SignIn
Kerala Kaumudi Online
Monday, 10 August 2020 2.24 AM IST

ഫെഫ്ക പ്രൊഡക്‌ഷൻ എക്സി. കമ്മിറ്റിക്കെതിരെയുള്ള പരാതി അന്വേഷിക്കാൻ അഡ്ഹോക്ക് കമ്മിറ്റി

fefka

കൊച്ചി: ഫെഫ്ക പ്രൊഡക്‌ഷൻ എക്സിക്യൂട്ടീവ് കമ്മിറ്റിക്ക് എതിരായി സംഘടനയിലെ നാല് അംഗങ്ങൾ ഉന്നയിച്ച സാമ്പത്തിക ക്രമക്കേട് പരാതി അന്വേഷിക്കാൻ അഡ് ഹോക്ക് കമ്മിറ്റിയെ ചുമതലപ്പെടുത്തി. നിലവിലുള്ള കമ്മിറ്റിയെ മരവിപ്പിച്ചാണ് സോഹൻ സീനുലാൽ കൺവീനറായുള്ള 9 അംഗ അഡ്ഹോക്ക് കമ്മിറ്റിയെ ചുമതലപ്പെടുത്തിയിട്ടുള്ളത്. ഇന്നലെ കൊച്ചിയിൽ ചേർന്ന ഫെഫ്ക യോഗത്തിലാണ് തീരുമാനം.

ഇതിനിടെ പ്രൊഡക്ഷൻ എക്സിക്യുട്ടീവ് യൂണിയന്റെ കമ്മിറ്റിഅംഗ സ്ഥാനത്തുനിന്ന് ബാദുഷ രാജിവച്ചു. പ്രൊഡക്ഷൻ എക്സിക്യൂട്ടീവ് യൂണിയന്റെ പല നടപടികളിൽ യോജിച്ചു പോകാനാവാത്തതുകൊണ്ടാണ് രാജിയെന്ന് രാജിക്കത്തിൽ പറയുന്നു.

പ്രൊഡക്‌ഷൻ എക്സിക്യുട്ടീവുമാരായ ഷിബു ജി.സുശീലൻ, എൽദോ സെൽവരാജ്, ഡെവിസൺ സി.ജെ, ഹാരിസ് ദേശം എന്നിവരാണ് ഫെഫ്കയ്ക്ക് പരാതി നൽകിയത്. 2013ന് ശേഷം ഇലക്ഷൻ നടത്തിയില്ലെന്നും ഇതുമായി ബന്ധപ്പെട്ട കോടതിവിധി അംഗങ്ങളിൽനിന്ന് മറച്ചുവച്ചെന്നും പരാതിയിൽ ചൂണ്ടിക്കാട്ടുന്നു. യൂണിയനിലെ അംഗങ്ങൾക്ക് രണ്ടുതരം ഫാമിലി ഇൻഷ്വറൻസ് നൽകുന്നുണ്ടെന്നും ഇതിൽ ക്രമക്കേടുണ്ടെന്നും യൂണിയന്റെ പണമിടപാടുകൾ ഓഡിറ്റ് ചെയ്തത് ഒരംഗമാണെന്നും ഇത് ബൈലാപ്രകാരം തെറ്റാണെന്നും യൂണിയന്റെ ഫണ്ടിൽ ആറുലക്ഷം രൂപയുടെ തിരിമറി നടന്നതായും ഇവർ ആരോപിക്കുന്നു.

അഡ്ഹോക്ക് കമ്മിറ്റി വിശദമായി അന്വേഷിച്ച് രണ്ട് മാസത്തിനുള്ളിൽ ജനറൽ സെക്രട്ടറിക്ക് റിപ്പോർട്ട് സമർപ്പിക്കണം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: FEFKA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.