SignIn
Kerala Kaumudi Online
Thursday, 25 February 2021 10.15 PM IST

ഒരുങ്ങുന്നതിന് മുമ്പ് ഓർമ്മ വയ്‌ക്കേണ്ടത്

eee

പെണ്ണാണെങ്കിൽ കണ്ണെഴുതണം, പൊട്ടു കുത്തണം, മുടി പിന്നിക്കെട്ടി സുന്ദരിയാകണം. ഇതൊക്കെ ഔട്ട് ഒഫ് ഫാഷനായിട്ട് കാലം കുറെയായി. നല്ല അടിപൊളി ഡ്രസിൽ, വ്യക്തമായ ആറ്റിറ്റ്യൂഡോടെ എത്രത്തോളം ട്രെൻഡിയാകാം എന്നാണ് ഇപ്പോഴത്തെ പെൺകുട്ടികൾ ചിന്തിക്കുന്നത്. മേക്കപ്പിന്റെ കാര്യത്തിലാണെങ്കിലും ഇതു തന്നെയാണ് കാര്യം. ദിവസവും ഒരുങ്ങി ഓഫിസിലേക്ക് ഓടുന്നവർക്ക് മേക്കപ്പിന്റെ കാര്യത്തിൽ പലപ്പോഴും ചില അബദ്ധങ്ങളൊക്കെ സംഭവിക്കാറുണ്ട്. സഹപ്രവർത്തകർ കളിയാക്കുമ്പോഴായിരിക്കും പലരും ഇത് തിരിച്ചറിയുന്നത്. ഈ കാര്യങ്ങളൊക്കെ നമുക്ക് തിരിച്ചറിയാം.

  • കാലാവസ്ഥ മുഖ്യംകാലാവസ്ഥ മാറുന്നതിനനുസരിച്ച് മേക്കപ്പിലും വ്യത്യാസം വരുത്തണം. ചൂടുകാലത്ത് ഉപയോഗിക്കുന്ന മേക്കപ്പായിരിക്കില്ല തണുപ്പ് കാലത്ത് ചേരുക. അതപോലെ കാറ്റുള്ള സമയത്തും ചർമ്മത്തിൽ മാറ്റങ്ങളുണ്ടാകും. ഇന്ന് ഓരോ കാലാവസ്ഥയ്‌ക്കും അനുയോജ്യമായ മേക്കപ്പ് വസ്‌തുക്കൾ വിപണിയിൽ ലഭ്യമാണ്. ആറു മാസം കൂടുമ്പോൾ മേക്കപ്പ് മാറ്റാൻ പ്രത്യേകം ശ്രദ്ധിക്കണം.
  • വെളിച്ചം മസ്റ്റ്
  • മേക്കപ്പ് ചെയ്യുന്ന മുറിയിലെ പ്രകാശം വളരെ പ്രധാനമാണ്. സൂര്യപ്രകാശവും കുളിമുറിയിലെ വെളിച്ചവും വ്യത്യസ്‌തമായിരിക്കും. സാധാരണ പ്രകാശത്തിൽ മേക്കപ്പ് ഇടുന്നതാണ് നല്ലത്. യഥാർത്ഥ സ്‌കിൻ ടോൺ വ്യക്തമായി അറിയാം.
  • ഫൗണ്ടേഷൻ ക്രീം

സ്‌കിൻ ടോണിന് അനുയോജ്യമല്ലാത്ത ഫൗണ്ടേഷൻ ഉപയോഗിച്ചുകഴിഞ്ഞാൽ ഗുണത്തേക്കാളേറെ അത് ദോഷം ചെയ്യും. ഓരോ ഫൗണ്ടേഷനും ഏതു സ്‌കിൻ ടോണിന് ചേരുന്നതാണെന്ന് കൃത്യമായി അതിനു പുറത്ത് എഴുതിയിട്ടുണ്ടാകും. വെളുത്ത നിറമുള്ളവർക്ക് 'വീറ്റിഷ് സ്‌കിൻ" എന്ന് പ്രത്യേകം എഴുതിയിട്ടുണ്ടാകും. നിറം കുറഞ്ഞവർ ഇത് ഉപയോഗിച്ചാൽ കൂടുതൽ മേക്കപ്പ് ഇട്ടതായി തോന്നും. അതപോലെ നിറം കുറഞ്ഞവർക്കുള്ള ഫൗണ്ടേഷൻ വെളുത്തവർ ഉപയോഗിച്ചാൽ കറുത്തിരുണ്ടതായി തോന്നും. എല്ലാത്തിനും പുറമെ മിതമായി വേണം ഫൗണ്ടേഷൻ ക്രീം ഉപയോഗിക്കാൻ. ദ്രവരൂപത്തിലുള്ള ഫൗണ്ടേഷനോ കൺസീലറോ ഉപയോഗിക്കുന്നതാണ് യഥാർത്ഥമായ തിളക്കം കിട്ടാൻ നല്ലത്.

  • പുരികം വരയ്‌ക്കണോ?പുരികം വരയ്‌ക്കരുത്. കൃത്രിമമായി തോന്നും. ഐ പെൻസിൽ കൊണ്ട് ഷെയ്ഡ് ചെയ്‌തേ കൊടുക്കാവൂ. പുരികത്തിന്റെ തുടക്കത്തിൽ ഡാർക്ക് ഷെയ്ഡ് കൊടുക്കരുത്. മുഖത്തിന് ക്രൂരഭാവം തോന്നും. പുരികമെഴുതാനുള്ള ഐ ബ്രോ ജെൽ കടകളിൽ കിട്ടും.
  • കണ്ണിന് കെയർ

കണ്ണ് കുഴിഞ്ഞവർ കണ്ണെഴുതമ്പോൾ ഐ ഷാഡോ ലൈറ്റ് ഷെയ്ഡായേ കൊടുക്കാവൂ. കണ്ണിന്റെ മുകളിൽ മാത്രം ഐ ജെല്ലോ ഐ ലൈനറോ ഇട്ടിട്ട്, മസ്‌കാരയിടുക. താഴെ ചെയ്യരുത്. വലിയ ഉണ്ടക്കണ്ണുള്ളവർ ഐ ലാഷിനോട് ചേർന്ന് വാലിട്ട് കണ്ണെഴുതുക. ഐ ബോളിന്റെ (കൃഷ്‌ണമണിയുടെ) നിറം അനുസരിച്ച് ഐ ജെൽ തിരഞ്ഞെടുക്കുക. പൂച്ചക്കണ്ണുള്ളവർ കറുപ്പ് ഐ ലൈനർ കൊണ്ട് എഴുതരുത്. ബ്രൗൺ ഐലൈനർ കൊണ്ട് എഴുതുന്നതാണ് നല്ലത്. പലതരം കളർ കാജൽ കിട്ടും. ഗ്രീൻ, ബ്രൗൺ തുടങ്ങിയ നിറങ്ങളിൽ. അത് വസ്ത്രത്തിന്റെ നിറമനുസരിച്ച് സെലക്ട് ചെയ്ത് കണ്ണിന്റെ കോണിൽ ചെറുതായി ഷെയ്ഡ് ചെയ്തു കൊടുത്താൽ ടീനേജ് പ്രായത്തിലുള്ള പെൺകുട്ടികൾക്ക് ഭംഗിയേകും.

പാർട്ടി മേക്കപ്പിന് കവിളിൽ ബ്‌ളഷ് വേണം. ലിപ് ഗിറ്ററൻസ് ഉള്ള ബ്ളഷ് ഇട്ടാൽ കവിളിനു തുടിപ്പു തോന്നിക്കും. ലൈറ്റ് ബ്രൗൺ ഷെയ്ഡ്, ഐഷാഡോ ആയും ബ്ളഷ് ആയും ഇട്ടാൽ നാച്വറൽ ലുക്ക് തോന്നും.

  • ee

  • വാട്ടർപ്രൂഫ് സൂക്ഷിച്ച്
  • ദിവസവും വാട്ടർപ്രൂഫ് മസ്‌കാര ഉപയോഗിക്കുന്നവരോട് അതൊന്ന് കുറച്ചാൽ നന്നായിരിക്കുമെന്ന് വിദഗ്ദർ പറയുന്നു. ഒഴിവാക്കാനാകാത്ത പാർട്ടിയോ മറ്റു അവസരങ്ങളിലോ മാത്രം മസ്‌കാര ഉപയോഗിക്കുക. ദിവസം മുഴുവൻ ഓടിക്കൊണ്ടിരിക്കുന്ന ഒരാളുടെ കൺപീലികൾക്കിടയിൽ മസ്‌കാര ഒട്ടിപ്പിടിച്ചിരിക്കും. കിടക്കുന്നതിനു മുൻപ് ഓയിൽ ഉപയോഗിച്ച് ഇത് പൂർണമായും കഴുകി കളയണം. ഇല്ലെങ്കിൽ കാഴ്‌ചയ്‌ക്ക് തന്നെ തകരാറു സംഭവിക്കും.
  • ലിപ്സ്റ്റിക്കിന്റെ നിറവും കവിളുകളുടെ നിറവും
  • മേക്കപ്പ് ചെയ്യമ്പോൾ ലിപ്സ്റ്റിക്കിന്റെ നിറവും കവിളുകളുടെ നിറവും ഒരപോലെ ആയിരിക്കണം. രണ്ടും വെവ്വേറെ ആണെങ്കിൽ അത് മുഖത്തിന് ചേർച്ചയുണ്ടാകില്ല. ബ്ളഷ് ഉപയോഗിക്കമ്പോൾ കൂടുതൽ ഉപയോഗിക്കരുത്. അതപോലെ മുഖത്തിന്റെ നിറത്തിന് അനയോജ്യമായ നിറത്തിലുള്ള ബ്‌ളഷ് വേണം ഉപയോഗിക്കാൻ. വെളുത്ത നിറമുള്ളവർക്ക് ഇളം പിങ്ക് നിറത്തിലുള്ള ഷെയ്ഡുകളാണ് കൂടുതൽ നല്ലത്. ഇരുണ്ട നിറമുള്ളവർക്കാണെങ്കിൽ കോറൽ, ഓറഞ്ച്, ബെറി ഷെയ്ഡുകൾ ചേരും.
  • തിളക്കമില്ലാത്ത ലിപ്സ്റ്റിക്ക്

ചുണ്ടുകളിൽ തിളക്കമില്ലാത്ത ലിപ്സ്റ്റിക് ഉപയോഗിക്കാം. നാച്ചുറൽ ലുക്ക് കിട്ടാൻ വേണ്ടിയാണിത്. കൂടുതൽ ഡ്രൈ ആയി തോന്നുകയാണെങ്കിൽ ആർഗൻ ഓയിൽ ഉപയോഗിക്കാം. ലാക്‌മെയുടെ ആർഗൻ ഓയിൽ ലിപ്പ് കളറുകൾ വിപണിയിൽ ലഭ്യമാണ്.

മേക്കപ്പിനൊപ്പം വേണം സൗന്ദര്യസംരക്ഷണവും

മേക്കപ്പ് കൊണ്ട് മാത്രം സൗന്ദര്യം കൈവരിക്കാനാവില്ല. അതിനൊപ്പം കൃത്യമായ പരിചരണത്തിലൂടെ സൌന്ദര്യം സംരക്ഷിക്കുകയും വേണം. ഇതിന് ബ്യൂട്ടിപാർലറിലെ ചെലവേറിയ ട്രീറ്റ്‌മെന്റുകൾ തന്നെ വേണമെന്നില്ല. സൗന്ദര്യസംരക്ഷണത്തിന് പ്രകൃതിദത്ത മാർഗങ്ങളെ കൂടുതലായി ആശ്രയിക്കുന്നതാണ് നല്ലത്. ഇവയ്ക്ക് അധികം പണച്ചെലവും ആവില്ല.

മുഖസൗന്ദര്യം കാക്കാൻ

പ്രായമനുസരിച്ച് മുഖചർമസംരക്ഷണത്തിനുള്ള മാർഗങ്ങൾ കൃത്യമായി ചെയ്യണം. ടീനേജ് കുട്ടികൾ തൊട്ട് 25 വയസിനു താഴെയുള്ളവർ വരെ മുഖം ക്ലീൻ അപ്പ് ചെയ്താൽ മതി. മൂന്ന് മാസം കൂടമ്പോൾ ക്ലീൻ അപ്പ് ചെയ്യാം. ഈ പ്രായക്കാർക്ക് മുഖത്ത് മസാജിംഗ് നൽകാറില്ല. 25-35 പ്രായത്തിൽ മാസത്തിലൊരിക്കലോ രണ്ടു മാസം കൂടമ്പോഴോ ഫേഷ്യൽ ചെയ്യണം. 35 കഴിഞ്ഞ് മാസത്തിൽ ഒരു ഫേഷ്യൽ നിർബന്ധമായും ചെയ്യുക. 45 കഴിഞ്ഞാൽ ടൈറ്റനിംഗ് പ്‌ളേസ് വൈറ്റനിംഗ് ഹെർബൽ ഫേഷ്യൽ ചെയ്യാം. ബ്ളീച്ച് പതിവായി ഉപയോഗിക്കരുത്. ചർമം കട്ടി കൂടിയതാകും. ബ്ലീച്ചിൽ അമോണിയ അടങ്ങിയിട്ടുണ്ട്. ബ്ളീച്ച് ചെയ്‌തിട്ട് വെയിലത്തിറങ്ങുന്നത് മുഖം കറുക്കാനും ഇടയാക്കും.

eee

ആഴ്‌ചയിലൊരിക്കൽ സ്‌ക്രബ് ചെയ്യുക. ഓട്‌സ് പൊടിച്ചത്, അരിപ്പൊടി, ഓറഞ്ച് തൊലി ഉണക്കി പൊടിച്ചത് ഇവയിലേതെങ്കിലും മുട്ടവെള്ളയിൽ മിക്‌സ് ചെയ്‌ത് സ്‌ക്രബ്ബ് പോലെ ഉപയോഗിക്കാം. അതിനു ശേഷം തണുത്ത വെള്ളത്തിൽ കഴുകി കളയുക. പുറത്തപോയി വരമ്പോൾ മുഖം വൃത്തിയാവാൻ ഇളം ചൂടുവെള്ളത്തിൽ മുഖം കഴുകുക.

സൺ സ്‌ക്രീൻ ലേപനം എപ്പോഴും വാനിറ്റി ബാഗിൽ കരുതുക. എസ്‌.പി.എഫ് 30 എങ്കിലും വേണം. വീട്ടിലായാലും പുറത്ത് ആയാലും സൺ സ്‌ക്രീൻ ലേപനം ഉപയോഗിക്കുന്നത് പതിവാക്കുക. മുഖത്തും കഴുത്തിലും കൈത്തണ്ടയിലും (വെയിലേൽക്കുന്ന ശരീരഭാഗങ്ങളിൽ) പുരട്ടുക. കടകളിൽ കിട്ടുന്ന ഫേഷ്യലിംഗ് കിറ്റുകൾ ഉപയോഗിച്ച് മുഖം ഫേഷ്യൽ ചെയ്യാതിരിക്കുക. കാരണം, ഇവ നിങ്ങളുടെ മുഖചർമത്തിന് ഇണങ്ങുന്നതാണോ എന്നുറപ്പില്ല. അതിനു പകരം വീട്ടിൽ തന്നെ, പഴങ്ങളും പച്ചക്കറികളും ധാന്യപ്പൊടിയും മറ്റുമുപയോഗിച്ച് ഫേഷ്യൽ സ്വയം ചെയ്യാവുന്നതാണ്. അല്ലെങ്കിൽ ബ്യൂട്ടി പാർലറിൽ പോയി വിദഗ്ദ്ധയായ ബ്യൂട്ടീഷ്യന്റെ മേൽനോട്ടത്തിൽ നിങ്ങളുടെ ചർമത്തിനിണങ്ങുന്ന ഫേഷ്യലിംഗ് ചെയ്യുക.

  • വീട്ടിൽ തന്നെ ചെയ്യാം: ഫേഷ്യലിംഗും പായ്‌ക്കും
  • എണ്ണമയമുള്ള ചർമക്കാർക്ക്: പയർ പൊടി, കടലമാവ്, ചെറുനാരങ്ങാനീര് എന്നിവ അൽപം വീതമെടുത്ത് മിക്‌സ് ചെയ്തു കുഴമ്പാക്കി മുൾട്ടാണി മിട്ടിയും ചേർത്ത് മുഖത്ത് പാക്ക് ആയി ഇടുക. പത്തു മിനിറ്റ് കഴിഞ്ഞ് തണുത്ത വെള്ളത്തിൽ കഴുകി കളയുക. ചർമം അമിതമായി ഉണങ്ങി വലിയുന്നതിനു മമ്പേ കഴുകണം. വരണ്ട ചർമക്കാർക്ക്: തിളപ്പിക്കാത്ത പാൽ, ഗോതമ്പുമാവ്, ഓട്‌സ് പൊടിച്ചത് എന്നിവ മിക്‌സ് ചെയ്‌ത് ഫേസ് പാക്ക് ഇടുക. പത്തു മിനിറ്റ് കഴിഞ്ഞ് തണുത്ത വെള്ളത്തിൽ കഴുകുക.സാധാരണ ചർമക്കാർക്ക് ഇതു രണ്ടും അനയോജ്യമാണ്.

വെയിലേറ്റുണ്ടാകുന്ന കരുവാളിപ്പ് മാറാൻ: ഉരുളക്കിഴങ്ങ് തൊലി കളഞ്ഞ് അരച്ച് അതിൽ അൽപം ഗോതമ്പു മാവ് കൂട്ടിക്കലർത്തി ഫേസ്‌പാക്ക് പോലെ ഇടുക. കുറച്ച് തേൻ കൂടി ചേർത്തിട്ടാൽ ഗുണമേറും. ഇത് ചർമത്തിന്റെ കരുവാളിപ്പ് മാറാൻ എല്ലാവർക്കും പതിവായി ചെയ്യാവുന്നതാണ്.


മുഖത്തിന്റെ ക്ഷീണം മാറ്റാൻ: ചെറിയ സാലഡ് വെള്ളരി അരച്ചിട്ട് അൽപം നാരങ്ങാനീരും ചേർത്ത് ഈ മിശ്രിതം ഫ്രിഡ്‌ജിൽ വച്ചു തണുപ്പിക്കുക. പിന്നീട് മുഖത്തിടുക. മുഖത്തിന് ഉണർവു ലഭിക്കും.


വീട്ടിൽ ഒരു ബ്ളീച്ച്: തൈര് പ്രകൃതി ദത്തമായ ബ്ളീച്ചിംഗ് ഏജന്റാണ്. ഇത് മുഖത്തെ കരുവാളിപ്പ് മാറാൻ ആർക്കും ഉപയോഗിക്കാം. വീട്ടിൽ ഒരു ബ്ളീച്ച് വേണമെങ്കിൽ തൈരിൽ ഓട്‌സോ പാൽപ്പൊടിയോ മിക്‌സ് ചെയ്ത് മുഖത്തു പുരട്ടി പത്തു മിനിറ്റിനു ശേഷം കഴുകി കളയുക. വരൾച്ച തോന്നിയാൽ അൽപം മോയിസ്ചറൈസർ മുഖത്ത് പുരട്ടുക.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WEEKLY, BEAUTY
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.