ആകാശവാണി എഫ്.എം സ്റ്റേഷൻ സ്ഥാപിക്കണം

കാഞ്ഞങ്ങാട്: കാസർകോട് ജില്ലയിൽ എഫ് എം സ്റ്റേഷനുകൾ അനുവദിക്കാൻ എം.പിയും എം.എൽ.എമാരും ഇടപെടണമെന്ന് നും സപര്യ സാംസ്കാരിക സമിതി സംസ്ഥാന സമിതി ആവശ്യപ്പെട്ടു.പത്തനം തിട്ട, കായംകുളം എന്നീ സ്ഥലങ്ങളിലടക്കം ആകാശവാണി എഫ്.എം സ്റ്റേഷനുകൾ അനുവദിച്ചിട്ടും കാസർകോടിനെ പരിഗണിക്കാത്തത് ഖേദകരമാണെന്ന് യോഗം വിലയിരുത്തി. പ്രധാനമന്ത്രിയുടെ മൻകീബാത്തിന്റെ നൂറാം എപ്പിസോഡ് ആഘോഷിക്കുന്ന ഏപ്രിൽ 30 ന് പ്രധാനമന്ത്രിയെ ഇക്കാര്യം ബോധ്യപ്പെടുത്താൻ ബന്ധപ്പെട്ട ജനപ്രതിനിധികൾ ശ്രമിക്കണമെന്നും യോഗം ആവശ്യപ്പെട്ടു.ചടങ്ങിൽ സംസ്ഥാന അദ്ധ്യക്ഷൻ പ്രാപ്പൊയിൽ നാരായണൻ അദ്ധ്യക്ഷത വഹിച്ചു.സുകുമാരൻ പെരിയച്ചൂർ, പ്രേമചന്ദ്രൻ ചോമ്പാല, ആനന്ദകൃഷ്ണൻ എടച്ചേരി, കുഞ്ഞപ്പൻ തൃക്കരിപ്പൂർ, രവീന്ദ്രൻ കൊട്ടോടി, അനിൽ കുമാർ പട്ടേന,രാജാമണി കുഞ്ഞിമംഗലം എന്നിവർ സംസാരിച്ചു