SignIn
Kerala Kaumudi Online
Saturday, 08 August 2020 5.41 AM IST

കൊവിഡ്: 'നിശബ്ദ വ്യാപനം' വലിയ വെല്ലുവിളി

covid

തിരുവനന്തപുരം: കൊവിഡ് 19 വൈറസ് ലോകത്താകെ ശമനമില്ലാതെ തുടരുന്നതിനിടെ രോഗലക്ഷണങ്ങളില്ലാതെയുള്ള രോഗവ്യാപനം വെല്ലുവിളിയായി തുടരുന്നു. 'നിശബ‌്ദ വ്യാപനം' എന്നാണ് വൈദ്യശാസ്ത്ര ലോകം ഇതിനെ വിശേഷിപ്പിക്കുന്നത്.

ലോകത്ത് 80 ശതമാനം പേരും കൊവിഡ് രോഗലക്ഷണങ്ങൾ പ്രകടിപ്പിക്കാത്തവരോ അല്ലെങ്കിൽ നേരിയ രോഗലക്ഷണങ്ങൾ മാത്രമുള്ളവരോ ആണ്. ഇന്ത്യയിലിത് 70 ശതമാനമാണെന്നാണ് ഇന്ത്യൻ കൗൺസിൽ ഒഫ് മെഡിക്കൽ റിസർച്ചിന്റെ (ഐ.സി.എം.ആ‍ർ)​ കണക്ക്. ഹൈറിസ്‌ക് മേഖലയായ കാസർകോട്ടേക്ക് വിദേശത്തു നിന്നെത്തിയ രോഗബാധിതരായ ഏഴ് പേർക്ക് കൊവിഡിന്റെ ലക്ഷണങ്ങളായ പനിയോ ചുമയോ ഒന്നുംതന്നെ ഉണ്ടായിരുന്നില്ല.

രോഗാണു ശരീരത്തിൽ പ്രവേശിച്ചതിന്റെ ലക്ഷണങ്ങൾ കണ്ടുതുടങ്ങുന്നതു മുതൽ പോസിറ്റീവ് ആകുകയാണ് സാധാരണ രീതി. എന്നാൽ, രോഗപ്രതിരോധ ശേഷിയുള്ളവരിൽ കൊവിഡ് ലക്ഷണങ്ങൾ ഉണ്ടാകണമെന്നോ, പോസിറ്റീവ് ആകണമെന്നോയില്ല. വൈറസ് വാഹകനായ അയാളിൽ നിന്ന് രോഗപ്രതിരോധ ശേഷി കുറഞ്ഞവരിലേക്ക് രോഗം പകരാനുള്ള സാദ്ധ്യത ഏറെയാണ്. ഇവരിൽ വൈറസ് ശരീരത്തിൽ നിലനിൽക്കുന്ന വൈറീമിയ എന്ന അവസ്ഥയുണ്ടാക്കും.

കോഴിക്കോട്ട് രണ്ട് ഡോക്ടർമാർക്ക് കൊവിഡ് പരിശോധനയിൽ പോസിറ്റീവ് ആയിരുന്നെങ്കിലും വൈറീമിയ എന്ന അവസ്ഥയിലായിരുന്നു. തബ്‌ലീഗ് സമ്മേളനത്തിൽ പങ്കെടുത്തവർ സ‌ഞ്ചരിച്ച ട്രെയിനിൽ യാത്ര ചെയ്തതുവഴിയാണ് അവർക്ക് രോഗം പകർന്നത്. ക്വാറന്റൈൻ കാലാവധി കഴിഞ്ഞിട്ടും അവർക്ക് രോഗലക്ഷണങ്ങൾ ഒന്നുമില്ലായിരുന്നു.

പോംവഴി
രോഗം കണ്ടെത്തുന്നതിനുള്ള പി.സി.ആർ ടെസ്റ്റുകളുടെ എണ്ണം വർദ്ധിപ്പിക്കുകയാണ് ഈ പ്രതിസന്ധി മറികടക്കാനുള്ള പോംവഴി. ഇത് ചെലവേറിയതാണ്. അതിനാലാണ് പരിമിത എണ്ണത്തിലേക്ക് പരിശോധന ചുരുക്കിയത്. റാപ്പിഡ് ടെസ്റ്റിലൂടെ ഇതിനു പരിഹാരം കാണാം. നിരീക്ഷണത്തിലുള്ളവരുടെയെല്ലാം രക്തസാമ്പിളുകൾ ഇതിലൂടെ പരിശോധിക്കാമെന്നതും മേന്മയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID19
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.