SignIn
Kerala Kaumudi Online
Thursday, 28 March 2024 9.42 PM IST

 സർക്കാരിനോട് മയപ്പെട്ട് ഗവർണർ: സാങ്കേതിക വി.സിയുടെ ചുമതല സജിക്ക് നൽകിയേക്കും

p

തിരുവനന്തപുരം: വൈസ്ചാൻസലർ നിയമനത്തിൽ സർക്കാരിന് പങ്കില്ലെന്ന നിലപാട് മാറ്റിയ ഗവർണർ, സർക്കാരിന്റെ ആവശ്യ പ്രകാരം സാങ്കേതിക സർവകലാശാലാ വി.സിയുടെ താത്കാലിക ചുമതല ഡിജിറ്റൽ സർവകലാശാലാ വി.സി ഡോ.സജി ഗോപിനാഥിന് നൽകിയേക്കും.

വൈസ്ചാൻസലറുടെ ചുമതല വഹിക്കുന്ന പ്രൊഫ. സിസാതോമസ് 31ന് വിരമിക്കുമ്പോൾ സജി ഗോപിനാഥിനോ ,സർക്കാർ നിർദ്ദേശിക്കുന്ന മറ്റാർക്കെങ്കിലുമോ ചുമതല നൽകാൻ വിരോധമില്ലെന്ന് ഗവർണർ അറിയിച്ചു. ഇക്കാര്യമറിയിച്ചുള്ള ഗവർണറുടെ സെക്രട്ടറിയുടെ കത്തിൽ ഉന്നത വിദ്യാഭ്യാസ മന്ത്രി ആർ.ബിന്ദു തീരുമാനമെടുക്കും. വി.സിയുടെ ചുമതല നൽകാൻ സർക്കാർ നേരത്തേ കൈമാറിയ മൂന്നംഗ പാനൽ തള്ളിക്കളഞ്ഞ ശേഷമാണ് ഈ അഭിപ്രായം തേടൽ. സാങ്കേതിക വിദ്യാഭ്യാസ ഡയറക്ടർ ഇൻ ചാർജ് ഡോ. ടി.പി ബൈജു ബായി, സാങ്കേതിക യൂണി. മുൻ അക്കാഡമിക് ഡീൻ ഡോ.വൃന്ദ വി നായർ, കോട്ടയം രാജീവ് ഗാന്ധി ഇൻസ്റ്റിറ്റ്യൂട്ട് പ്രിൻസിപ്പലും സിൻഡിക്കേറ്റംഗവുമായ ഡോ.സി.സതീഷ് കുമാർ എന്നിവരാണ് പാനലിലുണ്ടായിരുന്നത്. ഇവരിലാരെയും നിയമിക്കാനാവില്ലെന്ന് ഗവർണർ വ്യക്തമാക്കിയിട്ടുണ്ട്. താത്കാലിക വി.സി നിയമനത്തിൽ സർക്കാരിന് ശുപാർശ നൽകാനുള്ള അധികാരം ഹൈക്കോടതി നേരത്തേ അംഗീകരിച്ചിരുന്നു. ഇതിന്റെ അടിസ്ഥാനത്തിലാണ് ഗവർണർ സർക്കാരിനോട് അഭിപ്രായം തേടിയത്..

ഇരുപക്ഷവും

അയയുന്നു

കേരള സർവകലാശാലയിലെ15 നോമിനേറ്റഡ് സെനറ്റംഗങ്ങളെ പിൻവലിച്ചതും ,സെനറ്റ് പ്രതിനിധിയില്ലാതെ സെർച്ച് കമ്മിറ്റിയുണ്ടാക്കിയതും ഹൈക്കോടതി റദ്ദാക്കിയതിനു പിന്നാലെയാണ് ,ഗവർണർ കെ.ടി.യു താത്കാലിക വി.സി നിയമനത്തിൽ സർക്കാരിന്റെ അഭിപ്രായം തേടിയത്.

ഉടൻ ഒഴിവു വരുന്ന എം.ജി, കുസാറ്റ് വി.സിമാരുടെ ചുമതല നൽകുന്നതും സർക്കാരിന്റെ താത്പര്യ പ്രകാരമായിരിക്കും. കേരള വി.സി നിയമനത്തിന് സെനറ്റ് പ്രതിനിധിയെ നൽകേണ്ടെന്ന തീരുമാനത്തിൽ നിന്ന് സർക്കാരും പിന്മാറും. മലയാളം സർവകലാശാലയിലെ സ്വന്തം സെർച്ച് കമ്മിറ്റിയും വേണ്ടെന്നു വയ്ക്കും.

സി​സാ​ ​തോ​മ​സ് ​ഇ​ന്ന്
ഗ​വ​ർ​ണ​റെ​ ​കാ​ണും

തി​രു​വ​ന​ന്ത​പു​രം​:​ 31​ന് ​വി​ര​മി​ക്കു​ന്ന​ ​സാ​ങ്കേ​തി​ക​ ​സ​ർ​വ​ക​ലാ​ശാ​ലാ​ ​വി.​സി​ ​സി​സാ​ ​തോ​മ​സ് ​ഇ​ന്ന് ​രാ​ജ്ഭ​വ​നി​ൽ​ ​ഗ​വ​ർ​ണ​റു​മാ​യി​ ​കൂ​ടി​ക്കാ​ഴ്ച​ ​ന​ട​ത്തും.​ ​ബാ​ർ​ട്ട​ൺ​ഹി​ൽ​ ​എ​ൻ​ജി​നി​യ​റിം​ഗ് ​കോ​ളേ​ജ് ​പ്രി​ൻ​സി​പ്പ​ൽ​ ​സ്ഥാ​ന​ത്തു​ ​നി​ന്ന് ​വി​ര​മി​ച്ച​ ​ശേ​ഷ​വും​ ​സാ​ങ്കേ​തി​ക​ ​സ​ർ​വ​ക​ലാ​ശാ​ലാ​ ​വി.​സി​യു​ടെ​ ​ചു​മ​ത​ല​യി​ൽ​ ​തു​ട​ർ​ന്നാ​ൽ​ ​സി​സാ​ ​തോ​മ​സി​ന് ​ശ​മ്പ​ളം​ ​ആ​ര് ​ന​ൽ​കു​മെ​ന്ന​ ​ചോ​ദ്യ​മു​ന്ന​യി​ച്ചാ​ണ് ​ഗ​വ​ർ​ണ​റെ​ ​സ​ർ​ക്കാ​ർ​ ​കു​ഴ​പ്പി​ച്ച​ത്.​ ​സാ​ങ്കേ​തി​ക​ ​വി​ദ്യാ​ഭ്യാ​സ​ ​വ​കു​പ്പി​ലെ​ ​ചു​മ​ത​ല​ക​ൾ​ക്ക് ​പു​റ​മേ​ ​അ​ധി​ക​ചു​മ​ത​ല​യാ​യി​ ​വി.​സി​യു​ടെ​ ​താ​ത്കാ​ലി​ക​ ​ചു​മ​ത​ല​ ​ന​ൽ​കി​യാ​ണ് ​ഗ​വ​ർ​ണ​ർ​ ​ഉ​ത്ത​ര​വി​റ​ക്കി​യി​ട്ടു​ള്ള​ത്.​ ​സി​സാ​ ​തോ​മ​സ് ​വി​ര​മി​ക്കു​ന്ന​തോ​ടെ​ ​ഈ​ ​ഉ​ത്ത​ര​വ് ​ഇ​ല്ലാ​താ​വു​മെ​ന്നാ​ണ് ​സ​ർ​ക്കാ​ർ​ ​വാ​ദം.​ ​ശ​മ്പ​ളം​ ​വാ​ഴ്സി​റ്റി​ ​ന​ൽ​കാ​ൻ​ ​ഉ​ത്ത​ര​വി​റ​ക്കി​യാ​ൽ​ ​സി​ൻ​ഡി​ക്കേ​റ്റ് ​അ​ത് ​ത​ള്ളു​മെ​ന്ന് ​ഗ​വ​ർ​ണ​ർ​ക്ക് ​ആ​ശ​ങ്ക​യു​ണ്ട്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: GOVERNOR
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.