പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ

നിലമ്പൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിനെ നിലമ്പൂർ പൊലീസ് അറസ്റ്റ് ചെയ്തു. ചന്തക്കുന്ന് സ്വദേശി മാട്ടുത്തൊടിക മുഹമ്മദ് ഫാരിസിനെയാണ് (23)നിലമ്പൂർ ഇൻസ്‌​പെക്ടർ ടി.എസ്. ബിനു അറസ്റ്റ് ചെയ്തത്. രണ്ടുമാസം മുമ്പാണ് കേസിനാസ്പദമായ സംഭവം. പരിചയം നടിച്ച് കുട്ടിയുടെ മാതാവിന്റെ ഫോണിൽ ചാറ്റിംഗിലൂടെയാണ് സൗഹൃദം പുതുക്കി കുട്ടിയുമായി അടുപ്പത്തിലാവുകയും മാതാവ് വീട്ടിലില്ലാത്ത സമയത്ത് പീഡിപ്പിക്കുകയുമായിരുന്നു. പോക്‌​സോ നിയമപ്രകാരമാണ് കേസെടുത്തത്. സി.ഐക്ക് പുറമേ എസ്.ഐ എം. അസൈനാർ, എ.എസ്.ഐ അൻവർ, സി.പിഒ ഷിജു, വനിതാ സീനിയർ സി.പി.ഒ റഹിയാനത്ത്, പങ്കജം എന്നിവരുടെ നേതൃത്വത്തിലാണ് അന്വേഷണം നടത്തി പ്രതിയെ പിടികൂടിയത്. പ്രതിയെ കോടതി റിമാൻഡ് ചെയ്തു.