കൊച്ചി- യൂറോപ്പ് നേരിട്ടുള്ള സർവീസിന് തുടക്കം

നെടുമ്പാശേരി: കൊച്ചിയിൽ നിന്ന് യൂറോപ്പിലേക്ക് നേരിട്ടുള്ള വിമാന സർവീസിന് തുടക്കമിട്ട്, ലണ്ടനിൽ നിന്ന് എയർ ഇന്ത്യയുടെ എ.ഐ 1186 വിമാനം ഇന്നലെ പുലർച്ചെ കൊച്ചിയിലെത്തി. 130 യാത്രികരുമായി പുലർച്ചെ 3.28ന് എത്തിയ വിമാനത്തെ വാട്ടർ സല്യൂട്ട് നൽകിയാണ് സ്വീകരിച്ചത്. പ്രവാസികളുടെ ദീർഘകാല ആവശ്യമാണ് ഈ സർവീസോടെ പൂവണിയുന്നത്. രാവിലെ 6.30ന് 229 യാത്രികരുമായി വിമാനം തിരിച്ചുപോയി.

നേരിട്ടുള്ള സർവീസുകൾക്ക് ഒരു വർഷത്തേക്ക് സിയാൽ ലാൻഡിംഗ് ഫീ ഒഴിവാക്കിയിട്ടുണ്ട്. ഫീ ഒഴിവാക്കുന്നതോടെ യൂറോപ്പിൽ നിന്നും മറ്റും നേരിട്ടുള്ള കൂടുതൽ സർവീസുകളെ ആകർഷിക്കാം. ടിക്കറ്റ് ചാർജ് കുറയാനും ഇതു സഹായിക്കും.