കഥ കേൾക്കുന്നതിനിടെ സുരേഷേ് ഗോപി എഴുന്നേറ്റ് പോയി, വാങ്ക് വിളിച്ചപ്പോൾ നോമ്പ് തുറക്കാനുള്ള ജ്യൂസും പഴങ്ങളുമെല്ലാം കൃത്യസമയത്ത് ഞങ്ങളുടെ മുന്നിലെത്തി

​​​​സിനിമയ്ക്ക് പുറമെ ജനങ്ങൾക്കിടയിലും സൂപ്പർതാര പരിവേഷമുള്ള നടനാണ് സുരേഷ് ഗോപി. രാഷ്‌ട്രീയത്തിലും സാമൂഹ്യസേവനത്തിലും അദ്ദേഹം ശ്രദ്ധേയനാണ്. ​ജി​ബു​ ​ജേ​ക്ക​ബ് സംവിധാനം ചെയ്യുന്ന 'മേ​ ​ഹും​ ​മൂ​സ'യാണ് ഇനി പുറത്തിറങ്ങാനുള്ള സുരേഷ് ഗോപി ചിത്രം.

പൂ​നം​ ​ബ​ജ്‌​വ​യാണ് ചിത്രത്തിലെ നായിക. ​സെ​പ്തം​ബ​ർ​ 30​ന് ​ചി​ത്രം​ ​റി​ലീ​സ് ​ചെ​യ്യു​മെ​ന്നാണ് ​അ​ണി​യ​റ​ ​പ്ര​വ​ർ​ത്ത​ക​ർ​ പറയുന്നത്. ജോ​ണി​ ​ആ​ന്റ​ണി,​ സൈ​ജു​ ​കു​റു​പ്പ്,​ ഹ​രീ​ഷ് ​ക​ണാ​ര​ൻ​ ,​മേ​ജ​ർ​ ​ര​വി,​ മി​ഥു​ൻ​ ​ര​മേ​ശ്,​ ​ശ​ശാ​ങ്ക​ൻ​ ​മ​യ്യ​നാ​ട്,​ ​ക​ണ്ണ​ൻ​ ​സാ​ഗ​ർ,​ ​അ​ശ്വി​നി,​സ​ര​ൺ,​ ​ജി​ജി​ന ​തു​ട​ങ്ങി​യ​വ​രാ​ണ് ​മ​റ്റു​ ​താ​ര​ങ്ങ​ൾ.​ ​കോ​ൺ​ഫി​ഡ​ന്റ് ​ഗ്രൂ​പ്പ്,​ ​തോ​മ​സ് ​തി​രു​വ​ല്ല​ ​ഫി​ലിം​സി​ന്റെ​ ​ബാ​ന​റി​ൽ​ ​ഡോ​ക്ട​ർ​ ​സി​ .​ജെ​ ​റോ​യ്,​ ​തോ​മ​സ് ​തി​രു​വ​ല്ല​ ​എ​ന്നി​വ​ർ​ ​ചേ​ർ​ന്ന് ​നി​ർ​മി​ക്കു​ന്ന​ ​ചി​ത്ര​ത്തി​ന്റെ​ ​ഛാ​യാ​ഗ്ര​ഹ​ണം​ ​വി​ഷ്ണു​ ​നാ​രാ​യ​ണ​ൻ​ ​നി​ർ​വ​ഹി​ക്കു​ന്നു.

​​​​

ഇപ്പോഴിതാ സുരേഷ് ​ഗോപിയെ കുറിച്ച് സംവിധായകൻ സമദ് മങ്കട പറഞ്ഞവാക്കുകൾ ശ്രദ്ധനേടുകയാണ്. കിച്ചാമണി എം.ബി.ബി.എസ് എന്ന ചിത്രത്തിന്റെ കഥപറയാൻ സുരേഷ് ഗോപിയുടെ അടുത്ത് പോയ അനുഭവമാണ് സംവിധായകൻ പങ്കുവച്ചത്. 'മാസ്റ്റർ ബിൻ' എന്ന യൂട്യൂബ് ചാനലിന് നൽകിയ അഭിമുഖത്തിലായിരുന്നു സംവിധായകന്റെ പ്രതികരണം.

'സുരേഷേട്ടനെ വച്ച് ഈ സബ്‌ജെക്‌ട് ചെയ്യണം എന്നായിരുന്നു ആഗ്രഹം. പക്ഷെ പുള്ളി ചെയ്യുമോ എന്നറിയില്ല. അദ്ദേഹം ചെയ്യുന്ന സിനിമകളുടെ പാറ്റേണിലുള്ളതല്ല. കൊച്ചിന്‍ ഹനീഫക്കയെക്കൊണ്ട് പറയിപ്പിക്കാമെന്നായിരുന്നു കരുതിയിരുന്നത്. അദ്ദേഹം പറഞ്ഞാല്‍ എല്ലാവരും കേള്‍ക്കും. ഹനീഫ്ക്കയെ എല്ലാവര്‍ക്കും ഇഷ്ടമാണ്. കൊച്ചിയിലേക്ക് വരാൻ അദ്ദേഹം ആവശ്യപ്പെട്ടു.

ഹനീഫ്ക്കയാണ് ഞങ്ങളെ പരിചയപ്പെടുത്തുന്നത്. ഇത് സമദ് മങ്കട. ആനച്ചന്തം, മധുചന്ദ്രലേഖ തുടങ്ങിയ സിനിമകള്‍ നിര്‍മ്മിച്ചിട്ടുണ്ട്. പുള്ളി ഒരു സബ്‌ജെക്‌ടുമായി വന്നതാണ്. ഡയറക്‌ട് ചെയ്യാനാണ് താത്പര്യപ്പെടുന്നത്. ഈ കഥയൊന്ന് കേൾക്കണം. ചെയ്യണോ വേണ്ടയോ എന്ന് കേട്ടിട്ട് തീരുമാനിക്കണം എന്ന് സുരേഷേട്ടനോട് പറഞ്ഞു.

അത് റംസാൻ സമയമാണ്. നോമ്പെടുത്തിട്ടാണ് പോകുന്നത്. നോമ്പുണ്ടോ എന്ന് സുരേഷേട്ടൻ ചോദിച്ചു. ആറുമണി സമയമാണ്. നോമ്പുണ്ടെന്ന് പറഞ്ഞു. അദ്ദേഹം എഴുന്നേറ്റ് പോയി ആർക്കോ ഫോൺ ചെയ്യുന്നുണ്ടായിരുന്നു. നോമ്പിന്റെ ക്ഷീണം ഉണ്ടെങ്കിലും അതൊക്കെ മറന്ന് കഥ പറയുകയായിരുന്നു. കൃത്യം വാങ്കിന്റെ സമയത്ത് ഞങ്ങളുടെ മുന്നിലേക്ക് ജ്യൂസും ഫ്രൂട്ട്‌സുമൊക്കെ വന്നു. നോമ്പ് തുറക്കാനുള്ളതൊക്കെ പുള്ളി അറേഞ്ച് ചെയ്‌ത് കൃത്യസമയത്ത് തന്നെ എത്തിച്ചു. കഥ ഇഷ്ടപ്പെട്ട അദ്ദേഹം ചെയ്യാമെന്ന് സമ്മതിച്ചു'- സമദ് പറഞ്ഞു.