ഇ എസ് ബിജിമോൾ എം എൽ എയ്‌ക്ക് കൊവിഡ് സ്ഥിരീകരിച്ചു

ഇടുക്കി: പീരുമേട് എം എൽ എ ഇ എസ് ബിജിമോൾക്ക് കൊവിഡ് സ്ഥിരീകരിച്ചു. എം എൽ എ തന്നെയാണ് ഇക്കാര്യം അറിയിച്ചത്. ഈയാഴ്ച തന്നെ കാണുവാൻ എത്തിയവർ ജാഗ്രത പുലർത്തണം. എന്തെങ്കിലും കൊവിഡ് ലക്ഷണം ഉണ്ടെങ്കിൽ ആന്റിജൻ ടെസ്റ്റ് നടത്തി സെൽഫ് ക്വാറന്റീനിൽ പ്രവേശിക്കണമെന്നും ബിജിമോൾ ആവശ്യപ്പെട്ടു.

ക്വാറന്റീനിൽ ആയതിനാൽ സന്ദർശകരെ വീട്ടിൽ അനുവദിക്കുന്നതല്ല. എല്ലാവരും സഹകരിക്കണം. എന്തെങ്കിലും ആവശ്യമുണ്ടെങ്കിൽ കുട്ടിക്കാനത്തെ ഓഫീസുമായി ബന്ധപ്പെടണമെന്നും എം എൽ എ ഫേസ്‌ബുക്ക് പോസ്‌റ്റിലൂടെ നിർദേശിച്ചു.