താരപ്പകിട്ടാർന്ന ഓണ വിഭവങ്ങളുമായി കൗമുദി ടി.വി

ഓണക്കാലത്ത് താരപ്പകിട്ടാർന്ന വിഭവ സമൃദ്ധമായ സദ്യയാണ് കൗമുദി ടി.വി പ്രേക്ഷകർക്കായി ഒരുക്കുന്നത്. സംഗീത സംവിധായകൻ ഗോപി സുന്ദറും അഭിനേത്രി സ്വാസികയുമാണ് താളം മേളം പൊന്നോണം എന്ന് പേരിട്ടിരിക്കുന്ന കൗമുദി ടി.വിയുടെ ഓണപ്പരിപാടികളുടെ ബ്രാൻഡ് അംബാസിഡർമാർ.ഗോപി സുന്ദറുമായുള്ള അഭിമുഖം മ്യൂസിക്ക് ആൻഡ് മീ, കൈതപ്രത്തിന്റെ അഭിമുഖം സംഗീതമേ ജീവിതം, കോമഡി പരിപാടിയായ ഒരു ക്വാറന്റൈൻ ഓണം, മല്ലികാ സുകുമാരൻ അതിഥിയായെത്തുന്ന താരപ്പകി​ട്ട്, ഗോവി​ന്ദ് പത്മസൂര്യയുടെ അഭി​മുഖം ഹാപ്പി​ വി​ത്ത് ജി​.പി​, ഷൈൻ ടോം ചാക്കോയുടെ അഭി​മുഖം ഒരു ഷൈനിംഗ് ഓണം, ശ്വേതാ മേനോന്റെ അഭി​മുഖം ഓണം പൂരം, ബീനാ ആന്റണി​യുടെ അഭി​മുഖം ഒരു ഹി​ന്ദുസ്ഥാനി​ ഓണം, വി​നു മോഹന്റെ അഭി​മുഖം നേരും നി​റവും പി​ന്നെ ഞാനും, അപർണാ ബാലമുരളി​യുടെ അഭി​മുഖം അനുപമം അപർണ്ണ, അനൂപ് മേനോനുമായുള്ള അഭി​മുഖം എന്നി​വയാണ്. തി​രുവോണ ദി​വസം കൗമുദി​ ടി​.വി​ സംപ്രേഷണം ചെയ്യുന്ന പരി​പാടി​കളിൽ​ ചി​ലത്.

ഉത്രാട ദി​നത്തി​ൽ തിരുവിതാംകൂർ രാജകുടുംബാംഗവും ശ്രീ പദ്മനാഭസ്വാമി ക്ഷേത്ര ട്രസ്റ്റിന്റെ ട്രസ്റ്റിയുമായ അവിട്ടം തിരുനാൾ ആദിത്യവർമ്മ അതിഥിയായെത്തുന്ന സ്ട്രെയിറ്റ് ലൈൻ അഭിമുഖം,ടി​നി​ ടോം, ജി​ത്തു ജോസഫ്, നി​ഷാ ശാരംഗ്, നന്ദു, പൊതുമരാമത്ത് വകുപ്പ് മന്ത്റി​ ജി​. സുധാകരൻ, സ്വാസി​ക, മേജർ രവി​, മെറീന മൈക്കി​ൾ, കെ.എസ്. പ്രസാദ് എന്നി​വരുമായുള്ള അഭി​മുഖങ്ങളും കൗമുദി​ ടി​.വി​. സംപ്രേഷണം ചെയ്യും.എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശനും കുടുംബവും പങ്കെടുക്കുന്ന പ്രത്യേക അഭി​മുഖം ചി​ങ്ങനി​ലാവി​ൽ വെള്ളാപ്പള്ളി​ ചതയദി​നത്തി​ൽ രാവി​ലെ പത്തുമണി​ക്ക് സംപ്രേഷണം ചെയ്യും.