ഏറെ പ്രതീക്ഷകളോടെയാണ് നാം പുതുവർഷത്തെ വരവേറ്റത്. 2020 മുതൽ തുടങ്ങിയ കൊവിഡ് ഭീഷണി ഒമിക്രോൺ വകഭേദത്തിന്റെ വരവോടെ ഈ വർഷവും തുടരാനാണ് സാദ്ധ്യത! 2022 പകുതിയോടെ ലോകാരോഗ്യ സംഘടന ലക്ഷ്യമിട്ട 70 ശതമാനം വാക്സിനേഷനിലെത്തുന്നതോടെ ഏറെ മാറ്റങ്ങൾ തൊഴിൽമേഖലയിൽ പ്രതീക്ഷിക്കാം! ഈ വർഷവുംം സേവനമേഖലയിൽ കോർപ്പറേറ്റുകൾ റിമോട്ട് രീതി തന്നെ തുടരാനാണ് സാദ്ധ്യത! മൈക്രോസോഫ്റ്റ്, ആപ്പിൾ, അഡോബ്, സിറ്റി ഗ്രൂപ്പ്, ട്വിറ്റർ, ആമസോൺ, ഡ്രോപ്പ് ബോക്സ് മുതലായവ പൂർണ്ണമായും 2022 ൽ 'വർക്ക് ഫ്രം ഹോം" തുടരാനുള്ള തയ്യാറെടുപ്പിലാണ്. ഇതോടൊപ്പം ഹൈബ്രിഡ് രീതിയിലേക്കുള്ള ചർച്ചകൾ മൈക്രോസോഫ്റ്റിലും, ആപ്പിളിലും നടന്നുവരുന്നു! ആഴ്ചയിൽ നാലു തൊഴിൽ ദിനങ്ങൾ കൊണ്ടുവന്ന നടപടിക്രമങ്ങൾ യൂറോപ്പ്യൻ രാജ്യങ്ങളിലും, ഷാർജയിലും നിലവിൽ വന്നു !
ഓൺലൈൻ തൊഴിലും ഓൺലൈനും ഒഫ്ലൈൻ രീതിയും ചേർന്നുള്ള ഹൈബ്രിഡ് രീതിയും രണ്ടിനം തൊഴിലാളികളെ സൃഷ്ടിക്കുന്നതായുള്ള ആക്ഷേപങ്ങളും വർദ്ധിച്ചു വരും! തൊഴിൽ മേഖലയിലെ അസമത്വം ഏറെ പ്രതിസന്ധികൾ സൃഷ്ടിക്കും. മികച്ച തൊഴിലാളികൾ കൂടുതലായി രാജിവച്ച് പുത്തൻ മേഖലകളിലെത്തും, സംരംഭകരാകും! ഡിജിറ്റലൈസേഷനും അനുബന്ധ സാങ്കേതിക വിദ്യകളും വിപുലപ്പെടും. ഓട്ടോമേഷൻ, റോബോട്ടിക്സ് എന്നിവയുടെ നിർമ്മാണം, ഭൗതിക സൗകര്യ, കാൾ സെന്റർ മേഖലകളിൽ കൂടുതലായി പ്രാവർത്തികമാകും. കൃത്രിമബുദ്ധിയുടെ സ്വാധീനം പതിന്മടങ്ങ് വർദ്ധിക്കും. ഗാർഡനറുടെ പഠനങ്ങൾ സൂചിപ്പിക്കുന്നത് 2022 ൽ ഓട്ടോമേഷൻ രംഗത്തെ കുതിച്ചു ചാട്ടം സാങ്കേതിക രംഗത്ത് 600 ബില്ല്യൺ ഡോളറിന്റെ വളർച്ചയ്ക്കിടവരുത്തുമെന്നാണ്! ഇതിലൂടെ സാങ്കേതിക ബിസിനസ്് സംരംഭങ്ങളുടെ പ്രവർത്തനച്ചെലവ് 30 ശതമാനം കുറയും !
അതോടൊപ്പം സാങ്കേതിക വിദ്യാ ഷെയറിംഗ് കൂടുതലായി പ്രാബല്യത്തിൽ വരും. ക്ലൗഡ് സാങ്കേതിക വിദ്യ 80 ശതമാനം സ്ഥാപനങ്ങളും അവലംബിക്കും. ഇതിനനുസൃതമായി യഥേഷ്ടം ആപ്ലിക്കേഷനുകൾ രൂപപ്പെടും. 2021 ഏപ്രിലിൽ ഒന്നരക്കോടി തൊഴിലാളികൾക്കാണ് ലോകത്താകമാനം രാജിവയ്ക്കേണ്ടി വന്നത്! കോർപ്പറേറ്റുകൾ ആകർഷകമായ ശബള പാക്കേജ് നടപ്പിലാക്കും. തുടർ സ്കിൽ വികസനത്തിലൂന്നിയ അപ്പ് സ്കില്ലിംഗ് വിപുലപ്പെടും. സമ്മർദ്ദങ്ങളെ അതിജീവിച്ച് ജോലിയിൽ തുടരുന്നവരുടെ എണ്ണം കുറയാനിടവരും! തൊഴിലാളികളുടെ അഭിപ്രായം മനസിലാക്കാൻ തൊഴിൽദാതാക്കൾ നിർബന്ധിതരാകും! ഇന്നവേഷൻ, ഭാവി സാങ്കേതിക വിദ്യ, തൊഴിലുകൾ എന്നിവ കമ്പനികൾ പ്രയോജനപ്പെടുത്തും. തൊഴിലാളികളുടെ ആരോഗ്യം, സുരക്ഷ, മാനസികാരോഗ്യം എന്നിവയ്ക്ക് മ ുഖ്യ പരിഗണന ലഭിയ്ക്കും. കൊവിഡ് ബൂസ്റ്റർ ഡോസുകൾ എല്ലാവരും എടുക്കേണ്ടി വരും.
പുത്തൻ നൈപുണ്യ ശേഷി ഓൺലൈൻ തൊഴിലിന് ആവശ്യമായി വരും. 2025 ഓടു കൂടി 40 ശതമാനം തൊഴിലാളികൾക്കും റീസ്കില്ലിംഗ് ആവശ്യമായി വരും. ഡിജിറ്റൽ ഐ.ടി. സ്കില്ലുകൾക്കും സോഫ്റ്റ് സ്കില്ലുകൾക്കും പ്രാധാന്യമേറും. ടീം മാനേജ്മെന്റ്, ആശയവിനിമയം, ഇമോഷണൽ ഇന്റലിജന്റ്സ് എന്നിവയ്ക്ക് ആവശ്യകതയേറും ! തൊഴിലിൽ നിന്നും മാറി പുത്തൻ തൊഴിൽ മേഖലകളിലെത്താൻ സാങ്കേതിക വിദ്യ സ്വായത്തമാക്കാനുള്ള ശ്രമം ഊർജ്ജിതമാകും.
പാരിസ്ഥിതിക, സാമൂഹിക, ഭരണനിർവഹണ മേഖലകൾക്കിണങ്ങിയ നയരൂപീകരണത്തിന് പ്രാധാന്യമേറും. ഇവയ്ക്കിണങ്ങിയ സുസ്ഥിര സാങ്കേതിക വിദ്യ നിർമ്മാണം, ഭൗതികസൗകര്യ വികസനം, ആർക്കിടെക്ചർ, അഗ്രിബിസിനസ് എന്നിവ വിപുലപ്പെടും. യു.എൻ. കാലാവസ്ഥ ഉച്ചകോടി COP 26 ന്റെ ചുവട് പിടിച്ച് പാരിസ്ഥിതിക മേഖലയിൽ കൂടുതൽ ഗവേഷണത്തിന് പ്രാധാന്യമേറും. ഇലക്ട്രിക്ക് വാഹനമേഖല, ഓട്ടമേഷൻ, സുസ്ഥിര സാങ്കേതിക വിദ്യ, ഡാറ്റ മാനേജ്മെന്റ് എന്നിവയിൽ സയൻസ്, ടെക്നോളജി, എൻജിനിയറിംഗ്, മാത്തമാറ്റിക്സ് എന്നിവയിൽ കൂടുതൽ തൊഴിലവസരങ്ങൾ രൂപപ്പെടും. കടുത്ത സാമ്പത്തികമാന്ദ്യത്തിനുശേഷം 2022 ൽ മാനേജ്മെന്റ്, അക്കൗണ്ടിംഗ്, ഇൻഷുറൻസ് എന്നിവയിൽ വൻ വളർച്ച പ്രതീക്ഷിക്കാം.
ആരോഗ്യമേഖലയിൽ ടെക്നോളജി, ഡയഗ്നോസ്റ്റിക്സ്, കെയറിംഗ്, നഴ്സിംഗ്, പാലിയേറ്റീവ് കെയർ, പാരാമെഡിക്കൽ രംഗത്ത് ലോകത്താകമാനം റിക്രൂട്ട്മെന്റ് വർദ്ധിക്കും. കാർഷിക മേഖലയിൽ അഗ്രിക്കൾച്ചർ, അഗ്രിബിസിനസ്, വെറ്ററിനറി സയൻസ്, ഫുഡ് ടെക്നോളജി, ഡയറി സയൻസ് എന്നിവയിൽ അവസരങ്ങളേറും. ഭക്ഷ്യറീട്ടെയ്ൽ, ഇ-കൊമേഴ്സ്, കംപ്യൂട്ടർ സയൻസ്, മെഷീൻ ലേർണിംഗ്, ബ്ലോക്ക് ചെയിൻ ടെക്നോളജി, കുലിനറി ആർട്സ്, ഹോസ്പിറ്റാലിറ്റി, എയർലൈൻ മാനേജ്മെന്റ് എന്നിവയിൽ വളർച്ച പ്രതീക്ഷിക്കാം. രോഗനിർണയ വാക്സിൻ നിർമ്മാണ മേഖലയിൽ ബയോടെക്നോളജി, ലൈഫ് സയൻസ് എന്നിവ വിപുലപ്പെടും. സോഷ്യൽ സയൻസ്, ലിബറൽ ആർട്സ്, ബിസിനസ് ഇക്കണോമിക്സ്, ഡിജിറ്റൽ മാർക്കറ്റിംഗ്, ഡിസൈൻ, ഫാഷൻ കമ്മ്യൂണിക്കേഷൻ, സൈക്കോളജി കോഴ്സുകൾ കൂടുതൽ വിദ്യാർത്ഥികൾ തിരഞ്ഞെടുക്കും .
ഫാഷൻ, ന്യൂമീഡിയ, അപ്പാരൽ ഡിസൈൻ, അനിമേഷൻ, മോളിക്കുലാർ ബയോളജി, എംബ്രിയോളജി, സോഷ്യോളജി, ഭാഷ എന്നിവയ്ക്ക് പ്രാധാന്യമേറും. സപ്ലൈ ചെയിൻ മാനേജ്മെന്റ്, പ്രൊജക്ട് മാനേജ്മെന്റ്, ലോജിസ്റ്റിക്സ് രംഗത്ത് കൂടുതൽ സാങ്കേതിക വിദ്യകൾ പ്രാവർത്തികമാക്കും. 2022 ഐക്യരാഷ്ട്ര സംഘടന മത്സ്യമേഖലയ്ക്ക് പ്രാധാന്യം നൽകി ഫിഷറീസ് ആന്റ് അക്വാകൾച്ചർ വർഷമായാണ് ആചരിക്കുന്നത്. ഫിഷറീസ് സാങ്കേതിക വിദ്യയിൽ കൂടുതൽ തൊഴിലും ഗവേഷണ പദ്ധതികളും രൂപപ്പെടും. 2022 ൽ വിദേശ പഠനത്തിനെത്തുന്ന വിദ്യാർത്ഥികളുടെ എണ്ണം കൂടും. കാനഡ, അമേരിക്ക രാജ്യങ്ങൾ ഉന്നത വിദ്യാഭ്യാസ രംഗത്ത് കൂടുതൽ വിദ്യാർത്ഥികൾ തിരഞ്ഞെടുക്കും. പ്ലസ്ടുവിനുശേഷം ശേഷം വിദേശ പഠനത്തിനെത്തുന്ന വിദ്യാർത്ഥികളുടെ എണ്ണം വർദ്ധിക്കും. സ്കിൽ വികസനം, റീ സ്കില്ലിംഗ്, അപ്പ് സ്കില്ലിംഗ് എന്നിവ 2022 ൽ മികച്ച തൊഴിലിനുള്ള വിജയമന്ത്രങ്ങളാകും. !
(Dr.T.P.Sethumadhavan, Professor,
Transdisciplinary University of Health
Sciences & Technology, Yelahanka,
Bengaluru)
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |