SignIn
Kerala Kaumudi Online
Monday, 25 January 2021 12.40 AM IST

ബിനീഷിന്റെ ജാമ്യാപേക്ഷ 24ലേക്കു മാറ്റി; ഇ.ഡിയുടെ അറസ്​റ്റ് നിയമവിരുദ്ധമെന്ന് വാദം

bineesh-kodiyeri

ബംഗളൂരു: ബംഗളൂരു മയക്കുമരുന്ന് കേസിലെ കള്ളപ്പണ, ബിനാമി ഇടപാടുകളിൽ ഇ.ഡി പ്രതിയാക്കിയ ബിനീഷ്, പ്രത്യേക കോടതിയിൽ നൽകിയ ജാമ്യാപേക്ഷ 24നു പരിഗണിക്കാനായി മാ​റ്റി. ലഹരി ഇടപാടുകളിൽ പങ്കുണ്ടോയെന്നറിയാനായി എൻ.സി.ബി (നർകോട്ടിക്സ് കൺട്രോൾ ബ്യൂറോ) ബിനീഷിനെ ചോദ്യംചെയ്യുകയാണെന്ന് എൻഫോഴ്സ്‌മെന്റ് ഡയറക്ടറേ​റ്റ് അറിയിച്ചതോടെയാണിത്.

അതേസമയം, ഇ.ഡിയുടെ അറസ്​റ്റ് നിയമവിരുദ്ധമാണെന്ന് ബിനീഷിന്റെ അഭിഭാഷകൻ വാദിച്ചു. ലഹരിക്കേസിൽ അറസ്​റ്റിലായ അനൂപ് മുഹമ്മദിനു ഹോട്ടൽ തുടങ്ങാനായി പലതവണയായി 39 ലക്ഷം രൂപ മാത്രമാണു കൈമാറിയത്. വായ്പയെടുത്തതാണത്. അനൂപിന്റെ ലഹരി ഇടപാടുകളെക്കുറിച്ച് ബിനീഷ് അറിഞ്ഞിരുന്നുമില്ല. അഭിനയിച്ച 7 സിനിമകളിൽനിന്നു മാത്രമേ പ്രതിഫലം ലഭിച്ചിട്ടുള്ളൂ. അഭിനയമോഹംകൊണ്ട് പണം വാങ്ങാതെയാണു മ​റ്റുള്ളവയിൽ അഭിനയിച്ചതെന്നും വാദിച്ചു. വെള്ളിയാഴ്ച വരെ നാർക്കോട്ടിക് കൺട്രോൾ ബ്യൂറോയുടെ കസ്റ്റഡിയിലാണ് ബിനീഷ്. ഹൈക്കോടതിയിൽ രണ്ടു ഹർജികളാണ് ബിനീഷ് നൽകിയത്. എൻ.സി.ബി കേസിലെ മുൻകൂർ ജാമ്യാപേക്ഷയ്ക്കുപുറമേ, ഇ.ഡി തന്നെ അറസ്​റ്റ് ചെയ്തത് അന്യായമാണെന്നു കാട്ടിയും ഹർജി നൽകി. ഇതും ഹൈക്കോടതി ഫയലിൽ സ്വീകരിച്ചിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BINEESH KODIYERI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.