SignIn
Kerala Kaumudi Online
Friday, 14 August 2020 7.58 AM IST

സ്‌പെഷ്യൽ സ്‌ക്വാഡ് എസ്.ഐ ചമഞ്ഞ് പണം തട്ടിപ്പ്: യുവാവ് പിടിയിൽ

sree

കിഴക്കമ്പലം: സ്‌പെഷ്യൽ സ്‌ക്വാഡ് എസ്.ഐ ചമഞ്ഞ് വിദേശത്ത് ജോലി വാഗ്ദാനംചെയ്ത് ഓൺലൈൻ ടാക്‌സിഡ്രൈവറെ കബളിപ്പിച്ച് പണം തട്ടിയ കേസിൽ തിരുവനന്തപുരം പൗഡിക്കോണം ഉളിയത്തറ സൂര്യനഗറിൽ ശ്രീജിത്തിനെ (36) അമ്പലമേട് പൊലീസ് അറസ്​റ്റുചെയ്തു.

2018ൽ ഓൺലൈൻ ടാക്‌സിയിൽ യാത്രക്കാരനായി കയറി ഡ്രൈവറുമായി പരിചയപ്പെട്ടാണ് തട്ടിപ്പുനടത്തിയത്. വിദേശത്ത് ജോലി വാഗ്ദാനംചെയ്ത് 54,000 രൂപയും പാസ്‌പോർട്ടും സർട്ടിഫിക്ക​റ്റുകളും കൈവശപ്പെടുത്തി മുങ്ങുകയായിരുന്നു. പിന്നീട് ഇയാളെക്കുറിച്ച് വിവരങ്ങളൊന്നും ലഭിച്ചില്ല. ഏറെനാൾ കാത്തിരുന്നശേഷം ജോലിയോ സർട്ടിഫിക്കറ്റകളോ തിരികെ ലഭിക്കാതെ വന്നതോടെ ഡ്രൈവർ നൽകിയ പരാതിയിലാണ് ഇപ്പോൾ പ്രതി പിടിയിലായത്.

പോണേക്കരയിലുള്ള ഇയാളുടെ താമസസ്ഥലത്തുനിന്ന് വ്യാജസീലുകളും അഞ്ച് പാസ്‌പോർട്ടുകളും വ്യാജ സർട്ടിഫിക്ക​റ്റുകളും കണ്ടെടുത്തു. ഇയാൾ മൂന്ന് വിവാഹം കഴിച്ചതായും സമാനരീതിയിൽ ഒട്ടേറെ തട്ടിപ്പുകൾ നടത്തിയിട്ടുണ്ടെന്നും പൊലീസ് പറഞ്ഞു.

കേസന്വേഷണത്തിന് പൊലീസ് ഇൻസ്‌പെക്ടർ ലാൽ.സി.ബേബി, സബ് ഇൻസ്‌പെക്ടർ ഷെബാബ്.കെ.കാസിം, സിവിൽ പൊലീസ് ഓഫീസർമാരായ എം.പി.ഏലിയാസ്, വി.കെ. ജയകുമാർ, പി.കെ.സുമേഷ് എന്നിവർ നേതൃത്വം നൽകി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: FRAUD CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.