സംസ്ഥാനത്ത് 12 പേർക്ക് കൊവിഡ്, എല്ലാവരും മടങ്ങിയെത്തിയവർ

തിരുവനന്തപുരം : സംസ്ഥാനത്ത് ഇന്നലെ 12പേർക്ക് കൊവിഡ് സ്ഥിരീകരിച്ചു. കണ്ണൂരിൽ അഞ്ചും മലപ്പുറത്ത് മൂന്നും പത്തനംതിട്ട, ആലപ്പുഴ, തൃശൂർ, പാലക്കാട് എന്നിവിടങ്ങളിൽ ഓരോരുത്തർക്കുമാണ് രോഗം സ്ഥിരീകരിച്ചതെന്ന് മുഖ്യമന്ത്രി അറിയിച്ചു. ഇതിൽ നാലു പേർ വിദേശത്തു നിന്നും (യു.എ.ഇ, സൗദി അറേബ്യ, കുവൈറ്റ്, മാല ദ്വീപ് ) എട്ടു പേർ, ഇതര സംസ്ഥാനങ്ങളിൽ നിന്നും (മഹാരാഷ്ട്ര 6, ഗുജറാത്ത്1, തമിഴ്‌നാട്1) വന്നവരാണ്. ഇന്നലെ ആരുടെയും പരിശോധനാഫലം നെഗറ്റീവായില്ല. കോട്ടയത്ത് കോരുത്തോട്, കണ്ണൂരിൽ പാനൂർ മുനിസിപ്പാലിറ്റി, ചൊക്ലി, മയ്യിൽ എന്നിവയാണ് പുതിയ ഹോട്ട് സ്‌പോട്ടുകൾ. ആകെ 33.