ശി.​ ​പി​ന്നെ​ ​എ​ഴു​ത്തി​ന്റെ​ ​ഒ​രു​ ​പാ​ച്ചി​ലാ​യി​രു​ന്നു.​ ​ഭാ​വ​ന​യു​ടെ​ ​ക​ൽ​ക്ക​രി​ ​വ​ണ്ടി​യി​ലും​ ​ധ്യാ​ന​ത്തി​ന്റെ​ ​കു​തി​ര​വ​ണ്ടി​യി​ലു​മാ​യി​ ​സെ​ന്റ് ​പീ​റ്റേ​ഴ്സ് ​ബ​ർ​ഗി​ലെ​ത്തി.​ ​നി​ത്യേ​ന​ ​പ​ല​വ​ട്ടം.​ ​ഓ​രോ​ ​ത​വ​ണ​യും​ ​തെ​രു​വി​ന്റെ​ ​മു​ഖം​ ​മാ​റു​ന്നു.​ ​ഭാ​വം​ ​മാ​റു​ന്നു.​ ​കാ​ഴ്‌​ച​ക​ൾ​ ​മാ​റു​ന്നു.


വി​ജ​ന​മാ​യ​ ​തെ​രു​വു​ക​ൾ.​ ​രാ​ത്രി​യു​റ​ങ്ങാ​ൻ​ ​വി​ധി​യി​ല്ലാ​ത്ത​ ​തെ​രു​വു​വി​ള​ക്കു​ക​ൾ.​ ​തെ​രു​വോ​ര​ത്തെ​ ​വൃ​ത്തി​ഹീ​ന​മാ​യ​ ​ഒ​രു​ ​ലോ​ഡ്‌​ജ് ​മു​റി.​ ​വി​ല്‌​പ​ന​ക്കാ​ര​നി​ൽ​ ​നി​ന്ന് ​ക​ടം​ ​വാ​ങ്ങി​യ​ ​ഒ​രു​ ​ഗ്ലാ​സ് ​പാ​ലും​ ​റൊ​ട്ടി​യും​. ​അ​തി​നു​ ​സ​മീ​പം​ ​ചി​ന്താ​മ​ഗ്ന​നാ​യി​ ​ദ​സ്‌​ത​യേ​വ്സ്‌​കി.​ ​​ക​ടം​ ​വാ​ങ്ങി​യ​ ​മെ​ഴു​കു​തി​രി​ ​വെ​ട്ട​ത്തി​ൽ​ ​എ​ഴു​ത്തോ​ടെ​ഴു​ത്ത്.​ ​എ​ഴു​തി​ത്തീ​ർ​ന്ന​പ്പോ​ൾ​ ​വി​യ​ർ​പ്പി​ൽ​ ​കു​ളി​ച്ച​മു​ഖ​ത്ത് ​ഒ​രു​ ​ച​ന്ദ്ര​ക്ക​ല​വെ​ട്ടം.​ ​ദ​സ്‌​ത​യേ​വ്സ്‌​കി​ക്കൊ​പ്പം​ ​കാ​ത​ങ്ങ​ൾ​ ​ന​ട​ന്നു.​ ​ചി​ല​ ​തെ​രു​വു​ക​ൾ​ ​കാ​ട്ടി​ത്ത​ന്നു.​ ​ദുഃ​ഖം​ ​മ​റ​ന്ന് ​ദാ​രി​ദ്ര്യ​ത്തെ​ ​വെ​ല്ലു​വി​ളി​ക്കു​ന്ന​ ​മ​ദാ​ല​സ​യാ​യ​ ​ചൂ​താ​ട്ട​ ​കേ​ന്ദ്ര​ങ്ങ​ൾ.​ ​സ​മ​യം​ ​കു​ഴ​ഞ്ഞു​ ​വീ​ഴു​ന്ന​ ​മ​ദ്യ​ശാ​ല​ക​ൾ.​ ​ഒ​ന്ന് ​സ്‌​പ​ർ​ശി​ക്കു​ക​പോ​ലും​ ​ചെ​യ്യാ​തെ​ ​ജീ​വി​ത​ക​ഥ​ ​കേ​ൾ​ക്കാ​ൻ​ ​മാ​ത്രം​ ​കൂ​ട്ടി​ക്കൊ​ണ്ടു​വ​ന്ന​ ​അ​ഭി​സാ​രി​ക​യ്ക്കൊ​പ്പം​ ​ചെ​ല​വി​ടു​ന്ന​ ​രാ​ത്രി​ക​ൾ.


ഏ​കാ​ന്ത​ത​യ്‌​ക്കും​ ​തി​ര​ക്കി​നു​മി​ട​യി​ൽ​ ​ഇ​ട​യ്‌​ക്കി​ടെ​ ​സെ​ന്റ് ​പീ​റ്റേ​ഴ്സ് ​ബ​ർ​ഗി​ലേ​ക്ക് ​പോ​യി​വ​രും.​ ​ഒ​രു​ ​ന​യാ​പ്പൈ​സ​യു​ടെ​ ​ചെ​ല​വി​ല്ല.​ ​ഭാ​ര്യ​ ​ലൈ​ല​ ​പോ​ലും​ ​അ​റി​യി​ല്ല​ ​മ​ന​സി​ന്റെ​ ​ആ​ ​നി​ഗൂ​ഢ​യാ​ത്ര​ക​ൾ. ഒ​രു​ ​ദി​വ​സം​ ​രാ​ത്രി​ ​ഉ​റ​ക്കം​ ​വ​രു​ന്നി​ല്ല.​ ​തി​രി​ഞ്ഞും​ ​മ​റി​ഞ്ഞും​ ​കി​ട​ന്നു.​ ​നെ​ഞ്ചി​ൽ​ ​വ​ല്ലാ​ത്ത​ഭാ​രം.​ ​ഹൃ​ദ​യ​ത്തി​ന്റെ​ ​ഇ​ട​നാ​ഴി​യി​ൽ​ ​ചി​ല​ ​കാൽപ്പെരു​മാ​റ്റ​ങ്ങ​ൾ.​ ​കു​ത്തി​ക്കെ​ടു​ത്തി​യി​ട്ടും​ ​ക​ണ്ണ​ട​യ്‌​ക്കാ​ത്ത​ ​ചി​ല​ ​പ​ന്ത​ങ്ങ​ൾ.​ ​ചൂ​തു​ക​ളി​ ​കേ​ന്ദ്ര​ത്തി​ൽ​ ​നി​ന്ന് ​തോ​റ്റ് ​തു​ന്നം​ ​പാ​ടി​ ​വ​രി​ക​യാ​ണ് ​ദ​സ്‌​ത​യേ​വ്സ്‌​കി.​ ​സ​ക​ല​യാ​ത​ന​ക​ളും​ ​വേ​ദ​ന​ക​ളും​ ​ആ​മു​ഖ​ത്തു​ണ്ട്.​ ​ദ​സ്‌​ത​യേ​വ്സ്‌​കി​യു​ടെ​ ​മു​റി​വു​ക​ളു​ണ​ങ്ങാ​ത്ത​ ​ഓ​ർ​മ്മ​യ്‌​ക്ക് ​മു​ന്നി​ൽ​ ​പെ​രു​മ്പ​ട​വം​ ​മു​ട്ടു​കു​ത്തി​ ​നി​ന്നു.​ ​'​എ​ന്നെ​ ​അ​നു​ഗ്ര​ഹി​ക്ക​ണേ" ​എ​ന്ന​ ​പ്രാ​ർ​ത്ഥ​ന​യോ​ടെ.​ ​ആ​ ​പ്രാ​ർ​ത്ഥ​ന​ ​ക​ന​ൽ​പോ​ലെ​ ​ നീ​റി​ക്കൊ​ണ്ടി​രു​ന്നു.​ ​ഇ​ട​യ്ക്കെ​പ്പോ​ഴോ​ ​ഏ​തോ​ദി​ക്കി​ൽ​ ​നി​ന്ന് ​ഒ​രു​ ​വാ​ക്യം​ ​ചി​റ​ക​ടി​ച്ചു​ ​വ​ന്നു.​ ​'​ഹൃ​ദ​യ​ത്തി​നു​മേ​ൽ​ ​ദൈ​വ​ത്തി​ന്റെ​ ​കൈ​യൊ​പ്പു​ള്ള​ ​എ​ഴു​ത്തു​കാ​ര​ൻ​ ​ദ​സ്‌​ത​യേ​വ്സ്‌​കി​"​ ​എ​ന്നെ​ഴു​തി​ക്ക​ഴി​ഞ്ഞ​പ്പോ​ൾ​ ​ശ​രീ​ര​മൊ​ന്നു​വി​റ​ച്ചു​ ​വി​യ​ർ​ത്തു.​ ​പി​ന്നെ​ ​സു​ഖ​മാ​യു​റ​ങ്ങി.​ ​രാ​ത്രി​യി​ലെ​പ്പോ​ഴോ​ ​ഭാ​ര്യ​ ​ലൈ​റ്റ​ണ​ച്ചി​രി​ക്കാം.


പൂ​ജ​പ്പു​ര​ ​മ​ണ്ഡ​പ​ത്തി​ന് ​സ​മീ​പം​ ​വ​ച്ച് ​ '​ഒ​രു​ ​സ​ങ്കീ​ർ​ത്ത​നം​ ​പോ​ലെ"യു​ടെ​ ​കൈ​യെ​ഴു​ത്തു​ ​പ്ര​തി​ ​കെ.​ ​സു​രേ​ന്ദ്ര​ന് ​കൈ​മാ​റി.​ ​ഗൗ​ര​വം​ ​ക​ല​ർ​ന്ന​ ​ഒ​രു​ ​നോ​ട്ടം​ ​പി​ന്നെ​ ​ഒ​രു​ ​പി​ശു​ക്ക​ൻ​ ​ചി​രി.​ഒ​ന്നു​ര​ണ്ടു​ ​ആ​ഴ്ച​ ​ക​ഴി​ഞ്ഞു.​ ​ഒ​ര​ന​ക്ക​വു​മി​ല്ല.​ ​നേ​രെ​ ​ഗു​രു​വി​ന്റെ​ ​വീ​ട്ടി​ലേ​ക്ക് ​വി​ട്ടു.​ ​ന​ല്ല​ ​സു​ഖ​മി​ല്ല.​ ​ജ​ല​ദോ​ഷ​മാ​ണ്.​ ​മു​ഖ​ത്ത് ​വ​ലി​യ​ ​തെ​ളി​ച്ച​മി​ല്ല.​ ​നോ​വ​ൽ​ ​ഇ​ഷ്ട​പ്പെ​ട്ടു​കാ​ണി​ല്ലാ​യി​രി​ക്കും.​ ​തോ​റ്റു​ ​തു​ന്നം​ ​പാ​ടി​യ​ ​ദ​സ്‌​ത​യേ​വ്സ്‌​കി​യു​ടെ​ ​ഹൃ​ദ​യ​ഭാ​ര​വു​മാ​യി​ ​പെ​രു​മ്പ​ട​വം​ ​മ​ട​ങ്ങി.


ഒ​രു​ദി​വ​സം​ ​ഓ​ർ​ക്കാ​പ്പു​റ​ത്ത് ​ആ​ത്മീ​യ​ ​ഗു​രു​വി​ന്റെ​ ​ഫോ​ൺ.​ ​ഞാ​ൻ​ ​വ​രാം​ ​പൂ​ജ​പ്പു​ര​യി​ൽ.​ ​ന​മു​ക്കി​ന്ന് ​ന​ട​ക്കാം.​ ​തെ​റ്റു​കു​റ്റ​ങ്ങ​ൾ​ ​പ​റ​യാ​നാ​യി​രി​ക്കു​മോ​?​ ​എ​ന്താ​യാ​ലും​ ​കൃ​ത്യ​സ​മ​യ​ത്ത് ​പൂ​‌​ജ​പ്പു​ര​യി​ലെ​ത്തി.​ ​അ​തി​നു​മു​മ്പേ​ ​വ​ന്നു​ ​നി​ല്പാ​ണ് ​ഗു​രു.​ ​അ​ല്പ​നേ​രം​ ​മി​ണ്ടാ​ട്ട​മി​ല്ല.​ ​മു​ഖ​ത്ത് ​സൂ​ക്ഷി​ച്ചു​ ​നോ​ക്കു​ന്നു​മു​ണ്ട്.​ ​ആ​ ​മു​ഖ​ത്ത് ​വ​ല്ലാ​ത്ത​ ​തേ​ജ​സ്.​ ​പി​ന്നെ​ ​മൗ​നം​ ​കാ​ച്ചി​ക്കു​റു​ക്കി​ ​ഏ​താ​നും​ ​വാ​ക്കു​ക​ൾ.​ ​'​വാ​യി​ച്ചു​ ​കി​ടു​ങ്ങി​പ്പോ​യി​ ശ്രീ​ധ​ര​ൻ​ ​ദൈ​വ​വി​ശ്വാ​സി​യ​ല്ലാ​യി​രി​ക്കും.​ ​പ​ക്ഷേ​ ​ഹൃ​ദ​യ​ത്തി​ൽ​ ​ദൈ​വം​ ​ഉ​ണ്ടാ​ക​ണം.​ ​അ​ല്ലെ​ങ്കി​ൽ​ ​ഹൃ​ദ​യ​ത്തി​നു​മേ​ൽ​ ​ദൈ​വ​ത്തി​ന്റെ​ ​കൈ​യൊ​പ്പ് ​എ​ന്നെ​ഴു​താ​നാ​വി​ല്ല.​" ​ഈ​ ​കൃ​തി​യു​ടെ​ ​അ​ട​യാ​ള​വാ​ക്യ​മാ​ണ​ത്.​ ​ആ​ത്മീ​യ​ ​ഗു​രു​വി​ന്റെ​ ​ആ​ദ്യ​ത്തെ​ ​അം​ഗീ​കാ​രം.​ ​പി​ന്നെ​ ​രാ​ജ്യ​ത്തി​ന​ക​ത്തും​ ​പു​റ​ത്തു​മാ​യി​ ​എ​ത്ര​യെ​ത്ര​ ​പു​ര​സ്‌​കാ​ര​ങ്ങ​ൾ.


ഒ​രു​ ​സ​ങ്കീ​ർ​ത്ത​നം​ ​പോ​ലെ​ ​പ്ര​സി​ദ്ധീ​ക​രി​ച്ചി​ട്ട് 26​ ​വ​ർ​ഷം​ ​ക​ഴി​ഞ്ഞു.​ ​ഇ​തി​ന​കം​ 116​ ​പ​തി​പ്പു​ക​ൾ.​ ​നാ​ലു​ല​ക്ഷം​ ​കോ​പ്പി​ക​ൾ.​ ​ശ്രേ​ഷ്‌​ഠ​ഭാ​ഷ​യാ​യ​ ​മ​ല​യാ​ള​ത്തി​ന്റെ​ ​മ​റ്റൊ​രു​ ​അ​ഭി​മാ​നം.​ ​നോ​വ​ലി​റ​ങ്ങി​ ​കാ​ൽ​ ​നൂ​റ്റാ​ണ്ടി​നു​ശേ​ഷ​മാ​ണ് ​നോ​വ​ലി​സ്റ്റ് ​റ​ഷ്യ​ ​കാ​ണു​ന്ന​തും​ ​സെ​ന്റ് ​പീ​റ്റേ​ഴ്സ് ​ബ​ർ​ഗി​ലെ​ ​തെ​രു​വു​ക​ളി​ലൂ​ടെ​ ​ന​ട​ക്കു​ന്ന​തും.​ ​അ​ത് ​എ​ഴു​ത്തു​കാ​ര​ന്റെ​ ​മ​നോ​സ​ഞ്ചാ​ര​വി​ജ​യം.​ ​ഹി​ന്ദി,​ ​ക​ന്ന​ട,​ ​ത​മി​ഴ്,​ ​മ​റാ​ത്തി,​ ​ആ​സാ​മീ​സ് ​എ​ന്നീ​ ​ഭാ​ര​തീ​യ​ ​ഭാ​ഷ​ക​ളി​ലും​ ​ഇം​ഗ്ളീ​ഷ്,​ ​അ​റ​ബി,​ ​ജ​ർ​മ്മ​ൻ,​ ​ഈ​ജി​പ്ഷ്യ​ൻ,​ ​റ​ഷ്യ​ൻ​ ​തു​ട​ങ്ങി​യ​ ​വി​ദേ​ശ​ഭാ​ഷ​ക​ളി​ലും​ ​പ​രി​ഭാ​ഷ​ക​ൾ.


ശ്രീ​നാ​രാ​യ​ണ​ ​ഗു​രു​വി​ന്റെ​ ​ജീ​വി​തം​ ​പ​ശ്ചാ​ത്ത​ല​മാ​ക്കി​ ​നോ​വ​ൽ​ ​കേ​ര​ള​കൗ​മു​ദി​ ​ആ​വ​ശ്യ​പ്പെ​ട്ട​പ്പോ​ൾ​ ​ആ​ദ്യം​ ​ഭ​യ​ന്നു.​ ​നി​ത്യ​വും​ ​ഉ​റ​ങ്ങു​ന്ന​തി​നു​മു​മ്പും​ ​ഉ​ണ​രു​മ്പോ​ഴും​ ​കാ​ണു​ന്ന​ത് ​ഗു​രു​വി​ന്റെ​ ​ചി​ത്രം.​ ​അ​ത് ​ഡ​യ​റി​യി​ലും​ ​മ​ന​സി​ലും​ ​സൂ​ക്ഷി​ക്കു​ന്നു.​ ​ആ​ത്മീ​യ​ ​ഗു​രു​വാ​യ​ ​കെ.​ ​സു​രേ​ന്ദ്ര​ൻ​ ​'​ഗു​രു" ​എ​ന്ന​ ​നോ​വ​ലെ​ഴു​തി​ ​വി​ജ​യ​ക്കൊ​ടി​നാ​ട്ടി​യി​ട്ടു​ണ്ട്.​ ​എ​ങ്ങ​നെ​ ​ഭ​യം​ ​തോ​ന്നാ​തി​രി​ക്കും.​ ​എ​ന്താ​യാ​ലും​ ​ഗു​രു​വി​നെ​ ​മ​ന​സി​ൽ​ ​ധ്യാ​നി​ച്ചു​കൊ​ണ്ട് ​ചെ​മ്പ​ഴ​ന്തി​യി​ൽ​ ​പോ​യി.​ ​വ​യ​ൽ​വാ​ര​ത്തി​ന്റെ​ ​അ​പാ​ര​ത​ക​ണ്ടു.​ ​കു​ന്നും​പാ​റ​യി​ലെ​ ​ക​ട​ൽ​ ​ക​ണ്ടു.​ ​അ​രു​വി​പ്പു​റ​ത്ത് ​ച​രി​ത്രം​ ​തി​രു​ത്തി​യ​ ​നെ​യ്യാ​ർ​ ​ക​ണ്ടു.​ ​ശി​വ​ഗി​രി​യി​ൽ​ ​മ​നു​ഷ്യ​വം​ശ​ത്തി​ന്റെ​ ​മ​ഹാ​സ​ന്ദേ​ശ​ഗോ​പു​രം​ ​ദ​ർ​ശി​ച്ചു.​ ​മ​രു​ത്വാ​മ​ല​യി​ൽ​ ​ധ്യാ​ന​ത്തി​ന്റെ​ ​സൂ​ര്യോ​ദ​യം​ ​ക​ണ്ടു.​ ​പി​ന്നെ​ ​പ​ല​വ​ട്ടം​ ​പൂ​ജ​പ്പു​ര​യി​ലൂ​ടെ​ ​ഗു​രു​വി​ന്റെ​ ​നി​ഴ​ലി​നെ​ ​അ​നു​ഗ​മി​ച്ചു.​ ​പ്രാ​ർ​ത്ഥ​ന​യോ​ടെ​ ​'​നാ​രാ​യ​ണ"​ത്തി​ൽ​ ​ഗു​രു​വി​ന്റെ​ ​കാ​ൽ​ക്കീ​ഴി​ൽ​ ​നി​ന്ന് ​ഭൂ​മി​ ​തെ​ന്നി​പ്പോ​യി​ ​എ​ന്നെ​ഴു​തി​യ​ ​നി​മി​ഷം​ ​വ​രെ​ ​നീ​റു​ന്ന​ ​പ്രാ​ർ​ത്ഥ​ന​യാ​യി​രു​ന്നു.


'​നി​ഗ​മം​ ​വ്യോ​മം"​ ​'​ഉ​ള്ളൊ​രു​ ​നി​ർ​വി​കാ​ര​രൂ​പം​',​ ​'​അ​ന്യം​ ​പൊ​ലി​ഞ്ഞു​ ​പൂ​ർ​ണ​മാ​കും​",​ ​'ത്രി​ഭൂ​വ​ന​ ​സീ​മ​ ​ക​ട​ന്നു​തി​ങ്ങി​വി​ങ്ങും​ ​ത്രി​പു​ടി".​ ​ഹൊ​!​ ​ഋ​ഷി​ക​വി​യാ​യ​ ​ഗു​രു​വി​ന്റെ​ ​ഭാ​വ​ന​സ്‌​പ​ർ​ശി​ക്കു​ന്ന​ ​ദൃ​ശ്യ​ങ്ങ​ൾ​ ​അ​പാ​രം.


ദ​സ്‌​ത​യേ​വ്സ്‌​കി​ ​ക​വി​ത​യു​ടെ​ ​ആ​രാ​ധ​ക​നാ​യി​രു​ന്നു​ ​പു​ഷ്‌​കി​ന്റെ​ ​ക​വി​ത​ക​ളോ​ടാ​യി​രു​ന്നു​ ​പ്ര​ണ​യം.​ ​പെ​രു​മ്പ​ട​വ​ത്തി​നും​ ​ക​വി​ത​യോ​ടാ​ണ് ​പ്രി​യം.​ ​കാ​ച്ചി​ക്കു​റു​ക്കി​യ​ ​ക​ട​ലാ​ണ​ല്ലോ​ ​ക​വി​ത.​ ​ആ​ശാ​ൻ​ ​ക​വി​ത​ക​ളോ​ട് ​പ്ര​ത്യേ​ക​ ​മ​മ​ത.​ ​ജീ​വി​ത​ത്തി​ൽ​ ​ആ​ദ്യം​ ​ചൊ​ല്ലി​യ​ത് ​ദൈ​വ​ദ​ശ​കം​. ​കു​ട്ടി​ക്കാ​ല​ത്ത് ​അ​മ്മ​ ​ആ​ ​വ​രി​ക​ൾ​ ​ചൊ​ല്ലും.​ ​ആ​രെ​ഴു​തി​യ​തെ​ന്ന് ​നി​ശ്ച​യ​മി​ല്ല.


ദൈ​വ​ദ​ശ​കം​ ​ചൊ​ല്ലാ​നി​ട​യാ​യ​ത് ​ര​സ​ക​ര​മാ​ണ്.​ ​പെ​രു​മ്പ​ട​വം​ ​വ​ള്ളി​നി​ക്ക​റി​ട്ടു​ന​ട​ക്കു​ന്ന​ ​പ്രാ​യം.​ ​പെ​രു​മ്പ​ട​വ​ത്തെ​ ​ഒ​രു​ ​വാ​യ​ന​ശാ​ല​യി​ൽ​ ​വി​ശേ​ഷാ​ൽ​ ​ച​ട​ങ്ങ് ​എ​സ്.​എ​ൻ.​ഡി.​പി​ ​ശാ​ഖ​യു​ടെ​ ​സെ​ക്ര​ട്ട​റി​യാ​യ​ ​പി.​എം.​ ​രാ​മ​ൻ​ ​ഒ​രു​ ​സാ​ഹി​ത്യ​വി​ശാ​ര​ദ​ൻ.​ ​ച​ട​ങ്ങി​ൽ​ ​ര​ണ്ട് ​വാ​ക്ക് ​പ​റ​യാ​ൻ​ ​വി​ളി​ച്ചു.​ ​പെ​രു​മ്പ​ട​വം​ ​വ​ഴ​ങ്ങി​യി​ല്ല.​ ​എ​ന്നാ​ൽ​ ​ഒ​രു​ ​പാ​ട്ടാ​ക​ട്ടെ​ ​എ​ന്നാ​യി​ ​സം​ഘാ​ട​ക​ൻ​ ​കൂ​ടി​യാ​യ​ ​രാ​മ​ൻ​ ​സാ​ർ.​ ​അ​മ്മ​ ​ചൊ​ല്ലാ​റു​ള്ള​ ​ദൈ​വ​മേ​ ​കാ​ത്തു​കൊ​ൾ​ക​ങ്ങ് ​വ​ച്ച് ​കാ​ച്ചി.​ ​കു​ട്ടി​യാ​യ​തു​കൊ​ണ്ടാ​കാം​ ​സ​ദ​സ് ​സ​ഹി​ച്ചു.​ ​ഇ​റ​ങ്ങി​വ​രു​മ്പോ​ൾ​ ​രാ​മ​ൻ​ ​സാ​ർ​ ​തോ​ളി​ൽ​ ​ത​ട്ടി​ ​അ​ഭി​ന​ന്ദി​ച്ചു.​ ​പാ​ടി​യ​ത് ​ശ്രീ​നാ​രാ​യ​ണ​ഗു​രു​വി​ന്റെ​ ​വ​രി​ക​ളാ​ണ​ല്ലോ.​ ​ശ്രീ​നാ​രാ​യ​ണ​ ​ഗു​രു​ ​ഒ​രു​ ​മി​ന്ന​ലാ​യി​ ​മ​ന​സി​ൽ​ ​പ്ര​കാ​ശി​ച്ചു.​ ​ഇ​ന്ന് ​ആ​ലോ​ചി​ക്കു​മ്പോ​ൾ​ ​വ​ല്ലാ​ത്ത​ ​വി​സ്മ​യം.​ ​പൊ​തു​ച​ട​ങ്ങി​ൽ​ ​ആ​ദ്യം​ ​ചൊ​ല്ലു​ന്ന​ത് ​ദൈ​വ​മേ​ ​കാ​ത്തു​കൊ​ൾ​ക​ങ്ങ് ​എ​ന്ന​ ​പ്രാ​ർ​ത്ഥ​ന.​ ​ഗാ​ന​ഗ​ന്ധ​ർ​വ​നാ​യ​ ​യേ​ശു​ദാ​സ് ​സി​നി​മ​യ്‌​ക്കു​വേ​ണ്ടി​ ​ആ​ദ്യം​ ​പാ​ടി​യ​തും​ ​ഗു​രു​വി​ന്റെ​ ​വ​രി​ക​ളാ​ണ​ല്ലോ.​ ​സ​ങ്കീ​ർ​ത്ത​നം​ ​പോ​ലെ​യു​ടെ​ ​അ​ട​യാ​ള​വാ​ക്യ​മാ​യ​ത് ​ഹൃ​ദ​യ​ത്തി​നു​മേ​ൽ​ ​ദൈ​വ​ത്തി​ന്റെ​ ​കൈ​യൊ​പ്പും.​ ​ഏ​തി​ലും​ ​ഗു​രു​കൃ​പ.​ ​ദൈ​വ​കൃ​പ.


പ​ര​മ്പ​രാ​ഗ​ത​ ​സ​ങ്ക​ല്പ​മ​നു​സ​രി​ച്ചു​ള്ള​ ​ഒ​രു​ ​ദൈ​വ​വി​ശ്വാ​സി​യ​ല്ല​ ​പെ​രു​മ്പ​ട​വം.​ ​അ​തേ​സ​മ​യം​ ​വി​ജ​യ​ത്തി​ന്റെ​ ​കാ​ല്പാ​ടു​ക​ളെ​ല്ലാം​ ​ദൈ​വ​മ​യം​ ​ത​ന്നെ.​ ​ഒ​രു​ ​സ​ങ്കീ​ർ​ത്ത​നം​ ​പോ​ലെ​യി​ൽ​ ​അ​ദ്ദേ​ഹം​ ​ഇ​ങ്ങ​നെ​ ​എ​ഴു​തു​ന്നു​:​ ​ദൈ​വം​ ​സാ​ക്ഷി​ ​നി​ൽ​ക്കു​ന്ന​ ​ഒ​രു​ ​നി​മി​ഷം.​ ​ദൈ​വം​ ​കാ​വ​ൽ​ ​നി​ൽ​ക്കു​ന്ന​ ​ഒ​രു​ ​നി​മി​ഷം.​ ​ആ​ ​നി​മി​ഷ​ത്തി​ന്റെ​ ​അ​ദൃ​ശ്യ​മാ​യ​ ​പ്രേ​ര​ണ​യ്‌​ക്ക് ​കീ​ഴ​ട​ങ്ങി​ ​ദ​സ്‌​ത​യേ​വ്സ്കി​ ​വ​ഴി​യ​രി​കി​ൽ​ ​വ​ച്ച് ​അ​ന്ന​യെ​ ​കെ​ട്ടി​പ്പു​ണ​ർ​ന്നു.
ദ​സ്ത​യേ​വ്സ്കി​യു​ടെ​ ​ക​ഥ​യും​ ​ക​ഥാ​പാ​ത്ര​ങ്ങ​ളും​ ​കേ​ട്ടെ​ഴു​താ​ൻ​ ​വ​ന്ന​താ​യി​രു​ന്നു​ ​അ​ന്ന​യെ​ന്ന​ ​പെ​ൺ​കു​ട്ടി.​ ​ഒ​ടു​വി​ല​വ​ൾ​ ​ക​ഥാ​കൃ​ത്തി​ന്റെ​ ​ഹൃ​ദ​യ​വും​ ​ക​ണ്ടെ​ഴു​തി.​ ​പെ​രു​മ്പ​ട​വ​ത്തി​ന്റെ​ ​ജീ​വി​ത​പ​ങ്കാ​ളി​ ​ലൈ​ല​യ്ക്കു​മു​ണ്ട് ​അ​ന്ന​യു​ടെ​ ​മു​ഖ​ഛാ​യ.​ ​അ​വ​ർ​ ​വ​ന്ന​ത് ​പെ​രു​മ്പ​ട​വ​ത്തി​ന്റെ​ ​ജീ​വി​തം​ ​തന്നെ ​പ​ക​ർ​ത്തി​യെ​ഴു​താ​നാ​യി​രു​ന്നു.​ ​തി​രു​ത്തി​യെ​ഴു​താ​നെ​ന്നും​ ​പ​റ​യാം.


1965​ ​ൽ​ ​പെ​രു​മ്പ​ട​വം​ ​തി​രു​വ​ന​ന്ത​പു​ര​ത്തേ​ക്ക് ​ചേ​ക്കേ​റു​മ്പോ​ൾ​ ​കൈ​യി​ൽ​ ​ഒ​രു​ ​ട്ര​ങ്കു​പ്പെ​ട്ടി.​ ​ഒ​പ്പം​ ​ലൈ​ല​യെ​ന്ന​ ​പ്ര​ണ​യി​നി​യും.​ ​ട്ര​ങ്കി​ൽ​ ​ഒ​രു​ ​കൈ​യെ​ഴു​ത്തു​ ​പ്ര​തി​യു​ണ്ടാ​യി​രു​ന്നു.​ ​അ​ഭ​യ​മെ​ന്ന​ ​നോ​വ​ലി​ന്റെ.​ ​ ഇ​ല്ലാ​യ്‌​മ​യു​ടെ​ ​നാ​ളു​ക​ളി​ൽ​ ​കേ​ര​ള​ശ​ബ്‌​ദ​ത്തി​ന്റെ​ ​നോ​വ​ൽ​ ​മ​ത്സ​ര​ത്തി​ലേ​ക്ക് ​അ​ത​യ്‌​ക്കാ​ൻ​ ​നി​ർ​ബ​ന്ധി​ച്ച​തും​ ​ലൈ​ല.​ ​മ​ത്സ​ര​ത്തി​ൽ​ ​ഒ​ന്നാം​ ​സ​മ്മാ​നം.​ ​തി​രു​വ​ന​ന്ത​പു​ര​ത്ത് ​ഒ​ര​ഭ​യ​മു​ണ്ടാ​ക്കി​യ​ത് ​ആ​ ​കൃ​തി​യാ​ണ്.
പെ​രു​മ്പ​ട​വം​ ​ഗ്രാ​മ​ത്തി​ൽ​ ​നി​ന്ന് ​വി​ധി​ ​ആ​ട്ടി​പ്പു​റ​ത്താ​ക്കു​മ്പോ​ൾ​ ​മു​ന്നി​ൽ​ ​ശൂ​ന്യ​ത​യാ​യി​രു​ന്നു.​ ​ഒ​രു​ ​സ​ങ്കീ​ർ​ത്ത​നം​പോ​ലെ​ ​നേ​ട്ട​ങ്ങ​ൾ​ ​കൊ​യ്‌​ത​പ്പോ​ൾ​ ​പെ​രു​മ്പ​ട​വ​ത്ത് ​സ്ഥ​ലം​ ​വാ​ങ്ങി​ ​ഒ​രു​ ​വീ​ടു​വ​യ്‌​ക്ക​ണ​മെ​ന്ന് ​പ്രേ​രി​പ്പി​ച്ച​തും​ ​ഭാ​ര്യ​ത​ന്നെ.​ ​ത​മ​ല​ത്തെ​ ​വീ​ട് ​'​പെ​രു​മ്പ​ട​വം".​ ​പെ​രു​മ്പ​ട​വ​ത്തെ​ ​വീ​ടി​ന് ​പ​ഴ​യ​ ​ത​റ​വാ​ട്ടു​ ​പേ​രി​ട്ടു.​ ​'​അ​രി​യ​പ്പ​നാ​യി​ൽ".​ ​എ​ങ്കി​ലും​ ​യാ​ത്ര​ക​ഴി​ഞ്ഞ് ​തി​രി​ച്ചെ​ത്തു​മ്പോ​ൾ​ ​ഇ​പ്പോ​ൾ​ ​കാ​ത്തി​രി​ക്കാ​ൻ​ ​ലൈ​ല​യി​ല്ല.​ ​കു​ട്ടി​ക്കാ​ല​ത്ത് ​തൊ​ട്ടു​മു​ന്നി​ൽ​ ​ക​ണ്ട​ ​ആ​ ​ശൂ​ന്യ​ത​യെ​ ക​ഴി​ഞ്ഞ​ ​മൂ​ന്നു​വ​ർ​ഷ​മാ​യി​ ​പെ​രു​മ്പ​ട​വം​ ​വീ​ണ്ടും​ ​അ​ഭി​മു​ഖീ​ക​രി​ക്കു​ന്നു.


ചൂ​താ​ട്ട​ത്തി​ൽ​ ​ജ​യി​ക്കു​ക​യും​ ​തോ​റ്റ് ​തു​ന്നം​ ​പാ​ടു​ക​യും​ ​ചെ​യ്‌​ത​ ​ദ​സ്‌​ത​യേ​വ്സ്‌​കി​യും​ ​പെ​രു​മ്പ​ട​വ​വും​ ​ത​മ്മി​ൽ​ ​ചി​ല​ ​സാ​ദൃ​ശ്യ​ങ്ങ​ളു​ണ്ട്.​ ​ദ​സ്‌​ത​യേ​വ്സ്‌​കി​ക്ക് ​ആ​ദ്യം​ ​ന​ഷ്‌​ട​പ്പെ​ടു​ന്ന​ത് ​പെ​റ്റ​മ്മ​യെ.​ ​പെ​രു​മ്പ​ട​വ​ത്തി​ന്റെ​ ​അ​ഞ്ചാം​ ​വ​യ​സി​ൽ​ ​അ​ച്‌​ഛ​ൻ​ ​ന​ഷ്‌​ട​മാ​യി.​ ​പി​ന്നെ​ ​അ​മ്മ​ ​കൂ​ലി​വേ​ല​ചെ​യ്‌​താ​ണ് ​കു​ടും​ബം​ ​പോ​റ്റി​യ​ത്.​ ​ക​ഷ്ട​പ്പാ​ടി​ന്റെ​ ​നാ​ളു​ക​ൾ​ ​ഒ​രു​ ​പാ​ഠം​ ​പ​ഠി​പ്പി​ച്ചു.​ ​സ്വ​പ്നം​ ​കാ​ണ​രു​ത്.​ ​മ​ന​സി​നെ​ ​അ​തി​നാ​യി​ ​പ​രി​ശീ​ലി​പ്പി​ച്ചു.​ ​ന​ല്ല​ ​ആ​ഹാ​ര​വും​ ​ന​ല്ല​ ​വ​സ്ത്ര​ങ്ങ​ളും​ ​അ​ന്ന് ​വി​ദൂ​ര​ ​ സ്വ​പ്ന​ങ്ങ​ളാ​യി​രു​ന്നു.​ ​മൂ​ന്നു​നേ​ര​വും​ ​മു​ട​ങ്ങാ​തെ​ ​വാ​യി​ച്ചു.​ ​എ​ന്നി​ട്ടും​ ​മ​ന​സി​ന്റെ​ ​വി​ശ​പ്പ് ​ശ​മി​ച്ചി​ല്ല.​ ​അ​ടു​ത്തു​ള്ള​ ​ഗ്രാ​മീ​ണ​ ​വാ​യ​ന​ശാ​ല​യി​ൽ​ ​അ​ധി​ക​സ​മ​യ​വും​ ​പു​സ്ത​ക​പ്പു​ഴു​വാ​യി.​ ​ജീ​വി​ത​ത്തി​ന്റെ​ ​പ​ട്ടു​നൂ​ലി​ഴ​ക​ൾ​ ​കി​ട്ടി​യ​ത് ​അ​ങ്ങ​നെ​യാ​ണ്.​ ​ദ​സ്‌​ത​യേ​വ്സ്‌​കി​യു​ടെ​ ​ജീ​വി​ത​ത്തി​ലേ​ക്ക് ​നി​ര​വ​ധി​ ​സ്ത്രീ​ക​ൾ​ ​ക​ട​ന്നു​വ​രു​ന്നു.​ ​പെ​രു​മ്പ​ട​വം​ ​ഇ​ക്കാ​ര്യ​ത്തി​ൽ​ ​വി​ശ്വ​സ്‌​ത​നാ​യ​ ​ഭ​ർ​ത്താ​വ്.​ ​ചൂ​താ​ട്ട​മി​ല്ല,​ ​മ​ദ്യ​പാ​ന​മി​ല്ല.​ ​എ​ല്ലാ​ല​ഹ​രി​യും​ ​എ​ഴു​ത്തു​ത​ന്നെ.


ഒ​രു​ ​എ​ഴു​ത്തു​കാ​ര​നാ​യി​ ​പേ​ന​കൊ​ണ്ട് ​ജീ​വി​ക്കു​ക.​ ​അ​താ​യി​രു​ന്നു​ ​ദ​സ്‌​ത​യേ​വ്സ്‌​കി​യു​ടെ​ ​തീ​രു​മാ​നം.​ ​പെ​രു​മ്പ​ട​വ​വും​ ​ആ​ ​പാ​ത​ത​ന്നെ​ ​സ്വീ​ക​രി​ച്ചു.​ ​ഇ​രു​വ​ർ​ക്കും​ ​പ്രി​യ​പ്പെ​ട്ട​ത് ​ഏ​കാ​ന്ത​ത.​ ​പി​ന്നെ​ ​ചി​ന്ത​ക​ളി​ലൂ​ടെ​യു​ള്ള​ ​പ​ലാ​യ​നം.


1881​ ​ജ​നു​വ​രി​ 28​ ​ പു​ല​ർ​കാ​ല​ത്ത് ​കാ​ര​മ​സോ​വ് ​സ​ഹോ​ദ​ര​ന്മാ​രു​ടെ​ ​ര​ണ്ടാം​ഭാ​ഗം​ ​എ​ഴു​തു​ന്ന​തു​വ​രെ.​ ​പേ​ന​ ​ദ​സ്‌​ത​യേ​വ്സ്‌​കി​യെ​ ​തു​ണ​ച്ചു.​ ​പ്രാ​ണ​വാ​യു​പോ​ലെ​. ​അ​വ​സാ​ന​നാ​ളു​ക​ളി​ൽ​ ​ത​ന്റെ​ ​ജീ​വി​തത്തെ​ക്കു​റി​ച്ചും​ ​അ​ദ്ദേ​ഹം​ ​ആ​ ​പേ​ന​യി​ലൂ​ടെ​ ​പ്ര​വ​ചി​ച്ചി​രു​ന്നു.​ ​'​എ​ന്റെ​ ​ആ​ശ​യ​ങ്ങ​ളു​ടെ​ ​മു​ഴു​വ​ൻ​ ​ഭാ​ഗ​വും​ ​ലോ​ക​ത്തെ​ ​അ​റി​യി​ക്കാ​തെ​ ​ഞാ​ൻ​ ​മ​റ​ഞ്ഞു​പോ​യേ​ക്കും."
ലോ​ക​ത്ത് ​ഏ​റ്റ​വും​ ​വി​ശു​ദ്ധ​മാ​യ​ത് ​നി​ഷ്‌​ക​ള​ങ്ക​മാ​യ​ഭാവമാണെ​ന്ന് ​ദ​സ്‌​ത​യേ​വ്സ്‌​കി​ ​വി​ശ്വ​സി​ച്ചി​രു​ന്നു.​ ​ദൈ​വ​ത്തി​ന്റെ​ ​തു​ണ​യു​ണ്ടെ​ങ്കി​ലേ​ ​ഒ​രാ​ൾ​ക്ക് ​നി​ഷ്‌​ക​ള​ങ്ക​നാ​യി​രി​ക്കാ​ൻ​ ​പ​റ്റൂ.​ ​പെ​രു​മ്പ​ട​വ​വും​ ​ആ​ ​പ​ക്ഷ​ക്കാ​ര​നാ​ണ്.


ആ​ശാ​ന്റെ​ ​ജീ​വി​തം​ ​പ​ശ്ചാ​ത്ത​ല​മാ​ക്കി​ ​എ​ഴു​തി​ ​പൂ​ർ​ത്തി​യാ​ക്കി​യ​താ​ണ് ​'​അ​വ​നി​വാ​ഴ്‌​വ് ​കി​നാ​വ് ".​ 16​ ​വ​ർ​ഷ​മാ​യി​ ​അ​തി​നു​മേ​ൽ​ ​പെ​രു​മ്പ​ട​വ​ത്തി​ന്റെ​ ​മ​ന​സ് ​അ​ട​യി​രി​ക്കു​ന്നു.​ ​എ​ന്നി​ട്ടും​ ​തൃ​പ്‌​തി​വ​രു​ന്നി​ല്ല.​ ​ഒ​രു​പ​ക്ഷേ​ ​ദൈ​വ​ത്തി​ന്റെ​ ​കൈ​യൊ​പ്പ് ​കൂ​ടി​ ​അ​തി​ൽ​ ​പ​തി​യാ​നു​ള്ള​ ​കാ​ത്തി​രി​പ്പാ​കാം.​ ​ആ​ ​കൈ​യൊ​പ്പി​നു​വേ​ണ്ടി​ ​മ​ല​യാ​ള​വും​ ​കാ​ത്തി​രി​ക്കു​ന്നു,​ ​പ്രാ​ർ​ത്ഥ​ന​യോ​ടെ!

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PERUMBADAVAM SREEDHARAN, LITERATURE
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.